"قيود الحكيم"

بارت"8"

هلو هلو شلونگم ياقمرات🌚🫂

مشهد

اركض تحت المطر بملابسي المُمزقه انفاسي العاليه صوت الرعد يرن بأذني وگفت التقط بأنفاسي هدئة من نبضات قلبي المضطربه الهواء العالي مع المطر المتساقط على وجهي اباوع للبرق الي يقسم السماء نصين ويعطي نور بالأرض الظالمه،، رچف گلبي واني اسمع صوته قرب مني.....

رجوع

نطقته وعفت المكان وصعدت بدون مافگر شنو گلت صعدت الغرفتي دخلت بفراشي غطيت بنوم عميق كعدت ثاني يوم على رنات الموبايل، رديت بدون مانتبه منو المتصل، حجيت بصوت ناعس..

طيف:هاا

طفرت من مكاني واني اسمع صوته يرن بأذني..

الحكيم:وعليكم السلام اني زين انتِ شلونج

مسحت على وجهي وردييت

طيف:شتريد؟؟!

الحكيم:اريدچ

طيف:انت شبيك؟

الحكيم:يلا گافي مو انطيتچ مچال

حجيت بصوت ناصي

طيف:هسه اني لو انت الي تصلت والله يالله

الحكيم:حظري نفسچ چاي اخذچ نروح لسوق

استغفرت ربي وحجيت..

طيف:تمام

وسديته بدون مااسمع جوابه..

ذبيت الموبايل ودخلت للحمام اسبح اسمع الموبايل يتصل واني بالحمام عفته وكملت طلعت شعري يقطر لافه البرننص عليه دنگت اشيل الموبايل وچان يرن بأيدي چفلت واني اشوفه بس رقم نوب 18 مكالمه بسرعه رديت..

طيف:منوو

اچاني صوته يرعد

الحكيم:قسم بالله ياطيف اذا عدتي هذاا تصرفچ الي سويتي قبل شويه اله اشك حلكچ

طيف:شبيك شبيك صيح

الحكيم:ولچ انتِ منو وسدين الاتصال بوجهي

حجيت بسخريه..

طيف:بنت خالتگ

الحكيم:يصير خير اني اعلمچ

سدا بدون ماچاوب عليهه هذاا شبي هسه كل هذا علمود لان سديت الاتصال بوجهه...

طيف:اللهم طولچ ياروح

رحت أبدل لبست بنطرون اسود وقميص سمائي يوصل لحد الفخذ رفعت شعري ونزلت بعض الخصلات على وجهي بطريقه عشوائيه

خليت شويه مكياچ لان مالي خلك

نزلت الدرچ ورنات كعبي ترن بالبيت الهادئ لگيت بيداء واكفه بالصاله اچت عليه والأبتسامه على وجهه اردفت بصوته الانوثي عكس ملامح وجهه

بيداء:الحكيم صار ساعه منتظرچ براا

طيف:شنو اسويله غير چنت داحظر بنفسي قابل اروح مبهذله