مسـاء الخير بـُندقاتي 🤎
روايه بين نيران الارقم ♕
الڪاتبـة / Afnan
للتواصل _Ins: 4klu3
°°°°°°°°°°°°°°°°°°°°°°°°°°°°°°°°°°°°°°°°°°°°
نيران ::- قرب السجـينه يم ايدي حسيت بـ حراره السجينه ڪلش قريبه...بعده توه يريد يحطهه اتصل موبايله دفعني بـ قوة عاف السجينه على الطباخ وراح يرد على الاتصال...كعدت بـ الزاويه واني جسمي يرجف من الخوف
اني وين حطيت نفسي شنو سويتي ولج نيران هذا ممكن ڪلشي يسوي، الرجفه ما عافتني اباوع على ايدي ترجف بـ قوة صوبت نظري على السجينه بعدها حمره مجرد تخيلتها على ايدي شاغت روحــي
اسمع صوته وهو يحجي وي شخص بس من كد التعب والخوف ما اكدر حتى اركز بـ الصوت...حطيت راسـي على ارضيه المطبخ البارده ودموعـي تنزل بـ قهـر .... سمعت القفل انفتح شوي ونغلق الباب دلاله على خروجه، همست بـ صـوت تعبـان:
_ روحه بـلا رجعه ڪـون
كمت امشي واني كـوه اسحـل بـ روحــي سـحل انتبهت اكو جنطه صغيره يم الباب الخارجي رحت فتحتها لكـيت بيها ملابسي من المصايب الي شفتهن حـتى ما اذڪر شلون ومتى جابهن او منو جابهن!!
اخذت تـراك واستغليت غيابه ودخـلت لـ الحمـام
فتحت الدوش وكعدت جواه واني دموعـي ما وكفت
من يوم الي طلعت بي من هذاك البيت واني ڪل يوم بـ مصيبه.... سبحت ولبست ملابـسي وطلعت
رحت لـ الغرفه شعري ينگط مي تعاجزت امشطه لفيته وعفته..... رجعت نمت صايرره اناام هوواي بس هالشي احسن مما اكعد الوم بـ نفسـي.
_ بين النايمه والكـاعده اسمع صوت فوك راسـي ما كدرت اميز منه غير جمله وحده
::- اعذريني راح تتعذبين وياي بس انتِ الشخص الوحيد الي يكدر يوصلني الابوج العاار
نمت لمده ثواني وهم سمعت صوته رجع تكلم:
:- السزز نايمه وعايفه شعرهه مبلل هسه تتمرض وابتلي بيها
اريد اكعد وارد عليه بس طاقتي صفر رجعت كملت نومتي متجاهلة ڪلامه..... بعد فتره كعدت احس نايمه هوواي راسي يريد ينفجر اريد اكوم من الفراش بس جسمـي مڪسر مكدرت اتحرك لو خطوة
فتح باب الغرفه ودخل بقى فتره واكف بـ الباب تقدم بـ اتجاه الكنتور فتحه واخذ ملابس وراح لـ الحمام واني عيوني تراقبه ما طول عشر دقايق طلع..تڪلم وهو ينشف بـ شعره..
أنت تقرأ
بين نيران الارقم
Romanceيتراقص الحب كشرارة في عتمة الليل، حيث يتناغم بين لهيب العواطف وسكون القلب. كل نظرة لمسة، وكل همسة وعد، تجسد رحلة تنبض بالأمل والألم. هنا، تتلاقى الأرواح في تناغم جميل، تتراقص بين لهيب الفراق ونسائم اللقاء، حيث الحب هو النور الذي يبدد ظلام الأ...
