بين نيران الارقم

part sixteen

مساء الخير بـُندقاتي 🤎

روايه بين نيران الارقم ♕
ــــــــــــــــــــــ

امس ماريت بيه راح اتانيك
على بأجر خاف باجر ماتجيني
عكبه منصوبه الجوادر.

× × × × ×

زهـرة:- همس كلامه تقَرب يريد يبوسني رفعت ايدي دفعته من صـــــــدرة ارتد لـ الخَلـف بعده مو مستوعب نفـس الايد الي دفعته بيها رفعتها وضربته راشدي فتــــــح عيونه مصــــدوم رفعت اصبعـي بوجها احجي ودموعي ما وكفت

:- انت تخبللللتتتت اختك اني اختتتتك شلون تسوووي هيج شبيك قَســر مجنت هيج وتلومني من اخاف منك تلووومني!!!

- تقَـرب يريد يحجـي سبقته احجي ومنفعله

:- ولا كلمه ما اريدددد اسمع شييييي منك

- ابتعدت حاطه ايديه على اذني احجي وصوتي عالي والشهكة مبينه

: شكد جنت اثق بيك بس هسه لو تموت ما اثق، انت حتى كلمه اخو متستاهلها

:- زهـر..

:- اششش ما اريدددد اسمعع صووووتك

- تقربت علية ضربته على صــدره احجي وروحي محتركه

:- تدري انت شنو؟ انت واحــــد ذكر ما يهمه غير شهواته واحــــد متحرش لك الله يلعن اليوم الي دخلت بي هذا البيت ويلعن اليوم الي صرت بي اخويه انت واحد عار وحرام تعتبر على الزلـم انت...

- بعدني ما مكملة كلامي شهكت مصدومه من رفع ايده وضربني راشدي وكعت بـ الكاع رفعت ايدي مسحت شفتي اباوعلها مليانه دم..

رفعت راسي اباوعله مغمض عيونه وعاصر على ايده وكفت وجسمي يرجف اريد اطـلع واخلص سحبني من ايدي بـ قوة حسيتها شوي وتنخلع فتح عيونه يحجي صاك على سنونه ومبين من صوته مقهور ومكسور

:- اني شهواني زهـرة؟ اني متحرش ولججج لو اريد اسويلج شي جان من زماااان سويت ومحد يكدر يووووكف بوجهي بس اني حبيتج حب نظيف تعرفييين شنووو حبيتتتجج وهسه جايه اتكولين عني متحرش وامشي ورا شهواتي

- سكت يحاول يجر النفس دفعني مبتعد عني راح كعد على الجربايه رفع ايده فتح ازرار قميصة يمسح بـ صدرة ويتنفس بـ قــوة نزلت راسي مقهورة عليه بس هو الي جبرني احجي هيج

- ضل فتره يمسح بـ صدره هدأ شويه رفع راسه مصوب نظره عليه عيونه صارت حمــر نزل راسه طاحت دمعه من عينه رفع ايده يمسحها وكفت جامده بـ مكانـــي من شفته يبجي عبالك طفـل.. رجع صوب نظره عليه يحجي وشفته ترجف ودموعه تنزل