عوض ما بعد الفقدان

part(38)

عوف الماضي والله وداعتك ميفيد ..
شكثر گبلك بچوا والحزن غاطيها ؟
وافتح باب گلبك للجديد وعيش ..
وادموعك لوكت العازة خليها .
ميلوگ البچي لعيونك الحلوات ..
وحرامات الدموع الانته تبچيها ..
يل ما جربت بالدنيا مره اتعيش ..
وجبت عمرك حزن وهموم گاضيها ..
«««««««««««««««««««««««««««««««««««
مساء العسل حلويني
اهم شي تصوتو عل البارت ادعموني اول بدايتي بكتابه القصص وادري البارتات قصيره بس ماكو دعم عل الروايه قدرو تعبي جاي اتاخر بتنزيل البارتات اول شي محرم وثاني شي انتظر التفاعل يزيد شويه وانزل بارت 💔👍🏿
حساباتي ضيفوني انستا ✨🦋
hmut9_ انستا
@hm9m_12 تلي
الكاتبه:: Manar Ghassan ✨🎀
«««««««««««««««««««««««««««««««««««

رهف: حيدر نزل بميسون دك رزايل وهيا بقت بس تصيح وتهوس وابوي زمخ عليها..

كرار: ميسون تجاوزتي حدودج كافي سدي حلكج باجر اجيبلج سم واشربي فوتي للغرفه ماسمع ولا حرف منج..

ميسون: ماتشوف بنتك شلون جاوزت عليه وانته ساكت هاي بنت همسه الي شردت بلا تربيه..

كرار: كتلج سدي حلكج كدامي لااليوم اطلكج واخلص منج ومن وجهج بسرعه ماريد المح وجهج وانتي لجين مرت الثانيه اذا جاوزتي ماتلومين الا نفسج يلا روحو الغرفكم ..

رهف: ميسون طكتها بجيه وتلطم على راسها وتملخ بشعرها راحت للغرفه واخذت لجين ورحنا للغرفه وجها صاير خريطه الله يكسر اديها...

لجين: اعرف نفسي اني غلطت هيا هم جبيره بكد امي مايصير امد ايدي عليها بس شفتي شلون جاوزت على ابويه وتريد تدفعه الكل واكف ماهمكم بس اني فار دمي شوفي سوت بوجهي..

رهف: لا يروحي السويتي صح لاتلومين بنفسج هسا اعقملج جرحج..

لجين: هزيت راسي موافقه..

رهف: جبت الها المعقم وبديت اعقم خدها وهيا بس تشهك اردفت.. ياذيج

لجين: كلش احس مو زلخت ولجهي وكانه خلتلي تيزاب..

رهف: هسا يطيب يروحي صراحه اليوم صدمتني شلون كدرتي تضربيها وهيا كل هل ضخامه بس شلون راشدي صار خدها احمر ولج اني خفت لابابا يكتلج بس فاجئني من سكت وماسوا شي..

لجين: اني هم كلت اليوم انعلس

رهف: الله يستر بعد هل راشدي شراح تسوي بينا خايفه منها صراحه..

لجين: خلي تولي غير اضربها راشدي الثاني وانسيها حتى اسمها..

رهف: هههه لجين اعتقد عشتي الدور اكثر من الازم..

لجين: اي حرفياً عشت الدور كاني امثل فلم هندي..

رهف: ديلا روحي نامي اني كلش نعست..

لجين: اكلج اشو الدنيا مكلوبه وانتي هامج المبايل عيني ست رهف تخاف لاتنفضح..

رهف: لجين انجبي ولج انتي تتعاركين واني افكر حذفت المحادثه لو لا واخر شي تذكرت ماحذفتها وكف كلبي اخذت التلفون وضميته..