نوال : ربي يوفقكم يلا راح نصب غده
كامت نوال حتى نور ونهله استحيت ابقى ولد ولزم اسولف كمت وياهن بس نسوان الكبار بقن يسولفن ويه عمتي والحجيه
دخلنه للمطبخ يخبل جبير نوال فتحت اول جدر بي دولمه مشتهيتها وفتحت جدر الثاني بس برياني ومسوين سمج شوي خطيه
كمت اصب دولمه وهنه يصبن برياني وسمج مادري شعجب نور تساعد احد هيه بالبيت كلشي ماتسوي
حضرت الفواكه وكملت اشتهيت الدولمه بس استحي اكل لازم يصبون
كملنه وخذه ولد السفره فرشها واجو خذو الاكل وصاحو علينه يعني راح اناكل سوه ولد وبنات بس الزلم الكبار بحد
طلعت شفتها كلها ملتمه ونور كاعده يم ابراهيم ومن الجهه الثانيه كاعده نهله حتى ماكو مكان صاحت الحجيه شافتني
تعالي يمه اكعدي يمي
رحت يمها كعدت كوه دحست نفسي اجه ولد كعد يمي عمره بل 18 اكبر شفت ابراهيم خزرني وكال
مريومه تعالي اكعدي يمي شعندج اهناك تعالي بابه
انتبهت نهله ونور احسهن راح ينفجرن كمت ورحت كوم نهله خلاها تكعد يم الولد واني كعدت يمه
شال من السمجه وحطه كدامي وحط صحن برياني وببسي وموزه وبرتقاله وصحن دولمه
حسيت اني بنته شفت نور ضاجت اني كليت من الدولمه مادري شبيه صايره اكل اهواي واشتهي اكلات كملنه وكمنه
رحت غسلت ورجعت اني ونوال غسلنه المواعين وجابو الجاي وببسي وكعدو يشربون بس اني مااريد
يضحكون وسوالف ونوبه كال ابو عدنان رجال جبير ابو البيت
يلا انتم هم تعبانين حضرنه الغرف الكم روحو نامو وان شاء الله شوي نتعشه بالحديقه
فرحت اني لان راح اطلع للحديقه كمت اني ونور ونهله والحجيه وام ابراهيم والحجي وابراهيم وشموسه وفهد
نروح ننام بيتهم همه جبير كالو اصعدو فوك صعدنه شفنه 5 غرف ابو نهله وام نهله راحو بغرفه
ونهله والحجيه بغرفه لان صغيره الغرفه والحجي والحجيه بغرفه لان كبار لازم يرتاحون
وام ابراهيم والاطفال بفرقه لان ويسوون وكاحه
بقت بس غرفه واتي بقيت وابراهيم ونور دخلنه بغرفه بس جبيره بيها جربايه جبيره وقنفه وكنتور وميز
ابراهيم راح للحمام سبح وراح تمدد على جربايه يلغب بجهازه واني خليت ملابس بالكنتور اصفط بيهن ونور راحت سبحت طلعت لابسه
تراك احمر طالعه جنها بقر وتمشط شعرها كملت ملابس ورحت للحمام سبحت ولبست تراك وردي وطلعت مشطت شفت نور راحت نامت بحضن ابراهيم هوه حسيته ضاج
