EPISODE6: ស្និទ្ធស្នាល/Get close
ជូវ៉ុន បើកឡានត្រឡប់ទៅផ្ទះវិញ បន្ទាប់ពីជូនស៊ុងហ៊ុនដល់ចំណតឡានក្រុង។ នៅតាមផ្លូវ នាយចាប់អារម្មណ៍ថា មានឡានបើកតាមពីក្រោយ តាមមើល ឡាននោះតាមគេតាំងពីចេញពីចំណតឡានក្រុងមកម៉្លេះ។
ង៉ឺត!!! សម្លេងជាន់ហ្រ្វាំងឡានរបស់ជូវ៉ុន ខណៈដែលឡានមួយទៀតបើកស្ទុះមកឈប់នៅនឹងមុខឡានគេ ប៊ិះតែនឹងជាន់ហ្រ្វាំងមិនទាន់ទៅហើយ។
« លី ហ៉ីស៉ឺង! » នាយសង្ហារបើកទ្វាឡានចុះ ទើបដឹងថាជា ហ៉ីស៉ឺង សោះ។
« ឯងមានការអីជាមួយយើង ទើបតាមយើងដល់ទីនេះ? »
« ឯងមានបំណងស្អី!? » ហ៉ីស៉ឺង មិនឆ្លើយនឹងសំណួរគេ បែរជាសួរគេបកទៅវិញទាំងកំបុតៗ មិនដឹងថាសម្តៅលើរឿងអ្វី
« ស្អីឯង? »
« កុំមកធ្វើមិនដឹង! ប្រាប់ភ្លាមមក! ឯងចង់ធ្វើអី?? » នាយហាក់សាំចិត្តនឹងការធ្វើមិនដឹងមិនលឺរបស់ជូវ៉ុន ទើបចូលទៅក្របួចកអាវគេជាប់
« ឯងចង់និយាយពីស្អី!? » ជូវ៉ុន ចងចិញ្ចើមបែបមិនយល់
« រឿង ផាក ស៊ុងហ៊ុន! ឯងចង់កាត់មុខយើងមែនទេ!! » ខ្ជិលអូសបន្លាយវែងឆ្ងាយតទៅទៀត នាយក៏សួរចំៗ។ ជូវ៉ុន លឺហើយស្ងាត់បន្តិច ព្រោះកំពុងព្យាយាមនឹកគិតថាមានរឿងអ្វីដែលទាក់ទងនឹងស៊ុងហ៊ុន?
« ហ៉ឹស! ឯងគិតថាមនុស្សគ្រប់គ្នា មានគំនិតស្មោគគ្រោកដូចជាឯងទាំងអស់មែនទេ លី ហ៉ីស៉ឺង? » ក្រោយដឹងពីអត្តន័យរបស់គេហើយ ជូវ៉ុន ក៏សើចដើមកបន្តិច មុននឹងច្រានហ៉ីស៉ឺង ចេញពីខ្លួន។ រឿងល្បែងភ្នាល់របស់គេនោះ នាយក៏បានដឹងដែរ! ប្រហែលជា ហ៉ីស៉ឺង គិតថា ជូវ៉ុន ក៏ចង់បានខ្លួន ស៊ុងហ៊ុន ដែរហើយមើលទៅ។
« ចុះឯងចូលទៅជិតគេធ្វើស្អី? » មិនអោយគេគិតបែបនឹងយ៉ាងមិច? បើមនុស្សដូចជូវ៉ុន មិនដែលរវល់នឹងអ្នកណា បែរជាមកស្និទ្ធស្នាលនឹងស៊ុងហ៊ុន ចំពេលដែលគេមានការភ្នាល់បែបនេះនោះ?
« វាមិនពាក់ព័ន្ធនឹងឯង-
« វាពាក់ព័ន្ធ!! » ហ៉ីស៉ឺង ហាកាត់សម្តី ជូវ៉ុន នាំអោយនាយខាងនោះ ជ្រួញចិញ្ចើមឡើង
YOU ARE READING
Heartless ❤️🔥
Teen FictionHeartless សម្តៅទៅលើមនុស្សគ្មានបេះដូង មនុស្សឈាមត្រជាក់ មនុស្សដែលគ្មានចិត្តមេត្តា ហ៊ានធ្វើគ្រប់បែបយ៉ាងដើម្បីតែការសប្បាយរបស់ខ្លួន។ ប៉ុន្តែ ទេវតាមានភ្នែក ម្តេចនឹងអាចអោយមនុស្សបែបនេះរស់នៅបានសុខទៅ! អ្វីដែលគេសាង គេនឹងទទួលបានវាដូចគ្នា!! « អរគុណដែលធ្វើអោយខ្ញ...
