اسكوبار 13

2- البارت الثاني

رواية إسكوبار 13
للكاتبـــة فطم موفـق
للتواصل الانستا fatimalrashd
أو التليجرام rt2y7

- اوركيد ..

خليت ايدي على محجر الباب وقلبي ينبض بِقوة
نزلته على كيف كان مقفول ومُجرد ما نزّلته صار صوت خافت داخل الغرفة، التفتت لليمين واليسار شفت المفتاح معلگ بالمكان المُخصص له
سحبته وحاولت بأكثر من مفتاح حَتى فتح قفل الباب..

رجعت نزلت ايدي للمحجر وخوف بداخلـي
فتحت الباب ووگفت محدقة مصدومة من إلي شفته داخل هاي الغرفة المعزولة ..

كان رجُل ضخم
ملثم فاهه بِقطعة لاصِق وايديه ورجليه كذلك
تقدمت بِخوف هامسة :- انتَ !؟

توسعت عيونه بِصدمة وهو يشوفني گدامه
تقدمت وسحبت اللاصق من فاهه مكلمته : شنو وصلك لهنا وليش محبوس ببيتي ؟

رفع رأسه بِتعب :- انتِ إلّـي شنو تسوين هنا ؟

- لك هذا بيتي شبيك انت مجنون ؟

تكلم وهو يحدّق بباب الغرفة هاي :- بس فكي ايديّ

تقربت منه وسندت إيديَّ على كُرسيه وقربت وجهي من وجهه :- شنو وصلك لبيتي ؟

تمتم مع نفسه ورفع رأسه صار وجهه قريب ومُقابل وجهي
اردف بِهدوء :- اخوچ خطفنـي .

عقدت حاجبي ضاحِكة :- اي واحد وشنو هالسرعة ما صار ساعات من نزلت الطيارة ودخلت العراق لحگ اخويا يلگاگ ويخطفك انت لو مجنون لو تضحك عليّ

حدّق بي وعلى خصلات شعري إلي لامست وجهه من قُربي
تبسم بِمُكر :- روحي اسألي آران إذا ما تصدگين بيَّ

توسعت حدقة عيني على معرفته بأسم آران
ابتعدت منه وانا التفت يميـن ويسار خوف من أن احد يشوفني
تقدمت بعدها فتحت ايده بِهدوء وانا احذره :- انا اعرفك كذاب بس راح افك قيودك مو لأن مصدگتك بس ما اريد اخويا يدخل بمصائِب هو بغنى عنها .

فتح هو الحِبال إلي مقيده رجليه وابتعد بخطوتين عنـي مبتسم :- نلتقـي بالمرة القادمة يا حضرة المُضيفة .

طلع من الباب والتفت عليَّ رافع اصبعه بوجهي :- حركات النساء هاي بطليها الدلع والتغنج واللبس الفاضح وغيره هذا يوگعون بيه الأغبياء مو الأذكياء .

بصقت عالگاع گدامه هامِسة بِقرف :- قـذِر ..

مشى من الباب ويهتف :-
انا ابن الفزع مگوارة
يوم الـسمع صوت الغارة
وابن الـطيحوا طيارة
وعل عيلة احنا الـمانمنا ..