《ليتني من الحُب ماصديت》

البارت الأول

صباح يوم الجمعه تحديداً في بيت الجد:

الجد : فتح الباب بعصاته قم انت وياه لا بارك الله بعدوكم صلاه يلا قومو والله أن ما تقومو لا تلعب العصا على ظهوركم.
فزو غيث وفيصل على صراخ الجد وهم فاتحين نص عين
فيصل : سم يبه الحين نلحقك انت رح انا والعيال ثواني ونحنا وراك.
الجد : والله ان ما لقيتكم في المسجد يا عملايق بتشوفو وش اسوي فيكم
سطام وهو متقلب على بطنه و منسدح: احا يا جدي ذي مدحه ولا وشو؟!!
الجد ضرب العصا بظهر سطام ويقول : والله يا سطام ان ما هجدت بتجيك الثانيه وانت ما تشوف الدرب
فز سطام من ضرب الجد وقال : أبشر يا جد

عند العيال الي يضاربو على الحمام ( الله يكرمكم )  والي على المغاسل و جري على المسجد لجل يلحقو الصلاه وطبعا لحقو والجد طالع فيهم بنص عين
أدهم وهو يبوس راس جده : يلا صباح الخير يا شيخ المزايين.
الجد : انت الي يشوفك يشوف الخير؟!!
أدهم: افا يا جد وش بلاك علي؟!!
فيصل وسطام تكه ويفطسو ضحك على شكل أدهم بس ماسكينها لأنهم يدرو اذا ضحكو ما بيصير خير
فهد بهمس : هذا الحين فين بيودي وجهه انا بداله أتمنى الأرض تنشق وتبلعني.
غياث بنفس الهمس : اص اص انتي وياه يلا قام الصلاه قومو.

عند الجده والحريم والبنات قامو يصلو وخلصو وجو الكل عند الجده....

وعلى دخول غدير والجده ترحب فيها : يا هلا بحلوة الحلوين صباح الخير توي يبتدي صباحي بشوفتك والله انك مال الخير والخير بكبره
غدير بابتسامه : صباح النور يا جعلني مافقدك ولا افقد كلامك المعسول يا جده
الكل : امين
طيف : يا جده نحنا من اول جالسين ولا رحبتي فينا الي يشوفنا يقول جدار حشا موب انسان.
أم غياث بالضحكه: ياويلي اشتغل عرق الغيره
طيف بنكران: لا وين ما اغار مين مكذب عليكم؟!!
غدير وهيا قاعدهه تضحك عليها قامت و راحت عند طيف وحاضنتها من جنب
الجده وهيا تناظر حفيداتها كلهم بحب : والله انكم قطعه مني لا تغارو من بعض ترا كل وحده ولها معزتها ويشهد الله غلاكم في قلبي كبير
طيف وهيا تحضن غدير بكل قوتها : لا وين يا جده تراني امزح معاكي ولا انا ما عندي سواليف الغيره.
مُهره : خير بس انتو تحضنون بعض وخري طيف انا بعد ابغا احضن غدير
غدير بالضحكه : حشا ذي موب غيره ذا جفاف عاطفي
مُهره بالتهديد : لا اصيدك بس اوريك انا
أم فهد : يلا على المطبخ بعدين كملو سواليف الحين الرجاجيل بيجو ويقومو الدنيا علينا عشان الفطور
أم همام : ايه والله صدقتي يلا يا بنات بسرعهرغد : هيا اشوف عرض اكتافكم يلا على المطبخ
ديم بطرف عين : مسويه طالعه منها يلا شرفينا
أم غياث : اقول بس انتي وياها بيخلص يومنا على هواشكم
أم همام بصراخ على غدير : وش عندك جالسه ولا لازم نعزمك عشان تشرفينا؟!!!
الجده: وش بلاك يا حرمه ترفعين صوتك على بنيتي
ديم بهمس للبنات : يلا يا بنات نقوم بسرعه قبل ما تقوم القيامه على غدير
مُهره اتكلمت بسرعه قبل أم همام عشان لا تصير هوشه: خلاص يا جده كلنا قايمين يلا يا بنات
غدير وهيا حابسه الغصه : أبشري يا ميمتي قايمه مع البنات.