عوض ما بعد الفقدان

part(40)

لا تبچي اعله عمرك والعوض بالجاي .
شوف الدنيا هاي .. شبيها مابيها .
گبلك هم بچيت .. وأيست مرات ..
بس شفت الدمع ميفيد تاليها .
المرّن بيك كلهن .. هم اجن وياي
ونيران البگلبي .. ابدمعي اطفيها ..
أنه هواي البگلبي .. وياما شفت هموم ..
وبعض من السوالف خايف احچيها .
عوف الماضي والله وداعتك ميفيد .
شكثر گبلك بچوا والحزن غاطيها ؟
«««««««««««««««««««««««««««««««««««
مسائكم عسل
اهم شي تصوتو عل البارت ادعموني اول بدايتي بكتابه القصص وادري ماعدنزل البارتات بسبب تفاعل ماكو دعم عل الروايه قدرو تعبي 💔👍🏿
حساباتي ضيفوني انستا ✨🦋
hmut9_ انستا
الكاتبه:: Manar Ghassan ✨🎀
«««««««««««««««««««««««««««««««««««

رهف: مشت الايام وحالتي تسوء ونفسيتي تتعب مستواي الدراسي تراجع ابوي وحيدر نوعاً ما تصالحنا بس مايحجون وياي مثل قبل واني احترك اكثر خلص رمضان والعيد وبلشت متحاناتنا اخير السنه بلشت باول متحان جاوبت بس عندي اغلاط رجعت انوح وابجي اريدلي فرصه بس حتى اطلع حركه كلبي.. اردفت لجين..

لجين: انتي شبيج بس تبجين هوا كم غلط ماراح تسبب خطر على حياتج رهف شنو دموعج ماخلصو؟

رهف: لجين طلعي من يمي ترا واصله لهنا انتي طايح حضج مايهمج..

لجين: اني اذا اخذت 50 اكوم اركص شكد بطرانه..

رهف: غميتها بثنين اديه.. من امداج تركص الثوله

لجين: ليش شبيها ال 50 نعمه الله.

رهف: ولج اني ماذكر يوم اخذت 50

لجين: اي عيني اني متواضعه مو نفسج كلها بال80 وفوك

رهف: ههههه لجين طلعي من يمي كلش مقهوره ودمي محترك انتي بطرانه..

لجين: رهف ادري بيج مو علمود الاغلاط كسره منير وفضيحه ميسون ضلت بكلبج محفوره وحقج الشي الي صار مو سهل بس انتي صيري قويه..

شهكت

رهف: شصير لجين تعبت اني ولج ميسون فضحتني ماخلت واحد ماكالتله دمرتني طلعت حركتها بيه شوهت سمعتي كدام كرايبها انُ دازه صوري اذا يشوفوني شيحجون عني..

لجين: لاتبجين يروحي الله ياخذ حقج منها حسبي الله ونعم الوكيل بيها ادري صعب بس انتي تخطيتي الاقوه منها..

رهف: بادلتها الحضن واني دموعي تنزل عشره عشره غسلت وجهي وبديت ادرس الماده عربي كلش معقد ماحبها هل ماده بلشت ادرس بيها واحل تمارين خلصت نص الكتاب وسويت عشا الجواء هدوء محد يحجي اني منزله راسي واكل لجين خلصت الامتحانات قبلي اما اني توها بدت متحاناتي..

كرار: جاوبتي اليوم؟

رهف: رفعت راسي وحجيت بخجل.. اي بس كان عندي كم غلط..

كرار: خير ان شاء الله شدي حيلج بل مواد الجايه..

رهف: الفرحه ماسايعتني اردفت بفرحه.. اي ان شاء الله ماخيب ضنك.. رهف شنو ماتخيبين ضنه انتي كسرتي ثقته بيج وهدمتي نزلتي راس ابوج.. باوعت على سكت مارد عليه خلصنا العشا تعاونا اني ولجين غسلت المواعين رحت للغرفه والحسره بداخلي ردت افتح الكتاب..