راح ابراهيم واني صعدت سبحت ونظفت الغرفه ونظفت البيت وسويت غده
وتغدينه وكملنه وكعدت يم الحجيه كالت
ولج واخيرا شفناج مخلصتها يم ابراهيم
ضحكت ردت كالت
ربي يحفظكم بس يمه اخاف عليكم من العيون عيون الناس ماترحم وامس خفت عليج من عيون النسوان حتى خطبنج كللي عبالهن بنته
مارديت شويه كمت اسولف ويه الحجيه وصار المغرب سويت عشه وكملنه وصعدت فوك
سبحت ورحت لجربايه انام دمعت عيني اشتاقيت لابراهيم شويه وسمعت الحجيه تصيح نزلت شفتها كاضه تلفون كالت
هذا ابراهيم يريد يحاجيج
فرحت وخذيته منها ورحت للمطبخ كال
الوو
رديت بخنكه
هاا ابراهيم شلونك
رد
هلا يابعد عمري شلونج شخبارج بنيتي
رديت ببجي
تعال فدوه مشتاقتلك والله لا تتاخر اخاف انام وحدي بالغرفه
رد بقهر
فدوه اروحلج لا تبجين والله مااتاخر لو تخافين نامي يم الحجيه تمام
رديت
لا راح اخلي قميصك بحضني وانام
ضحك وكال
اموت عليج مريومتي يلا روحي نامي لا تسهرين مو زين عليج السهر
كلت
اوكف خلي تلفون على خدك
كال
ليش
رديت
الله يخليك خلي يلا
كال
يلا خليته
بست التلفون حيل وخرت
هوه سمعته كال
اموت على سوالفج مو بوسه ضيم بس بابه اني اخليت التلفون على شفايفي مو بخدي
استحيت حيل وهوه ضحك وسديته وانطيته للحجيه وهيه نامت رحت فوك
طلعت قميصه وحضنته ونمت كعدت على شي نايم فوكي صرخت من شفت مره تخوف تخنك بيه طفرت ابجي واصيح رحت للحمام سديت الباب عليه واصرخ شويه وسمعت صوت الحجيه
وفتحته ابجي حيل وكلت للحجيه
حجيه والله اكو جنيه بالغرفه خنكتني والله
شفت عمي كال
بويه ماكو جني منين اكو صالنه سنين بهذا البيت شو ماشفنه جني
كالت الحجيه
تعالي نامي يمي
راح عمي خذيت قميص ابراهيم ابجي ورحت يم الحجيه حضتني وتقره قران فوك راسي واني اشم بالقميص وابجي
