أكبر فخر لا جيت محتاج وأبيك ضميتني بأحساس وحب ومشاعر 💗

part 3

بقربگ آنسى كُل عثرآت الحيآهہ ..فـ آنت وحدگ دنيآ اخرى لـي 💕

عند عبدالله اللي كان بالبيت سكران مو داري عن شي يرقص ويتمايل وعنده اصدقائة نفسه يضحكون مو حاسين بشي فتحوا اغاني وقاموا يرقصون وعقولهم مو بوعيها بسبب المخدرات اللي تدمر الشباب وتذهب العقول وبسببها يرتكبون انواع الجرايم

وفاء اللي رجعت البيت هي وريفا وهي مقررة تحسم موضوعها مع عبدالله ومحمد اللي أصر يوصلهم مايتركهم بالليل لحالهم كانوا بالسيارة وكان هدوء وفاء اللي تفكر وش الحل وريفا اللي سرحانه اشلون بتتحمل غياب وفاء عنها ومحمد اللي كان موجهة المراية لعند ريفا اللي مو حاسه بشي دلته وفاء على البيت وصل ونزل معهم بيدخلون البيت ووفاء اصرت عليه يدخل ريفا مسكت المفتاح وراحت تفتح دخلت انصدمت وهي تشوف المنظر وعمها اللي ركز على فتحت الباب شاف ريفا ابتسم بشر واقترب منها التفتت ريفا لعند وفاء ومحمد اللي يسولفون برا جت بتصرخ لسانها خانها نزلت دمعة حست بيد عمها تسحبها صرخت بأعلى صوتها محمد ووفاء ركزو على الصوت شافوا ريفا بين يدين عبدالله يسحبها غصب وفاء جمدت مكانها ناظرت محمد تستنجد به : محمد تكفى الحق عليها لايسوي لها شي
محمد ركض للبيت شاف المهزلة وشاف زوج عمته واصحابه سكرانين تقرف التفت يدور عبدالله شافه سكر الباب ركض بسرعه يلحقها فتح الباب لان عبدالله مو داري عن شي شاف عبايتها مشقوقة ويحاول يفتح ازرار التيشرت وريفا تقاومه بس جسدها النحيل ماتحمل انهارت وعبدالله مستمر يفتح ازاريرها ووجهة يقرب من وجهها يبوسها وهي تصد عنه قرب محمد ودفه عنها وسحبها لوراه وعبدالله انهد حيله مع دفه محمد له بسرعه محمد مسك جواله ودق ع الشرطة وبلغ عليهم ناظر ريفا اللي تبكي بانهيار حط يده على كتفها يهديها ارتمت بحضنه جمد مكانه وهي يشوفها تشد عليه رحمها وبادلها الحضن بتهديه وهو يستغفر لين جت وفاء اللي مومركزه لشي سحبت ريفا وحضنتها : ريفا ياروحي انتي سوا لك شي صار لك شي ناظرت وجهها الباكي وعيونها الخضراء الذبلانه ومليانه دموع وجرح عند شفتها وجرح برقبتها حضنتها وانهاروا الثنتين ومحمد راح للشرطة اللي جت ومسكوا عبدالله واصحابه واخذوهم السجن

عند بيت الجد
كان الجد والجده وأبو فارس وابو فواز وابو عزيز يسولفون عن وفاء
الجده بانفعال : والله ماتقعد عنده ذا السكران تجي بيت أبوها معززة مكرمة
الجد بتهدية : مو ذي المشكلة وفاء مابتوافق تجي الا مع البنت ذيك
الجده : اكيد تجيبها معها ويسكنون معنا
الجد : تبيهم يسكنون هنا ونسيانه البيت كله عيال مافي بنات ابد
الجده دمعت عيونها : يكفي حرمتوني منها 10 سنين بنتي وأبيها وغصب عنكم ولا والله لااروح انا وياها والبنت ببيتي ومشت
أبو فارس : يبه هدي مو قصدها شي
أبو عزيز بتأييد : اكيد يبه هي ماقالت كذا الا وقلبها محروق على بنتها
الجد : انا مو رافض سكنهم هنا وفاء ذا بيت أبوها بس البنت ماتقرب لنا بأي صلة قرابة بأي صفة تجي عندنا وانتم تعرفون الناس بيطلعون سمعة اللي تعبنا وحنا نبني لنا سمعة طيبه تبونها تروح بين يوم
دق الباب ودخل محمد : سلام
الكل : وعليكم السلام
محمد : أبيكم بموضوع
أبو فارس : عسى ماشر
محمد حكى لهم كل شي وقالهم وفاء رفضت تجي عشان ريفا مارضت تجي عندهم
الجد بعصبية : نعم يسوي كل ذا الحقير الكلب ويتحرش ببنت اخوه وصية اخوه له
وبأمر : أبو فارس تروح الحين لبيت أختك تجيبهم غصب
أبو فارس قام بغضب من عبدالله وراح يجيبهم

وصل لبيت وفاء وفتحت له وكانت وفاء منهارة تبكي بحضن أبو فارس : اخخ ياخوي عقد البنت
أبو فارس بتهدية : صلي على النبي ياوخيتي
وفاء : اللهم صلي وسلم عليه
أبو فارس : البنت الله بيعوضها والحين انتو لحالكم بالبيت مايجوز أبيك الحين تروحين تجهزين أغراضكم كلها وتجون معاي البيت
وفاء مسحت دموعها : ياخوي مااقدر ريفا مو راضية تروح تقولي اروح انا وهي بتقعد هنا
أبو فارس بحنية : خلاص انتي روحي جهزي وناديها لي
وفاء : مابترضى
أبو فارس : خلاص لبسيها عبايتها ودليني على غرفتها
دلته وفاء ع الغرفة دخل وريفا منزلة رأسها بخوف
أبو فارس بحنية : شلونك يابنتي
ريفا أول مره تسمع اللهجة الحنونه ذي انهارت تبكي
رفعت رأسها بتتكلم أنصدم وهو يشوف الجروح حن عليها أكثر
ريفا بصوت متقطع : ....انا ....ما..ق..در ...ار...وح
فهم ابو فارس انها ماتبي تروح معاه : ليه
هزت راسها بمادري
ابو فارس : اذا قصدك عن عيالي ترا اطردهم واخليهم بالديوانية برا البيت عشان تأخذين راحتك
انحرجت ريفا منه ومن حنيته
ابو فارس : هاا نروح
ريفا هزت راسها بنعم
راح ابو فارس بعد ماقالها تجهز اغراضها ريفا كانت مستقعدة للروحه تحس ان مالها داعي هم اهل وفاء بس هي بالاخير نظل غريبة عنهم

كيف بيكون حياة بطلتنا ريفا بالقصر ؟
عبدالله هل بيرجع لصوابه في السجن والا بينتقم؟ ام فارس هل بتتقبل ريفا في بيتها او بيعتبرونها غريبة عنهم ؟
الجد هل بيقتنع بوجودها معاهم والبيت كله عيال ؟

انتظروني في بارت 5 بأذن الله 💙