شفت كلها ملتمه على السفره وريم راحت كعدت توكل ببنتها بمهم وماكو مكان محد انتبهلي وكلها نسوان وزلم سوه
شافتني مره جبيره بالعمر صاحت
الحجيه : تعالي بيبي اكلي
حجت هيج وام ابو فهد رفعت راسها تخزر بيها هيه ونهله لتحب ابو فهد وشفت ابو فهد بقى ياكل مامهتم
سوتلي مكان يمها الحجيه ورحت كعدت يمها خلتني كدامها حبيتها كلش حبابه جرتني وخلتني كدامها وحطيت بسفره لحم ودجاج وسمج وتشريب لحم
الحجيه شالت الببسي وحطتلي كدامها زجابلي تمن بصحن ولحم وكالت
اكلي بيبي لا تستحين
هزيت راسي حسيت نهله تباوعلي وتخوزر خفت منها والحجيه تحط كدامي دعت عيني ومسحتها بسع محد هيج يهتم بيه
كليت شويه استحي منهم استحيت اكوم شفت ريم كامت وكمت اني وامشي كامت نهله حطت رجلها مانتبهت وعثرت وطحت على وجهي وايدي كمت ابجي واشهك
شفتهم كلهم يباوعولي صاحت الحجيه
ثوله نهله ماشفتيها
ردت
مادري بيبي والله
شفت ابو فهد اجه عليه رفع ايده عبالي يضربني رفعت ايدي وبجيت وكلت
عمو والله ماسويت شي والله
مادري شبي نصدم وصاح على نهله
جم مره اكول محد يتقرب من حرمتي مفهوم لو لا
هيه هزت راسها وراحت
باوعلي وكال
كومي ولي بالغرفه انتي
خله وراح كومتني ريم وصعدتني الدرج دخلتني بغرفه تخبل وعطور على الميز ونظيفه وريحتها تخبل شفت صورته حطينها بالحايط يعني هاي غرفته
كالت ريم
ولج انتي شلون تكولين عمو هوه غير صار رجلج ثوله
كلت
مادري والله بس عيب احس اكول اسمه هوه جبير
حضنتني وكالت
ولج رجلي اجه عليه وراح اروح كلتله باجر بس ماقبل راح اشتاقلج
حضنتها وكلت
يمته تجين الله عليج لا تتاخرين بس انتي والحجيه زينين وياي
كالت
ان شاء الله شهرين هيج اجي
باستني وطلعت ذبيت روحي على جربايه نمت تعبانه كعدت عزاا ساعه بل 6شكد نايمه
كمت غسلت اكو حمام بالغرفه شفت جنطه مالتي حطيت فتحت الكنتور بيها ملابسه فتحت باب الكنتور الثالث فارغ حطيت ملابسي بي وصفطت مكياجي على لميز يم عطوره
