البارت الثالث عشر.
الكاتبة::- سرسيبل.
تصويت+ تعليق بين الفقرات تشجعني .
❤️❤️.
~•~•~•~•~•~•~•~•~•~•~•~•~•~•~•~•~•~•
ياحَبيبي
وخاف يبعدَنا الزمان
رُوحي تبقى لغير رُوحك ماتحِب
انتظرني اليوَم باچر
بلكي لو صِدفه التقينا
انه اعرفك
وانت تتذكر ضحِكتي ومستحَاي
و انه لو ميت اعرفك ما اتيهك
وياحَبيبي
ارجوك لاتنسَى السِوالف
والعشك لابُد يمُر القطار
البيه عرفتك
هِناك يم اخر محطه انتظار
باقي احبك .
«وجدان»
رجعت البيت واني خايفه خاف بعده موجود هذا العار ومالي خلك اشوف عمي هم راح يرزلني ، ارتاح گلبي من سمعت صوت بيبي اخذت نفس براحه.
دخلت جوه وشفت بيبي كاعده رحت يمها بستها بخدها::- الله يساعدج بيبي.
ام عادل::- هلا وين جنتي فاطمة تكول من الصبح طالعه؟
كعدت يمها ونزعت الشال::- جنت يم سمر مريضه خطيه.
ام عادل::- وطالعه من الصبح؟
وجدان::- بيبي غير صديقاتي واختها واخذنه الواهس.
هزت بشفتها معاجبها وكالت::- همم والله ذني صديقاتي راح يوكعنج بداهيه.
وجدان::- شبيج يابيبي وياهن؟
ام عادل::- ما احبهن ذيج جلنار نار وشرار ماتنجرع يمه يمه وذيج ام لسان بنت ذيج الوحده استغفر الله ربي ماريد احمل غيبتها.
وجدان::- مشكلتج ويا جلنار وشجن؟
ام عادل::- اي والله فلا ارتاحلهن مدري شلون اهاليهن.
وجدان::- وسمر لان عدها ام واب ترتاحيلها.
ام عادل::- ولج يابيبي اسمعي مني باجر عكبه الايام تثبتلج ماكو صداقه ادوم كلها تنكشف على حقيقتها.
وجدان::- لا بيبي شسالفه اثق بيهن اني.
ام عادل::- ولج هو الثقه الي راح توكعج الايام طويله وراح تتأكدين كلامي صح وعود كولي الله يرحمج بيبي ماسمعت كلامج.
ابتسمت على حجيها بست راسها وكلت::- عمرج طويل بيبي أن شاءلله مايجي هذا اليوم.
هزت براسها مامقتنعه عفتها ودخلت للغرفه اوف من سوالفها على سوالف قبل كله عيب وحرام مخبلتني .
نمت على الجربايه وفتحت التلفون اكلب بي لما فتحت الباب فاطمة تخوصرت وكالت::- كومي
من جيتي الحد هسه على التلفون.
تنهدت وكلت::- شتريدين؟
فاطمة::- هسه راح يجي عمج كومي انسوي عشه والله يگلب البيت علينه اذا تاخرنه.
أنت تقرأ
اربع اغلاط(الصاعقة)
Short Storyعندما وَقفتُ أمام من اهلكني،كُنت بالحاجة الى فهم الذي حَل بي ماذا فَعلت؟! هل هوَ ذنبي! أم عقابٌ على شيءً أرتكتبه مُسبقاً أنا حقاً مُشتت البال، فا أفكاري التي بداخلي أصبحت تُكتب من أصابعي بدون توقف،أريدُ أن أنتشل ما تبقى مني لاكنْ لا أستطيع،لأن الخ...
