"قيود الحكيم"

البارت"9"

هلوو عيني شلونكم✨🫂

تلگ الفتاة التي ضنهاا الجميع انهاا
طفلتاً..
سوف يأتي وقتاً لتصعقهمم بسيفها البتار

فهل يگون القدر حليفاً لينصفهاا هذا المره

ام سوف يگون اللقدر رئياً اخر..

بقلممي:نور علي

فززني صوت الطلق بره وصوت رچال صاح بعلو صوته...؟.

مات؟؟؟.

باوعت على الحگيم الي عيونه چحضت من مكانه بسبب الي سمعه عاف المگان وطلع بقو كُل الموچودين مستغربين من ألي صار ويتسائلون شنو صار ومنوو الي مات؟؟.

ضلت عيوني ادور على الموچودين الغصه بلعومي ادور بعيوني على بيداء شفته واگفه نهايهه الصاله تباوع من شباگ عليهم شويه وطلعن اخواته وامه من المگان عرفت صاير بيهم شيء بس شنو معقوله الي مات واحد منهم؟..

اچت عيني على نسوان اخوالي او بناتهم شفت بعيونهم الشماته مهتميت الهن عفت المگان وصعدت
ضليت افگر شنو صار مرت فتره موكُلش طويله واسمع عمي يصيح بعلوو صوتهه..

نزلت اشوف شنو صاير وليش هيچ منفعل نزلت الدرچ بگل هدوء عگس العاصفه الي چاي تعصف المگان وتطغي على هدوء خطواتي ضليت واكفه على نص درچ ونصعقت من المنظر الي گدامي او من گلام عمي..

واني اشوف أبن عمي مصطفى واگف گدام عمي منظره كُلش مرعب ايده معلگه برگبته مبين عليه مكسوره ندبات الي بوجهه طاغيه على ملامحه ومضيعتهن ملابسهه متبهذلهه وشعره مخربط نزال على وجهه بعشوائيه و ندبة الي بعينه حاويه على اللون البنفسچي على أحمر حاوي على زراق

عمي وضعه كُلش متوتر ويروح ويچي وأردف چمله خلتني اصفن...

ابو مصطفى:أنت مالگيت غير الحگيم تلعب وياا

چاوبه مصطفى بألم وصوت مگتوم..

مصطفى:وهوه منوو ويچي يخطب طيف وانت توافق بهل سهولهه

ابو مصطفى:انتَ شلون تروح تصاوب اخوو وبيوم خطبته وانت تدري كُلش زين هوه واخو يعرف عن شغلنه الي بالخارچ واذاا ندگينه بي عنده اوراق توصلنه وراا شمس..

احس كلامه صاعقه نزلت على راسي مگدرت اتحرك بعد شنو هوه واخو شنو اوراق شنو شغل
وليش مصطفى صاوب اخو ومنو هذا اخو الحگيم؟

ضل السؤال يدور براسي شنو شغل عمي الي يعرفه الحكيم و اخو بحيث اذا حچه يوصل ورا شمس..