بين نيران الارقم

part eighteen

ـاء الخير بـُندقاتي 🤎

روايه بين نيران الارقم ♕
ــــــــــــــــــــــ

انا انغشيت بيك
عيونك ڪبار
بس عيوبك اڪبر
ما شفتها !!

× × × × ×

'نيــــران'

:- فتـح عيونه مصــــــدوم من كلمتي هز راسه يحــــاول يستوعب رفع ايده لزم وجهـي يسألني مو مصـدك

::- شنو.. شنو.. مدمنه شدتحجين نيران؟؟؟؟

هزيت راســـي والرجفه ما عافتني اريد احجي بس احس حتى فكــــي يرجف

:- شلون بس فهميني!!

:- جان.. جان يحطلي مخدرات بـ.. بـ العصير

- ابتعد عني حاط ايده على راسه ويفتر بـ الغرفه فززني من حجه بصوت عالي

:- انعل... ابن.. اني اله اذا عفته عايش اطلـع كلب وما افتهمممم

- رفعت ايدي الزم راســــــي وهو يفتر يغلط ويفشر على آسـر

:- صوتك بس صوتك

- تقرب كعد يمي سحبني حاضني على صــــدرة واني جسمي ينتفض شلت ايدي اريد اعضهه لزمهه بـ قـــوة جريتها منه اريده يعوفها

:- وخر وخر..

- قدم ايده يم حلگـــي وهمس

:- عضيهه

- سحبتها عضيتها بكل قوتي واني روحـــي منتهيه دفعته عني ودخلت اركض لـ الحمــــام شغلت الدوش وكعدت جواه اني وملابســي بقيت فوك الساعه فزيت من سمعته يدك بـ الباب همس
وصوته مختنك

:- ناره هاج ملابس

- كمت فتحت الباب واني ملابسي مبللة نزل راسه عيونه حمــر اخذت الملابس منه وسديت الباب غيرت ملابســـي وطلعت احس روحـي احسن.. لكيته كاعد على الجربايه وحاط راسه بين ادينه رفع راسه من حس بحركتــــــي ابتسم ابتسامه باهته وگــــال

:- مو كتلج لتعوفين شعرج مبلل تتمرضين

:- ههه احب اعاندك شسوي