أكبر فخر لا جيت محتاج وأبيك ضميتني بأحساس وحب ومشاعر 💗

part 6

لا تعاتب من هان عليه ودك ....

عند ريفا اللي كانت عليها امتحان وقاعده تدرس نزلت لتحت وشافت الجد يتقهوى ومافي أحد عنده شافها فرصة يتكلم معها على موضوع جلوسها عندهم
الجد : تعالي أبيك بموضوع
ريفا أستغربت : طيب قعدت وهي تشوفه
الجد : ماابي اطول الموضوع وهو صغير من الاخر انتي بتظلين غريبة على هالبيت وانتي تعرفين انك ماتقربين لنا ولا شي ووفاء مو أمك والبيت مليان عيال أحفادي ماصارو يجوني بعذر انك موجوده هنا واسف اني بقولها لك بيتي يتعذرك الله معاك
ريفا نزلت راسها بحزن شديد ماتلومه له الحق بكل شي يقوله طلعت عرفتها تجمع ملابسها وبتروح ماتبي تهين كرامتها اكثر طلعت ونزلت وشنطتها تسحبها بيدها طلعت بدون كلمه وشافت الحديقة الواسعه نزلت دموعها بصمت وين تروح مين بيستقبلها ماعندها أحد ناظرت شخص يتقدم لها : ريفا شمطلعك بهالوقت
ريفا انهارت تبكي : انا ماعندي احد
محمد : هدي طيب اشلون ماعندك احد
ريفا : جدك طردني يقول اني غريبة
محمد فارت اعصابه وجا بيدخل يتهاوش معاه
مسكته ريفا بتهديه : لا تكفى خلاص ماابي ارجع بروح
محمد : وين بتروحين
ريفا : بأرض الله
محمد : تعالي
ريفا : وين
محمد : تعالي وراي وبس
راحت ريفا مع محمد

عند بطلتنا أديم كانت قاعده بجناحه بالصاله وتكلم امها بالجوال
أديم : ايه يمه سويت كل اللي قلتي لي عليه
ام حمد : حلوو حبيبتي الحين الخطة الثانية ابيك تتكشخين له وتتدلعين ابيه يحبك اكثر من قبل ابيه يتعلق فيك اكثر
أديم : تم بس يمه امه واضح من شكلها ماتقبلتني وخايفه تقول لخالد شي
امها : ماعليه حبيبتي سوي اللي قلت لك وبتطيرين عقله ويركض وراك شوفي حبيبتي الملابس اللي ارسلتها لك كلها جديده أبيك تلبسينها واذا تبين اكثر بلغيني
أديم : ابشري يالغلا يله بروح اتكشخ
سكرت من أمها وراحت لبست قميص نوم اسود لين الفخذ برز لون بشرتها البيضا وشعرها الاسود الكثيف اللي لتحت ظهرها وحطت لها معطر جسم بنكهة الفراولة وحطت كريم لوجهها ومرطب بالكرز لشفايفها

عند خالد اللي رجع البيت منهك كل همه يروح ينام تذكر زعل امه عليه راح لها دخل لقاها جالسه ع السرير : يمه
صدت امه
قرب منها وهو يتنهد : يمه تكفين ردي علي
امه وهي صاده : ليه ياخالد
خالد : يمه القصه طويله اللي اقدر اقوله لك البنت انا حبيتها يمه مااقدر اطلقها
امه : كم لك متزوجها
خالد : سنه ونص
امه : حرام عليك البنت باين انها بزر
خالد : يمه الصغير مرده يكبر وذا مو موضوعنا
امه : قلي وين اودي وجهي من ام هيفاء
خالد بقلة حيلة : يمه تعرفين اني ماابي هالخطبة انتي اللي اصريتي وانتي اللي خططتي بكل شي
امه : تبي رضاي
خالد : ولا ابي غيره
امه : حط لها غرفه برا جناحك وماابيك تقرب لغرفتها ابد لين ماتولد
حس خالد بصعوبة لطلبها بس قام باس راسها : ابشري باللي تبينه
طلع بتعب
وامه مسكت جوالها ودقت على فاطمه تعلمها باللي صار

عند ريفا اللي دخلت لشقة حلوه بديكورها واثاثها
التفتت شافت محمد : هاا عجبك المكان
ريفا : ايه يجنن
محمد : بتقعدين هنا لين تتعدل الامور
ريفا هزت راسها بالموافقة : بس بيت من ذا
محمد : بيتي بس ماتقولين لأحد طيب
ريفا : طيب
طلع محمد بعد ماجاب لها اغراض تحتاجها وريفا استكشفت المكان وراحت تكمل تدرس عشان الامتحان اللي عليها وهي ناوية تدور على اهل امها

عند خالد اللي دخل الجناح وهو ناوي يخلص الموضوع اليوم وصل لأنفه ريحة عطور وبخور أبتسم عرفها ومن غيرها يحط هالريحه اللي يسكر فيها أخيرا رجعت له بعد شقى وتعب اخيرا رجعت وردت روحه معها بس تذكر طلب امه تعكر مزاجه شوي تقدم للغرفة فتح الباب شاف مالكة قلبه بجمالها الطبيعي بشعرها اللي يعشقة رجعت أيام جنونه فيها تقدم منها بهيام : وش سويتي فيني يابنت خليتيني مجنون فيك
أديم بجرائة لفت يدينها حول رقبته وبنعومة : انت اللي جننتني وخليتني بدون عقل خلودي خلاص ننسى اللي راح وخلينا نعيش حاضرنا مانبي هم ونكد تكفى
خالد بتخدير وهو يلف يدينه حول خصرها واليد الثانية على بطنها : اللي تبينه ياكامل الزين ننسى كل شي وننسى الدنيا بلي فيها
أديم بدلع وهي تحط يدينه على بطنها مكان البيبي وبهمس : حتى البيبي يبيك
خالد بنفس الهمس : بس البيبي
أديم : حتى امه تبيك وماتبي تفارقك خلودي اشتقت لك حياتي من غيرك ماتسوى مالها طعم
خالد بحب : حياتي بدونك بأختصار مالها معنى أديم احبك واعشقك واموت فيك واهيمك صرت مجنونك ياجنون قلبي انتي
أديم رفعت رؤوس اصابعها وقبلت خده
خالد غمض عيونه ويحس بشفايف حب حياته على خده كم تمنى ذا اليوم اللي يشوفها والكل يدري بزواجه منها
خالد بهيام : أديم
أديم بهمس طير عقلة: روحها وحياتها انت
خالد ماتحمل قرب منها يروي عطشه وهي متجاوبة معه و.............
( ماعلينا منهم )

______________________________________

عند ريفا اللي تذكرت اوراق حق امها طلعتها عشان تحاول تعرف شي عن خوالها
مسكت ورقة وقرأتها فزت بفرحه : يسس ييس
كانت ورقة امها اللي تثبت شخصيتها أسمها واسم ابوها ولقبهم والمنطقة اللي ولدت فيها امها رغم انها لبنانية بس عايشين بالسعودية أبتسمت بحماس أهل أمها قريبين من منطقتهم قعدت تخطط بين وصلت لقرار بس اول شي بتخلص امتحانات الجامعه وبعدين تروح سوت لها كافي وراحت تكمل مراجعه للمحاضرات حلمها تكون محامية ناجحه الكل يتكلم عنها بكل خير

______________________________________

انتهى
أدري انه صغير بس أسفه مااقدر اكتب اكثر لاني منشغلة بدراستي اتمنى تعذروني
صوتوا للروايه تكفون عشان أستمر انزل لاني اشوف التفاعل قليل جدا 🙁
انتظروني بالبارت القادم 💙