بين نيران الارقم

part thirteen

مساء الخير بـُندقاتي 🤎

روايه بين نيران الارقم ♕
ــــــــــــــــــــــ

طاحن بـ الخريف اوراگي
كلت تهون تانيت الربيع
وطاحت الشجرة .

× × × × ×

نيران:- بين الواعيه والفاقده انضرب الباب ودخل اخـــر شخــــــص جنت اتوقع اشوفه.

تقدم سحبه من فوكاي وصار يضرب بي بـ وحشيه ، اباوع الـ نفســــــــي ملابســـي نصهن مشگگـة وشعري كله طـالع، رجعت نظري عليهم بعده يضرب بي وذاك عبالك فاقد ميحرك ايد ولا رجـل كمت احـــاول اهدي خايفه لا يموت بين اديه..

::- كا كااافي عوفه راح يموووت

ولا استمع اليه تقربت لزمته من ايده واني اترجاه

:- كاااافييييي آسـرررررر راحححح يموووت عووووفهههه

سحبته من ايده ابتعد عنه وهو يفشر ويغلط عليه
باوعلي من شاف حالتي تقرب يسأل وهو خايــف

:- نيران بيج شي سوالج شي احجييييي!

:- لا لا ما... ما سوالي شي

- وكعت بـ الگاع حاطه ايدي على گلبي بـ الكوة اجر النفس نزل الـ مستواي يحجي ومبين الخوف بـ عيونه

:- نيران خررب شبيج بس باوعيلي

:- مي.. مي اريد مي...

- اشرتله على المطبخ راح جاب مي واجه يركض

:- هاج اشربي

اخذته منه شربت... وجهت انظاري على شهـم صاير جثه كدامي والدم مغطي وجهه اشرتله عليه واني احجـي

:- خاف.. خاف مات

:- موت الجلب

:- لااا آسررر كوم شوفه

:- لتخافين العار ميموت

:- يعني عا.. عايش مو!

:- اهدي نيران عايش لتخافين

وكف مدلي ايده لزمتها وكمت باوع على ملابسي دار وجهـا وحجه

:- روحـي البسي شي فوك ملابسج وتعاي بـ سرعه لازم نطلع منا

- من گـال هيج تذكرت كلشي صارلي بـ سببه رجعت خطوتين واني خايفه منه باوعلي مستغرب تقرب يريد يحجي صحت بي

:- ايااااك تتقررررب وخرررر عنييي كلشيي صاار بسببك حقيررر انت سلمتنييي الهممم الله ياااخذك ولك شلوون تسوي هيجج شلووون وثقت بيكك اني وتاليييي غدرتنييي هيججج

:- نيران شدتحجين انتِ ولج مخبل اسلمج الهم

:- اشش لا اجذب ما اصدكك بعد جذاب انتتتت