《ليتني من الحُب ماصديت》

البارت الخامس

سيف بدموع وهو حاضن همام هو يحتاج احد يواسيه كيف يواسي غيرهه
سيف: سرينا للبيت ورانا يوم طويل بكرا

صباح يوم جديد على بيت الجد
الجد وهو داخل عليهم كالعاده لأجل يصحيهم ويلحقو الجماعه
بس دخل وشافهم صاحيين
الجد : غريبه كلكم صاحين بدري لا يكون سهرانين؟!
صقر : لا وين يا جدي عيال المدينه ينامو بدري ويصحو بدري
الجد: اقول وش طولك وتكذب
صقر : يا جد كل ذا الزين واكذب؟!
الجد : اقول من زينك عاد قوم لا نتأخر
سطام بهدوء : الجد يقصف ولا يبالي
أدهم : اذا ودك تلعب العصا بظهرك جرب تتكلم
سطام : لا وين بسكت يكفي انجلدت امس
أدهم : أحسن لك
سياف : يلا يعيال قومو نلحقهم

والعيال خلصو صلاة الفجر و رجعو لبيت الجد

" عند البنات وهم في المطبخ لأجل يسو الفطور لرجال"
أم سياف : ها بنات خلصتو الرجال جو
مُهره : اييه يا عميمه خلصنا وجهزنا لهم السفره وكلشيء
أم سياف : خلاص روحو ارتاحو انتو
طيف : تمام يا عميمه إذا بغيتي شيء نادينا
أم سياف : طيب يا بنتي

ديم : بنات بموت طفش وربي
مُهره بضيقه : اييه والله مافي فعاليات ليت غدير موجوده
غلا : ايش رايكم نطلع السطح نسويلنا جو؟!
ريفان : تم ما اقول لا
غرام: حتى انا تم
رغد : تم
طيف : رجلي على رجلكم وين ما تروحو
ديم : مناشبتنا حتى هنا
طيف : مُهره تسوي فيني خير اقرصيها
مُهره بتشميقه : بروح اقوم اسوي شاهي والحقكم
طيف بصدمه : ابوك يا التشميقه البطله تكفى علميني
مُهره بضحك : بفلوس
طيف رفست مُهره و شردت والكل ماتو ضحك
مُهره : هين يا طيفوهه اشوفك تجيني اخر الليل عشان نسهر

" عند الجد "
الجد : خلاص محد بيروح الحلال ارتاحو جبت عامل
غياث : اخيرا يا جد بنرتاح
سيف : ايه والله معد بنروح الحلال كليوم
الجد : لا يكون شغلي متعبكم لذي الدرجه؟!
فهد : لا وين يا جد تعبك راحه لنا
غيث : لو تقولنا نشتغل دهر كامل عادي
الجد : ذا العشم فيكم
الجد وهو يناظر أبو همام : عبدالله متى بتروح تشوف غدير؟!
أبو همام : اتصلت على الدكتور قال مافي اي شيء جديد
الجد بضيق : الله يقومها بالسلامه
أبو همام: الله يسلمك يا يبه
أبو فهد : ما عليه يا اخوي هونها وتهون
أبو همام بتنهيده : ربك يحلها
فيصل انسحب ما يبغا يصيح قدامهم والعيال لحقوه
غيث : فيصل فيك شيء؟!
فيصل : لا مافيني شيء بروح اطفش البنات
أدهم : اقول ابعد عن اخواتي ما أرضا على زعلهم
فيصل : عساك لا رضيت دز أمها بس
أدهم : يا شينك ثلاثيني ولسع بزر
فيصل وهو يرفسه : هين اذا الثلاثيني ما علمك ان الله حق
أدهم وهو يتحسس مكان الضربه : وجع متأكد ذا رجل؟!
فيصل بطرف عين: اذكر ربك يا ك**لب
أدهم : ماشاء الله لا تخاف ما بيصيرلك شيء

فيصل قام و راح لعند البنات لأجل يطفشهم
مُهره اول ما شافت فيصل جاي: جاء النشبه
فيصل بضحكه: الناس ترحب اول شيء
مُهره : انت بذات مو مرحب فيك
فيصل : مالت عليكي وش تسوين وفين البنات وانتي ليه لوحدك هنا؟!
مُهره : ياكثر اسألتك يا شيخ اهدئ محد بيجري وراك وبعدين البنات سو جلسه في سطح وكلهم سبقوني وانا بسوي الشاهي واطلع لهم
فيصل : أجل بطلع واداهم عليهم
مُهره : اصبر نطلع مع بعض لأني خلصت
فيصل : طيب
"عند البنات في السطح يسولفو ويضحكو درعمو عليهم فيصل و مُهره"

فيصل : افا مسوين جلسه بدوني؟!
رغد : الحين من عزم ذا؟!
فيصل وهو يجلس جنب غرام : جيت بدون عزيمه
غلا بضحك : واضح غاثكم
طيف : يوهه ما احكيلك عنه كل يوم يجي يحارشنا ما يرتاح اذا ما ينكد علينا
فيصل وهو يمثل انه زعل : معليش ما كنت ادري جيتي تكون ثقيله عليكم
غرام : خير اشبكم على خالي تراه مزيون وبعدين مين قالك انك ثقيل علينا يخي انت ريش على قلوبنا
فيصل بضحك : يلوموني فيكي اتعلمو منهااا
رغد : لو يشوفو الي نشوفه كليوم كان ما قالو كذا
فيصل بتشميقه : يا طول لسانك
طيف وهيا فاطسه ضحك على تشميقة فيصل : الحين دريت مُهره متعلمه التشميه من مين
ديم بضحك : فيصل مين معلمك التشميقه؟!
فيصل بثقه : انا اعلم ما اتعلم
مُهره : يخي النرجسيه عند الشخص الغلط
فيصل بطرف عين : ليه مو مالي عينك؟!!
غلا : تكفون خلوه يطس
فيصل : بطس بدون ما تقولولي اصلا

عند همام وهو راح عند غدير لوحده لأجل يطمن عليها بس الدكتور خيب كل اماله يوم قال لسع مافي اي استجابات وضاق صدره وأصر على الدكتور يدخل عندها و وافق ودخل الغرفه لقاها بارده قرب من عندها وهو يبتسم بضيق و عيونه الي اتجمعت فيه الدموع
همام بهدوء وهو يمسك يدها : ليه تختبرين صبري تكفين قومي مو قاوي على الدنيا بدونك
دموعه طاحت ومكمل : طالبك لا تكسرين ظهري بتعبك همام وهو يمنع شهقاته تطلع : اسف والله اسف ما كنت معاكي ولا وقفت بوجه أمي اسف لأني كنت مع العيال ولا جيت بسرعه تكفين اعذريني وصار يشد على يدها وهو يلوم نفسه ليه ما كان معاها ليه اتأخر طلع من الغرفه وهو يجري يبغا اخوه سيف يمكن يخفف عنه يحتاج ذاك الي يطبطب على قلبه وصل عند سيف وهو عيونه حمرا والشهقات الي مو راضيه توقف والكل انصدم من شكله ويبغا يروح لسيف بس يحس رجوله مو راضيه تشيله
همام بصوت الي يدوبك ينسمع : سيف