"قيود الحكيم"

البارت"1"

هلو حبايب لاتنسون تصويت + تعليق بين الفقرات♡💙

احبكم حب قلبي♡
______________________________________
كاعده وافگر اكول شنو كان صار لو ابويه كان عايش مجان نذلينه هيج اني اومامه من قبل اهل ابويه ولا جني اني بنت ابنهم كمت مشيت بخطوات باهته وكفت كدام المرايه واني اشوف وجهي من الگدمات ميبين الملامح فزيت على صوته جوه مثل گل مره لزمن انضرب على اشياء مسويتهه

اجه يصيح بأسمي بأعلى صوته ولازم تنسبق
بأي نوع من الغلط والفشار

ولجج طييف.!!؟

نزلت الدرج اركض بروح مهبوطه خايف من الي راح يصير هل مره على شنو راح انكتل وليش وشنو السبب كله دور براسي شفت أمي وهيه واكفه باب المطبخ مقهوره على حالي وشنو وراح يصير بيه تهزلي براسه بمعنى اسكتي:

شنو مسويه لبت عمج ولج طييف؟

رديت اله بروح رايحه گوه صوتي ينسمع من الضرب الي ضربني ياا مصار هواي وبعده اثثره بجسمي وبوجهي

طيف: عمو والله مسويت شي

لزمني من اذني وجرني عليههه وصاح بصوت رج البيت رج"

ولجج شنو ممسويه شي شوفييي ملاااابسههه او وجهه كلهه طين

صفنت على بيداء الي هيه بنت عمي'

شفتهه تناشق وتشكي اال أبوهه عليه ودگوله

بيداء: بابا والله هيه هيج سوت بيه وگل ماتروح لدوام هيج سوي بيه وتبچي

اشࢪت عليه وگتله والله عمو جذابه مسويت هيج ويااهه"

اسئل ماما وين چنت والله چنت فوگ بالغ..

بعدني مامكمله كلامي وسحلني من شعري بگل قوته يگطع بي وماهتم نظرت لأمي نظرات خذلان انكسار حرمان مثل گل مره انضرب بدون مايسمعون مني

بدون ميگولون اذاا هيه جذب او لا المهم طيف تنكتل"
اخذني سحل للغرفه الي اكره اكثر غرفه شهدت على عذابي وخوفي وحرماني
نزع الحزام وضربني ضرب مُبرح لدرجه راسي ضل ينزف دم وهوه مستمر يضربني وكعت على وجهي فاقده الوعي..

مر فتره طويله فزيت على ايد تمسح على راسي الي ملفوف بشاش ابيض ودموع امي الي توكع على خدودي حسيت بحراره دموعه بچيت على بچيه گعدت كوه عليه شلت شعري الي واكع على وجهي بأيدي ولزمت چفوف أيده بأيدي وبستهن وبقيتهن على خدي اردفت بصوت مبحوح من البجي..

"يمه مگدر الهم تعبت اني تعبت"

گالت بسرعه بعد مامسحت دموعه بچف ايده

حنان: بسرعه لمي ملابسج نروح لبيت خوالج

طيف: أو نسوانهم.؟! لو نسيتي شنو سون اخر مره؟
حنان: نسوانهم ارحم من العيشه يم عمج

طيف: ماما لاتنسين عمي مايخليني اروح وياج لان لازم اشتغل واجيبله فلوس

حنان: يمه انتِ اخذج وروح لخوالج محد راح يعرف بسگته نطلع

طيف: ماما شبيج تحجين صدگ!

حنان:أي ماما صدگ

اردفت بحديه غيࢪعن كل عادتي..

طيف:گتلج ماروح يعني ماروح

حنان: عاجبج هذاا وضعج

طيف: ماما هذاا وضعي من أني عمري 6 سنوات
وهسه عمري 17 سنه يعني عادي تعودت ولا تنسين كتلج عمي ميخليني اروح وياج مواكثر من مره حوالتي بدون فايده

سكتت ماما بدون متحجي شي"

مر سبوع على هاي السالفه وجسمي بعده لهسه يوجعني من ضرب"

گعدت من صبح اليوم لزمن اروح لشغل واجمع فلوس مال اسبوع والله اليوم ينزل عمي واذا يشوفني ملامه الفلوس اله يموتني كمت

لبست بنطرون اسود وبلوز وردي شتائي لان احنه بداية شهر 12 رفعت شعري الاسود سويت تسريحه بسيطه بي..

ونزلت اركض شفت ماما بالمطبخ صبح عليه بسرعه ردت عليه..

حنان: صباح النور بنيتي اگعدي تريكي

طيف: لا ماما تأخرت يلا مع السلامه بسته بسرعه وطلعت اركض..

أجرت سياره من شارع مع انو عدنه سيارات بالگراج بس عمي ميقبل اخذ وحده هوه كلش غني بس حقير يخبث ويانه ويريدني اشتغل واجيب افلوس اله لان كاعدين بيته مع العلم هوه بيت بابا بس هوه حقير'

وصلت للمطعم شفته مفتح ابو المطعم رجال جبير بالعمر لهذاا اشتغل عنده لان اعرفه شلون كلش حباب وشكد انسان خلوق.

انطيت الكروه الأبو التكسي ونزلت اركض اول مادخلت اجه عليه باوع بوجهي بدون مايسئلني فهم سبب تغيبي عن الشغل اسبوع كامل ماحب يحرجني ف سلمت عليه ورحت اشتغل..

مر الوقت واني اشتغل شفته الساعه 8 بليل
رحت الأبو المطعم واني افرگ بأيدي من الخجل شلون افاتحه بالموضوع بس والله اذا ماجبت الفلوس يموتني عمي نطقت بعد معاناة

طيف: عمو أبو محمد سكتت خجلانه..

ابو محمد: ها بنيتي طيوفه

طيف: دمعت عيوني بخجل وخوف واردفت بصوت ناصي واني مدنگه راسي عمو عادي تنطيني يوميتي مال اسبوع ولا تنطيني السبوع الي يچي لان كلش محتاجه لفلوس هذا سبوع

"صفن بوجهي نوب اردف بأبتسامه عريضه أدللي بس ها السبوع الي يجي ماكو يوميه

اردفت بصوت مبحوح

طيف: تمام عمو شگراً

اخذت الفلوس وطلعت من المطعم صارت ساعه 8:30 رجعت للبيت أمشي تعودت ارجع مشي لان أخاف اصعد تكسي بليل الجوو بارد والهوى يلفح بوجهي خصلات عشوائيه من شعري طايحه على وجهي قطرات المطر ناعمه طيح بشگل عشوائي داعب بشرتي الناعمه

ضحكت بخفه ورفعت راسي لسمه واني اشوف
ظلامه مثل ظلام حياتي تحسرت على حياتي ومشيت بسرعه للبيت..

أول ماطبيت للبيت چان البيت كلش هادئ وظلمه على غير العاده گأنو يگلي هذاا هدوء ماقبل العاصفه الي راح تعصف حياتج

رحت الغرفتنه أني وأمي ونصدمت صدمت عمري تصنمت بمگاني من هول الصدمه ياريتني ماوصلت للبيت ياريت رب العالمين اخذ عمري ولا شفت الي شفته!!؟
______________________________________

توقعاتكم للبارت القادم حبايب قلبي الحلوين🫂
احبكم اني 🥹✨