"قيود الحكيم"

البارت"10"

هلاو شلونكم شخباركم 🤍
مُشتاقتلكم قلب قلبي🌚

نصدمت وأني اشوفه واگف گدامي چريت النفس بصعوبه احاول اهدء من نفسي مكدرت چبيني بده يتصبب عرق انفاسي تعالت واني اشوفه واگف ومبتسم أبتسامه چانبيه ماگره أردف بمگر..

الحكيم:وأخيراً لگيتچ حلوتي

حسيت الدنيا وگفت بهل لحظه گرهت گلشي وگرهت اليوم الي نهزمت بي من عمي..
اجيت ارگض سحلني من أيدي حسيت شي ضربني بي على راسي شيء دافي نزل على وچهي غمضت عيوني مستسلمه محسيت بشيء

فتحت عيوني بطئ على اثر صوت مزعچ انتبهت على الساعه المرگونه على الجدار من شدة الهدوء حسيت صوت دقات الساعه مزعچ بالنسبه اليه رفعت أيدي على راسي ملفوف بشاش تحسرت بألم

اني شنو سويت بحياتي ديصير بيه كُل هذا ماكو دقائق معدوده وحسيت واگف فوگ راسي القيت عليه نظره بحديه عكس الخوف الي بداخلي تچنب نظراتي واچه كعدت مقابيلي اردف بدون مقدمات..

الحكيم:صار شگد من سافرتي؟؟؟
حسيته چاي يستغفلني حچيت بعدم مبالاة

طيف:ليش لهل درچة ماهمك فراگي علمود متعرف شكد. صاريلي من سافرت

ضغط على فگي بقوه احسه راح ينگسر گد ماضغط أردف من بين سنونه..

الحكيم:ولچ انتِ منو وتحضريني تعرفين بنفسچ انتِ منو؟
حجيت بعزم
طيف:منو!

عتني من شعري انفاسه العاليه تلفح بوچهي احس انفاسه اختلط وي انفاسي من گد القرب همس بأذني گلام بهل وقت شكد كرهته وگرهت نفسي..

الحكيم:انتِ مرتي الي نهزمت ثاني يوم الخطبه علمود حبيب الگلب مصطفى

چحضت عيوني من گلامه گرهته اضعاف گرهي اله بدون سابقق انذار تفلت بنص وجهه مچنت اعرف هذا شيء راح يدمرني ولاچنت حاسبه حساب التصرفي..

اباوع على وجهه تعابيره ضلت ماتتفسر سحلني من شعري يعتتت بي مامهتم الچرح الي براسي حجيت متوسلهه

طيف:عوفني الله يخليك

مارد عليه ولا سمع مني حرف كعدت بالكاع مقابله أمشي وياا ضلت يعت بشعري احسه تگطع گله بأيدي رفعت وچهي اله اتوسله دوموعي تچوي خدي..

طيف:عوفني الحكيم شنو سويتلگ علمود اسوي وياي كل هذا

چرني من الكاع وگومني صار وچهي بوچهه صاح بوصوت فززني..

الحكيم:من تنهزمينن ثاني يوم خطوبتچ او وي منو وي الي صوب اخوي گل هذا وتسئليني شنو سويتي

حجيت متوسله بي

طيف:عوفني والله همه گالو انروح واخذوني وياهم لان مكدر اضل وحدي بالبيت

رچع يچر بيه بدون ميسمع مني فتح الغرفه وذبني بيه وگعت على وجهي صحت بألم ايدي احسه نكسرت بسرعه طلع وسد الباب ماكو دقايق معدوده وطفه الضوء الغرفه وگأنو قطع عني الهواء