(صراعات داخلية)

"الأسكربت الثالث"

"نجده من السماء"
(وٌلَأنِ صّـبًرتٌـمً لَهّـوٌ خِـيِّر لَلَصّـأّبًريِّنِ)

اللهم صلِّ وسلم وبارك على سيدنا محمد وعلى آله وصحبه أجمعين.

لأتنسوا أخوانكم من الدعاء.
اللهم أنصر أخواننا في كل بقاع الأرض يارب العالمين.
♥♥♥♥♥
_____________________________

وأنا خارجة من الشغل،لقيت شخص أعرفه كويس بينديلي،خوفت وخصوصًا إني عارفة الشخص دَ كويس، وكمان كان غير العادة جاي مع اتنين من صحابه وبعربية حد منهم، الموضوع في حاجه غلط حولت أسيطر على انفعالاتي ومبينش أني خايفه، وهو حاول أنه يشدني بالعافية لما رفضت أتكلم معاه وزعقت ولسه هتحرك؛ لقيت اللي بيحاول يسحبني بالعافية ناحية العربية وأنا صرخت بأعلى صوتي

________________________________
أنا «نادين» دكتورة أخر سنة إمتياز، بحب مهنة الطب جدًا عشان كده دخلتها بجداره وكمان بأمتياز مع  مرتبة الشرف، مبسوطه لإني حققت حلمي ودخلت الكليه اللي كنت بتمناها من زمان، أهلي كانوا هما الداعم الأساسي ليا، دائمًا كانوا معايا وفي ضهري، و ولدي اللي كان مش بيبخل عليا بأي شيء ولا فلوس ولا حُب ولا حنيه كان دائمًا داعم أساسي ليا، ولا انكر فضل ولدتي عليا لأنها لا تقل دعم عن ولدي، كانت من أكتر الداعمين ليا معنويًا، كان حوليا ناس كتير حاقدين عليا وإني قدرت أوصل لِـحلمي، وإن عندي أهل بيحبوني كدا، أنا أكبر أخواتي وبيقولو ليا إني انضجهم، مع إني مش كدا خالص، أنا بحب الضحك والهزار مع أصحابي البنات، وأوقات بكون تافهه وبتعامل بطفولة وأوقات بكون العقل المُدبر لِأصحابي زي ما بيقولو عليا بجد ربنا رزقني بناس في حياتي بتحبني أوي وأنا كمان بحبهم، بس مش كل الناس بتحب لينا  الخير، الطيبة، والمحبة والضحك والهزار دَ مش بيكون غير مع المقربين لِـقلبي بس، ومش بحب الاختلاط.
أولًا عشان حرام ثانيًا لإني شايفه نفسي حاجة كبيرة استحق أن حد يسعىٰ علشاني، لأن ربنا أعزنا وأعز نساء المسلمين جميعًا، ناس  كتير من دفعتي حولوا التَوَدَّد ليا بس كانوا بيلاقوا رد صادم، من دكتورة ومثقفة، لدرجة إني بقيت مشهورة في الجامعة بالدكتورة المعقدة، مع إني مش كدا خالص، هو أي وحدة تلتزم بالضوابط الشرعية، تبقى معقدة، أي وحدة تقفل الباب في وش أي حد عاوز يدخل من الشباك كدا غلط، حقيقي كتير،كانوا بيحاولو يدخلوا من الباب، وكنت برفض مع إنهم كَـ شكل حلوين أوي، وكَــ كرير موجود برضو، بس مش دي المشكلة،المشكلة إني كنت بدور على الشخص اللي هقدر استأمن نفسي معاه، الشخص اللي يحافظ عليا، ويتقي ربنا فيا، الشخص اللي الرسول (صلّ الله وعليه وسلم) وصانا بأهم صفاته وهي،الخلق والدين، ولِـلأسف علشان تلاقي شخص كده هتتعبي جدًا وممكن متلقيهوش اصلًا بس كان عندي يقين بربنا جامد، إن أكيد الشخص دَ موجود في مكان ما، وهيجي في الوقت المناسب، أصحابي البنات دائمًا بيمدحوا في لبسي الواسع والحجاب الشرعي(الخمار) وفي طريقي  إني البس النقاب لأني بجد قرفت من نظرات الناس ليا في كل مكان ،أهلي مكنوش موافقين خصوصًا إني لسه مجاش صاحب النصيب، بس أنا قولت لهم إن صاحب النصيب لما يجي، هيرضىٰ بيا زي  ما أنا ولو مش عاجبه ميجيش أحسن، أنا هاخد حد عاوزني زي ما أنا وما يحاولش يغير في شخصيتي، هلبس النقاب يعني هلبسه، ولبسته والحمدلله، وزادت النظرات حوليا وبقيت بسمع بودني الكلام بتاع زمايلي إني متشددة، وحتى الدكاترة استغربوا مني وإني مكتفتش بالزي الشرعي وبس وكمان لبست نقاب، بس مهتمش لاراء حد الحقيقة، المهم إني بعمل كدا وأنا مقتنعه وعلى يقين إني صح، وإني مش سلعه المفروض أعرضها عشان يتم بيعها، ولقيت تشجيع جامد من أصحابي، ومباركات إني أخدت الخطوة الجميلة دي، هما دول الصحاب اللي تاخدك لطريق الجنه مش الصحاب اللي تجرك ناحية الهلاك، بعد فترة اتفاجئت بِــ والدتي بتفتحني في موضوع الجواز اللي مش بيخلص، وإن في شخص جالي أكتر من عشر مرات
وهي دائمًا بترفض لأنها عارفة دماغي والشخص اللي احب ارتبط بيه، الشخص ده كان (محمود) جارنا شخص لايُناسبني بكل الطرق شخص مستهتر، سمعته مش كويسة ومصاحب ناس أقل ما يقال عليهم شمامي_ن، وطبعًا أمي رفضت بس حبت تعرفني، إنُه جالها تهديد صريح منه إني مش هكون غير لي ولو بالعافية.