《ليتني من الحُب ماصديت》

البارت العاشر

دخلو  البيت وكانو بيرحو لمجلس الرجال بس وقفهم صوت غيث
غيث : العيال كلهم في المجلس
همام فهم مقصده : غيث ادخل و خرج العيال وقولهم في بنت تبغا تشوف جدي بس لا تقول مين هي
غيث : عاد بذي الحركه بروح ورا الشمس
سيف بضحك : عادي بينسو يوم يشوفو غدير
غدير : يا كثر هرجكم اختصرولي سالفتكم
همام : غيث ادخل وسو الي قلتلك عليه

غيث هز راسه ب تمام و دخل المجلس
أبو فهد بعصبيه : من ذا الي كان عل باب؟!
غيث بتوتر : في وحده تبغا تشوف جدي
الجد بستغراب : وحده تبغا تشوفني؟! متأكد انت
غيث : ايه متأكد يا جدي
الجد : يا عيال قومو ادخلو عند جدتكم
العيال : أبشر يا جد
خرجو العيال و دخلو همام وسيف وكانت وراهم غدير والكل كان مصدوم
الجد بدموع : غدير بنيتي توه رجعت لي روحي
غدير بغصه وهيا تحضن جدها : جدي خذني بأحضنك حفيدتك صارو يأذوها
الجد: والله محد بيلمسك انتي فوجهي
أبو همام بدموع : مالي نصيب من حضنك؟
قامت و راحت حضنت أبوها وكانت محتاجه ذا الحضن وصارت تبكي كانت محتاجه تخرج كل الي كاتمتها
و بصوت هادئ :
يابوي لمني بنتك أدنى شي يبكيها
الحزن بصدر بنتك من يداويه؟
بنتك شالت هم وثقل خطاويها
امتلى صدري حزن وين اوديه؟
أبو همام يوم سمع ذا الأبيات حس انه مقصر معاها مو معطيها كامل حقوقه كأب حضنها بقوه لعله وعسى يخفف النار الي فيه

"نروح لمكان اول مره نزوره"
... : يا اخوي اخذ ضناي ولا اعرف عنهم شيء
... : ما عليكي يا خيتي بنلاقيهم قريب والله ما اسافر الا وانا لاقيهم بإذن الله
... : اهخ ما اعرف أخبارهم ولا اعرف شيء عنهم
... : ما يكون اسمي عوض لو ما خليت عبدالله يذوق نفس
الي ذقتيه في غياب ضناك
"عند غدير"
غدير بضحكه : مُهره فكيني
مُهره : والله ماني فاكتك حضنك حلو
غدير : ادري ادري ما يحتاج له كلام
مُهره : يوهه الله يرزقني ربع ثقتك بس
الجده وهيا تناظر غدير بحب : اليوم عشانا بيكون كلشيء تحبه غدير
غدير : الله يخليكي لي
الجده : اللهم امين ويخليكي لي

"عند غرام وصقر"
غرام : تكفى يا صقر خذني لديره غدير قامت بالسلامه
صقر : استحلفك بالله؟
غرام : ايه والله سمعت ماما تكلم أم فهد وسمعت أنو غدير اليوم رجعت لهم
صقر : طيب اتجهزو وعلى طريقكم اسألو امي اذا بتنزل معانا الديره
غرام : تمام
صقر : محا تاخذو لها شيء؟
غرام : إلا أخذنا هديه لها وللبنات يوم رحنا المول
صقر : أجل حلو جهزو اغراضكم وبكرا الصباح بنحرك

"عند العيال"
الجد : بنسوي الخميس عزيمه لأجل غدير قامت و رجعت لنا بالسلامه
أدهم وهو طاير من الفرح : اخيرا في عزيمه من زمان عن العزايم
سطام : ايه والله في اكل و ذبايح اهخ اتحمست من الحين
فهد : ذا الإيجابيات غردلنا السلبيات يا غياث
غياث : تصحو من صباح ربي قبل الأذان وترتبو الحوش والمجلس وعيال الديره محد  فيهم يساعدكم واذا ساعدوكم تعرفو انو العصا بتنكسر على ظهوركم محد فيكم يفكر لدقيقه انه يجلس وأهم شيء تكونو رايحين و راجعين مع دلة القهاوي والشاي عشان تكبرو في عين جدي
غيث : وش بالع انت؟! راديو
غياث وهو يرفسه : قل أعوذ برب الفلق اذكر ربك
غيث بضحك : ماشاء الله
همام : والله ذا التعب بيهون دام العشا بيكون لأختي
أدهم : والله ودي اتعب لأجل تخافو عليا وتسولي ذبيحه
الجد سمع كلام أدهم و رما عليه العصا و أدهم شرد
الجد : يا أبن الي مانيب قايل مردك تجيني أن ما كسرت العصا على ظهرك
سيف بضحك : أحسن محد قاله يتفاول
أم فهد : رغد خذي السفره وحطيه في مجلس الحريم وناديلي
مُهره وطيف لأجل يساعدوكي
رغد : أبشري عميمه
أم غياث : أم همام ليه ما جات؟!
أم فهد : والله علمي علمك
سكتوا يوم دخلو البنات
أم فهد : بنيتي غدير روحي ارتاحي خلي البنات يسو شغلهم
غدير : لا يا عميمه لازم اساعدكم تعبت وانا من اول جالسه
أم غياث : برضو يا بنيتي ارتاحي لاحقه على الشغل
ديم : سمعتي وش قالو يلا دزي قبل لا ارفسك واطلعك من المطبخ برفسه وحده
غدير بتشميقه لديم: حاضر الحين بخرج بس الصباح بساعدكم
أم فهد : ان شاءالله ما نقول لا

غدير خرجت و راحت عند جدتها تسولف معاها
غدير : يا جده ابغا اطلب منك طلب
الجده بحنيه : سمي يا بنيتي قولي وش عندك؟!
غدير : عادي اعيش عندكم؟!
الجده : ذا طلبك؟! البيت لو ما يوسعكم قلبي بيوسعكم همام وسيف ماخذين الدور الي فوق فيه ثلاث غرف كل واحد فيهم اخذ غرفه وضبطو لك غرفه جنبهم وجابو اغراضك معاهم
غدير وهيا تحضن جدتها ما تعرف كيف توصف شعورها ممتنه لربها بوجود جدها وجدتها وابوها واخوانها بس استغربت ايش جاب همام وسيف هنا وليه اخذو الغرف الي فوق و وش صاير اوفكار توديها وتجيبها

مُهره وهيا تصحيها من شرودها : وين وصلتي؟!
غدير : موجوده معاكم
الجده : لي ساعه اناديك ولا تسمعني
غدير : اسفه ما كنت منتبها
الجده : ما عليه يلا قومي نروح نتعشا وبعدها اطلعي لغرفتك وارتاحي
مُهره : غدير بتسكن معانا؟!
الجده : ايه بتسكن هيا وهمام وسيف
مُهره : الله حماس كلما زانت اقدر اطب عليها
أم فهد : لاحقين على سوالف يلا تعالو اتعشو
__________________________
اكتبولي توقعاتكم مين الناس الجدد في الروايه؟!!
حسابي انستا : ti7iill
حسابي تيك : ti_78il