مسـاء الخير بـُندقاتي 🤎
روايه بين نيران الارقم ♕
الڪاتبـة / Afnan
للتواصل _Ins: 4klu3
°°°°°°°°°°°°°°°°°°°°°°°°°°°°°°°°°°°°°°°°°°°
نيـــــــران:- دخلت جوة، اخذت موبايلي وراسلت آسـر الشخص الي مصبرني على كلشي..الشخص الي دائما ينصحني
والي واكف وياي بـ الغلط قبل الـصح ..
تعرفت علي من جنت صف ثالث متوسط جنت اكلب بـ الفيس ودزلي طلب وكعدنا نحجي .... وبعدين صار اعز من روحي
:: آسـر موجود؟
- شافهه وبسرعه رد:
:: هلا نيران، اي موجود صاير شي! احد مضوجج؟
:: لا، بس اريد احجي وياك بـ موضوع
:: اكيد احجي تعرفين دائما اني موجود يمج
:: اريد اهرب....
:: شنووو؟؟ نيران شصاير احجيلي!!!
_ تنهدت بـ تعب وحجيتله على ڪلشي، حجيتله عن دفتر مذكرات ريناد، حجيتله عن اسمي، حجيتله عن تصرفات ابويه ڪلشي حجيتله بـ التفصيل الممل....
.. شاف الرسايل بس مارد استغربت بس كلت ممكن صارت عنده شغله ومن يرجع يرد
- ورا فتره سمعت صوت رساله رفعت موبايلي وانصدمت من الرساله الي دازها:-
:: نيران تعالي اني ورا البيت
_ شنوو يا بيت انت شدتحجي!!!
كتبتها ودزيتها اله شافهه وبسرعه رد:-
:: البيت مالكم يعني يا بيت استعجلي يلا منتظرج
_ حطيت ايدي على گلبي واني خايفه احد يشوفه
طلعت على كيفي الكل نايم بس خايفه احد يشوفني طالعه بـ هل ليل.. فتحت الباب اتوجهت لـ المخزن
شفته واكف بـ صف باب المخزن بـ سرعه سحبته من ايده ودخلته لـ المخزن واني جسمي يرجف خايفه ليكون احد انتبه عليه من اجه...
نيران: انت تخبلت شلون تجي بله احد شافك تعرف اذا بابا شافك راح تصير مصيبه!!!
_ احجي واني جسمي يرجف ميته خوف اول مره يسوي هيج..تقرب مني وهو يحجي يحاول يهديني..
آسـر: اهدي بابا محد شافني بس على كيفج اجيت احجي وياج اريد اعرف شصاير وشنو هذا الحجي الي دزيتي اليه!!
- شرحتله الموضوع كله وهو صافن مصدوم من كلامي ختمت ڪلامي واني اكله:-
علمود هيج اني قررت اهرب منا ما اريد اعيش بـ خوف كل عمري تعبت والله تعبت... لميت روحي واني ابجي ميته قهرر ابويه يا ناس هذا ابويه ودنت روحه عليه!!!!
أنت تقرأ
بين نيران الارقم
Romanceيتراقص الحب كشرارة في عتمة الليل، حيث يتناغم بين لهيب العواطف وسكون القلب. كل نظرة لمسة، وكل همسة وعد، تجسد رحلة تنبض بالأمل والألم. هنا، تتلاقى الأرواح في تناغم جميل، تتراقص بين لهيب الفراق ونسائم اللقاء، حيث الحب هو النور الذي يبدد ظلام الأ...
