ألحمدلله دائمًا وأبدا الحمدلله علي نعمة الإسلام.
أّلَلَهّـمً صّـلَِّ وٌسِـلَمً وٌبًأّرکْ عٌلَى سِـيِّدٍنِأّ مًحًمًدٍ وٌعٌلَى آلَهّـ وٌصّـحًبًهّـ أجّـمًعٌيِّنِ.
لَأتٌـنِسِـوٌٱ أخِـوٌأّنِکْمً مًنِ أّلَدٍعٌٱء.
_____________________________
أنا جايه أوصلكم رسالة وأنصحكم نصيحة لوجه الله، وأنا خايفة علي كل بنت ممكن تواجه اللي وأجهته، ومتعرفش تتصرف، أو تتصرف بغلط أكبر، وسعتها مش هتلوم إلا نفسها، أنا بقول الكلام ده وأنا واثقه أن أغلبكم فهمني وفاهم أنا قصدي أي، بس هحكلكم أنا خايفه من إي، وليه بنصحكم ورغم إن كتير نصحوني بس مكنُتش بقبل النصيحه، بالعكس كنت بخدها بسُخريه، وبنظرات تكره اللي قدامي انُه ِغلط لما يجي ينصحني ويفكر فده بس....
أنا «ليليان» بنت مرفها عايشه مع والدي وولدتي، أهلي مدلعني جدًا برغم من كده حسه بالوحده أول سنة ليا فالجامعه، أتعرفت علي كتير من دفعتي لأن ذي مابيقولو كده البنت الجامده فالشله يعني لبس وخروج وكل حاجه عادي مقضيها أهلي بيصرفوا عليا كويس واللي بعُوزه بجيبه، بخرج برحتي وبرجع برحتي مفيش تحكمات عندنا رغم إن كتير من صحابي البنات كانوا بينصحوني إن إسلوب حياتي غلط بس مكنتش بسمع لحد كنت ماشيه بدماغي واهلي مش معترضين يبقي هما مالهم بقي؟!
الولاد زمايلي كانوا بيتمنوا إني أتكلم معاهم وأصحابهم وده كان بيزود عندي حتة الغرور أوي كنت بشوف نفسي أحسن وحده مفيش ذيي اتنين، لحد ما في شخص كنت بشوفه وعجبني بس مكنش زي أي حد عرفته او كلمته لانه مدنيش إهتمام!
طب دا أنا نص الجامعة عاوزني أبصلهم بس وده عامل عم الچنتل اللي مفيش منه اتنين!
طب إن مكنتش تيجي تترجاني أبصلك مبقاش انا!
وفضل الحال علي كده لحد مخليت وحده صحبتي تخلي صحبها يعرف اي دنُيته وأنا مش فباله ليه؟!
صحبتي جت قلتلي انه انسان كويس وبيخاف ربنا ومش بيكلم بنات ولا شايف حد أصلًا!
طيب تمام فضلت افكر فأي حاجة تخليه يجي يكلمني ماأكيد يعني أنا أكون عاوزه حاجه ومتحصلش ومش أنا اللي حد يقولي لأ أنا اللي بقول لأ ديمًا مش هسمح بده ابدًا.
أتفقت مع صحبتي إني هعمل مشكلة مع حد وأقول إنُه بيعكسني وقت ميكون موجود وأشوف رد فعله؛ أكيد لو شهم هيدافع عن بنت مهما كانت.
نفذت الخطة وهو كان واقف فعلًا وجه يجري يشوف في إي؟! خصوصًا إن الجامعة كلها شبه اتلمت علينا.
_خلاص ياانسة حقك عليا هو غلطان، وبعتزرلك بنيابة عنه.
_وحضرتك تعتزر ليه هو اللي غلطان مش انت؟!
_انا وهو واحد ده يبقي ابن عمي واخويا وبعتزلك بنيابه عنه.
_يادي النيله يعني طلع قريبه كمان وأنا عماله ازعق وأشتم، لأ ألم الموضوع أحسن.
أنت تقرأ
(صراعات داخلية)
General Fictionمجموعة من القصص الواقعية التي حدثت علي أرض الواقع، حاولت جاهده أن أتخذ مكان وأدوار أبطالها لكي أصل إليكم الصورة الكاملة عن مُعاناتهم.
