رواية إسكوبار 13
للكاتبــة فطم موفــق
للتواصل انستا fatimalrashd
***
- بيرنا -
سرت نحو المكان المقطوع هذا
دخلت البيت رافعة رأسي للمكان اتفحصه بِأبتسامة بسيطة على ثغري
رَن موبايلي كان أريس، رفعته مجاوبته :- نعم أريس .
اريس :- بيري اطلعـي من اي مكان انتِ بيه حاليًا، انا دقائق وأكون عندچ وين ما كُنتِ .
انعقد حاجبي بِأستغراب من نبرة صوته بعد ما گال :- بيري هاي خطة راح ينهون امرچ وينتقلون للأكبر منچ ، انتبهي ارجوچ .
الجُملة إلي خلتني محدقة بالمكان بِصدمة وعيني بالمكان ودموعي تجمعت بعيونـي وبِذات اللحظة التفتت محركتني رجليّ دون إدراك، صرت اطالع بِدوخة شديدة وكُل الرؤية تتشوش امام عيوني ، وگفت الدنيا بيَّ وما إن رفعت عيني للباب إلّي أنفتـح وبنفس اللحظة صوت خطوات جَلادي وسلاح انسحب اقسامه ...
تراجعت بخطوات وجسدي يرعد خوف على غضب
انفتح باب البيت بهدوء ودخلت فوهة السِلاح
بِحين ما انا مبحلقة بالجاي يصير، انا مدنية ما عندي حتى سلاح
ادافع عن نفسي بيه .
خطيت خطوة للخلف بغضون ثواني ركضت داخل البيت
سحبت الجنطة إلّي على كتفي زنجيلها قاسي، رفعت رجلي وقطعته عن جلد الجنطة، رفعت عيني وانفث شعري عن وجهي بِغضب وعيني متمركزة على باب الغرفة اسمع خطواته يتقدم تِجاهي :- تعال، تعال راح ادفنك حَي .
التفتت خلفي شايفة شباك كبير مفتوح عالجهة الثانية
يعني اكدر من خلاله اطلع خارج البيت بس رفضت
لأنُ لازم يعرفون مع منو جاي يلعبون
ازحت نظري ووجهته عالباب الي بدأ ينفتح بأقل من مهل
وما إن دخل للباب رفعت الزنجيل القاسي ولفيته على ايده الي بيها سلاح
ورجعته على عنقه حتى صرت خلفه خانگته بِغضب شديد وانفاس لاهِثة :- انت منو وراك ؟
من التزم الصمت صرخت عليه وغضبي واصل لأقصى حده
شددت على الزنجيل مضيقه نفسه اكثر مقربه وجهي من رگبته ونظري للأمام :- ما اعرف منو باعثك لِقتلي بس صدگني راح ادفنك وادفن سيدك الغبي إلّي فكر مجرد تفكير إنُ يقتلنـي .
أنت تقرأ
اسكوبار 13
Aventuraما زلت تبحث عن وصف الرواية لِترى هل هي تستحق ام لا الم تمل هذهِ العادة يا صديقي ؟ أدخُل هنا سأجوِلك في اماكن لا يعلم بِها سوى الله وبعضُ البشر الذين فقدوا حياتهم فقط لأنهم علموا عن هذهِ الأماكن ⭕️ جميع الحقوق محفوظة لي لا أستبيح السرقة بِشتى طرقه...
