صدمني من شفت نهله واكفه بالحديقه ولد شاب عمرها بل 30 او اقل يمها واكف ويبوس بشفايفها وهيه كاضه شعره
خفت من منظرهم شويه وبتعد الولد عنها وكامو يسولفون بصوت ناصي شفتهم راحو واني صعدت كوه امشي من الخوف صعدت فتحت الباب شفت ابراهيم لهسه نايم
وكفت على فكره بيت ابو نهله يمنه كلش يعني حديقه بيتنه نفسها حديقتهم
المهم رحت نمت يم ابراهيم حطيت وجهي بصدره وافكر بمنضر مالهم حته نهله سوتله حركه بل،،، مااكدر اكول خفت
كل مااذكر اخاف حضنت ابراهيم حيل ودحست وجهي بصدره حسيت بي حضني حيل وغطاني وباس راسي
نمنه كعدت شفت ابراهيم ماكو شفت الساعه بل 8 صبح سبحت وكملت ونزلت شفتهم كلهم كاعدين بالصاله يسولفون ويضحكون مكملين ريوك رحت
سويتلي لفه كليتها ورحت وكفت يم باب المطبخ كاعدين همه كاعد ابراهيم وامه وابو والحجيه رحت كعدت يم ابراهيم وهوه جرني كعدني كدامه
وباس خدي نزلت راسي استحيت وهوه بقى يسولف وياهم ويضحك شويه ودخلت نهله تضحك من شفتها مادري شصار بيه خفت
وهيه تضحك وباست عمي وعمتي ام ابراهيم والحجيه ماتستحي اجت باست ابراهيم بخده غرت حيل مادري شبيه درت وجهي ومسحت خده وبسته
هوه ضحك والحجيه وابو بس امه ونهله شبن نار هيه راحت كعدت يم ام ابراهيم وعمي راح لصديقه
كالت نهله
صدك مريم شكد صار عليج
رديت
شهر وانص
ردت
بس شلون تحملين الولاده خطيه بعدج صغيره يمكن تموتين ماتحملين
خفت من حجيها دمعت عيني بساع شالني ابراهيم وكعدني بحضنه وكال
كلشي مايصير على بنيتي لو يصير عليها شي غير اموت شعندي غيرها
ضحكت من سمعته هيج والحجيه ضحكت بس راحن عمتي ونهله للغرفه وسدن الباب والحجيه نامت
رحت صعدت فوك وابراهيم طلع ونمت كعدت ساعه بل 9 بليل عزااا شكد نايمه
رحت نزلت شفت كلهم ماكو يمكن نايمين دخلت للمطبخ شفت جدر دولمه شتهيتها وحطيتلي بصحن وكليت وكملت وصعدت فوك
سبحت ولبست دشداشه قصيره كلش وشعري مفتوح قصير وحطيت بس حمره تانيت ابراهيم ماكو نعست حيل صايره انام اهواي
صارت بل 1 هوه ماكو ردت انام ونفتح الباب دخل ابتسم وبيده علاكه باسني ونطاني العلاكه وراح للحمام شفت بيها حلويه كمت اكل وخطوط النستله والجباس اذب بالكاع
اني من اكل اشمر بالكاع ومن اكمل اشيلهن اني واكل طلع ابراهيم باوعلي وكال
شنو هاي الزباله
