بين نيران الارقم

part twenty-two

مسـاء الخير بـُندقاتي 🤎

روايه بين نيران الارقم ♕
ــــــــــــــــــــــ

‏هَذا شارعكُم وصَلتة !
وجايَب وياي الخَريّف
علمِت روحي الشجاعَة
وبطليت من الرجَيف
وتالي خِفت الباب ادِگة
وگِمت ادِك اعلة الرَصيف .

× × × × ×

نيران:- تقرب عليه وخر الغطا عني سحبني من ايدي مكعدني درت وجهـــــي ما اريد اشوفه رفع ايده دار وجهـــــي عليه باوعتله بخزره

:- الادبسززز ليش كصيتيه؟

:- شعري وبكيفـــــي

:- قصدج كصيتي لان ما قبلت امشطلج

:- لا

:- اكص ايدي اذا مو هذا السبب

:- كتلك لا وخر

- دفعته عني ورجعت نمت ضل كاعد يمي يکلب بموبايله مر اليوم عادي ما نزلنا ايلي ثاني يوم.. نزلت لكيت زهـرة تسوي ريوك باوعت فُـرات ماڪـــو

:- شو ماكو فُـرات

:- عدها محاضرات كم ساعه وترجع

:- اساعدج بشي

:- لا عمري ماعندي شي بس اذا تحبين شي معين تكدرين تسوين

- صفنت افكر هزيت راسي وكتلها هسه اجي صعدت لكيت ارقم بعده نايم

:- ارقمممم كووووم بسرعهههه

كعد مفزوع من صوتي رفع ايده يمسح بعيونه

:- شبيج انتِ شبيــــج

:- كوم سويلي بيض وطماطه

- رجع نام يحجي وصوته بي بحه لان توه كاعد

:- الدجاجة بعدها ما بيضت

:- ههههههههههه يمعود يا دجاجة

- فتح عيونه يحاول يستوعب

:- شنو

- كعدت بالكاع اضحك علي ضل يباوعلي مستغرب مو مفتهم شي

:- هههه خرب هههه

:- نيران اطلعي برا اريد انام

:- والدجاجه