اسكوبار 13

9- البارت التاسع

« أسكوبار 13 »
رواية حقيقية بِقلمي فطم موفق
متابعة لِحسابي الواتباد fatimalrashd
للتواصل أنستا fatimalrashd 🌟.

لا تنسون التصويت والتعليق بين الفقرات

««°•°»»

‹ أوركيد ›

خفق قلبي بِقوّة باعدته عني محذرته :- رجعني للبيت سقر .

أخذني من المقعد بِقوّة مدخلني للبيت
چنت صاحية عالديصير بيه بس ما عندي قوّة لأي شيء
باوعت بالمكان بعد ما خلاني عالقنفة ينزعنـي المِعطف
همست وشفايفي ترجف :- منو أنت ؟

قدّم وجهه لِوجهـي يجاوبنـي :- أنا سقر يا أوركيـد .

»»

- سقر -

تركها مرمية عالقنفة مرة ثانية و وگف يباوع لها متكتف
بحِين ما هي بدأت تفقد الوعي تدريجيًا
لكِن تحس بحركته أمامها، ما فقدت نفسها بالكامل

تقرب ينزعها المِعطف بِهدوء رافع رأسها لصدره
بعد ما أنامله تتحسست الوشم إلّي بمؤخرة رأسها
و ما إن كشف عليه صعد صدره و نزل بأرتياح
هامس مع نفسه :- الحمد لله .

رجّعها لمكانها يتأمل وجهها إلّي شعرها مغطي نصفه
باعد خصلات الشعر من وجهها مبتسم
لِثواني مُردف :- بس لشنو داتسعين يا أوركيد لشنو .

تراجع بخطوات گاعد عالقنفة يباوع الها و تفكيره أخذه ...

«««

‹ أوركيـد ›

فتحت عيوني على وجع قوي برأسي
ما چانت واضحة الرؤية أمامي, كُل إلّي أعرفه أنا مو بالبيت
رفعت جسمي المتكسر من المكان إلّي نايمة بيه

همست بشفايف ترجف :- سـ سـقر .

صارت عيني عالقنفة المُقابلة لي شفته
شفته مغمض عيونه و نايم مرجّع ظهره عالقنفة متكتف
و مخلي رجليه عالميز إلّي گدامه نومتة مو عدلة و بدون غطا

باوعت بالمكان و أنا أرجف
رحت جنبه و أنحنيت مطوقة رقبته أخنگه بِغضب
أصرخ :- شنو سويت يا سقر، شنو سويت و ليش أنا هنا .

چان متفاجئ هواي من ردة فعلي
لِهذا ما دافع عن نفسه بل بقى ساكن يباوع لي بأستغراب

صحت بصوت أعلى اضربه :- أنت واحد حيوان يا سقر
حيوان .

چان يدور اضعف حركة منـي حتى يهاجم
وما إن لمح حركة ضُعف من قيد إيديّ و رماني عالقنفة
يباوع بعيونه الغاضِبة :- أصحي با مجنونة شبيچ !

ضربت صدره أدفعه مني بعد ما حسيت نقطع الهواء عني
بچيت تحته أدفعه دون وعـي أصرخ :- عوفني، عوفني ما أريد ...

صحيت على نفسي على لمسة إيده تبتعد عني بِهدوء
فتحت عيوني أشوفه چان يبتعد و الدموع مترقرقة بعينه
نهضت من مكاني محاولة أركُض أهرب منه بس أستوقفني كلامه
رجف جسمي و أنا التفت على كلمته إلّي چانت كفيلة تهزهز
الأمان داخلـي :- أعتدى عليچ ؟