بين نيران الارقم

part twenty

مسـاء الخير بـُندقاتي 🤎

روايه بين نيران الارقم ♕
ــــــــــــــــــــــ

سبحه مكطعه ماتعجب
الشراي لميتك بأيدي
"وصعدت سوگك"

× × × × ×

كعدت ورا فتره باوعتله بعده نايم رفعت ايدي امشيهه على ملامحه عكد حواجبه مزعوج قربت ايدي وكرصت خــــده فتح عيونه باوعلي ورجــــع غمــض

::- لا تتحرشين

:- اي من حلاتك علمود اتحرش بيك

:- غير اخبل احلى منج

:- الله يحرمنا من هيج ثقة

:- هههه شقصدج لج

:- ههه احب ضحكتــك

- هز راسه هو ومغمض وگـــال

:- خوب كولي احبــــك

:- ايععع

- فتح عيونه سحبني عليه لزم حنكي

:- هاي عليمن

:- ههه عليك

- خزرني باوعتله عباله اخاف منه

:- ترا متخوفني

:- صيري زينه عود نتفاهم

:- احسه تهديد؟

:- انطمـري

:- يبووو توني كعدت.. كافي شنو متشبع نوم

:- بنت... صوتج

- باوعتله مصدومه من فشر عليه رغم شكد اكره رائد بس ضجت هواي من گـال هيج كفيت الغطا نزلت من الجرباية توجهت لـ الباب اريد اطلـع صاح ورايه

:- تعااي

- تجاهلتة فتحت الباب وطلـعت ... رحت لـ الثلاجه طلعت بطل مي شربت ورجعته بمكانه كعدت
بـ الصاله شغلت التلفزيون اخذت الريموت وصرت اگلب بـ القنوات... حسيت بي ورايه ضليت متجاهلتة تقرب كعد بصفي رفع ايده دار وجهــــــي عليه تقرب باس خدي وهمـــس

:- اسـف مو قصــــــدي

:- وخـر