البارت الخامس عشر.
الكاتبة::- سرسيبل.
تصويت+تعليق بين الفقرات تشجعني.
❤️❤️
~•~•~•~•~•~•~•~•~•~•~•~•~•~•~•~•~•~.
شالوك حتى الحلم
وحلمك يجيني بلا صور
وبلا خلك
ولمن افز يبجي الحلم وثنينا على الراس
نتگابل ندگ
رادوني ما اشوفك ابد
ویا حال من بعدك صرت
غصن وخذوني من الشجر
وذبوني يم نار الهجر واليَوم باجر
احترك
عشت بطّرك روحي سوادين العشك.
«جلنار»
دحكت عليه بكل ضياع ماكدر افكر بالموضوع بعد لان الوقت قليل اخذت نفس وزفرته.
جلنار::- موافقه.
ضهرت ابتسامه على شفته بفرح وكال::- متاكده؟
هزيت براسي وهو توسعت ابتسامته.
جلنار::- بس اريد اشوف وجدان يمي يلا .
بسام::- لا نعقد عقد سيد وجدان ثاني يوم يمج اصير .
دحكت عليه معاجبني::- لا طبعاً ماقبل تضحك علي؟
ابتسم برود ورفع ايده حطهن على شواربه وكال::- مو زلمه ولا انحسب على الزلم اذا ماخليتج تشوفين صديقتج وره العقد.
سكتت صافنه هسه هذا شحجي ويا ردت اكله هو شوكت صرت زلمه بس بلعتها ، دحك علي وهز براسه.
مديت ايدي اصافحه::- موافقة.
ابتسم برود وحط عينه على أيدي رفع ايده عدل ساعتي بدون مايلزم ايدي .
بسام::- اعذريني تأخرت.
اذكرت موقفي ويا وضحكت بوجهه وسحبت ايدي::- ترد المواقف طلعت.
بسام::- ماينسي .
هزيت بيدي صاده وجهي عنه وكال::- هسه باجر احجي ويا ابوج وبعدها نعقد .
جلنار::- اني احجي ويا ابوي هسه انت قنع اهلك.
بسام::- يفرحون اهلي بيج .
هزيت براسي مامقتنعه::- واضح لدرجه اختك منعوني منها .
بسام::- سمر اريدها تهتم بدراستها.
جلنار::- لازمتها اني.
سكتت ثواني قلص عيونه وكال::- ماريد أحد يعرف بهذا الاتفاق فاهمه؟
جلنار::- ليش؟
بسام::- لاتحجين الاحد وخاصة اختي سمر ماتعرف بالموضوع فاهمه؟
هزيت براسي وهو شغل جكاره فرحان وصافن علي تقرب لزم ايدي وكال::- وأخيراً بهاي ايدج راح توقعين على زواجنه؟
ابتسمت بوجهه نفس استفزازه وكلت::- اي راح اوقع بهذا اصبعي الي راح ياكله الندم بعدين .
أنت تقرأ
اربع اغلاط(الصاعقة)
Short Storyعندما وَقفتُ أمام من اهلكني،كُنت بالحاجة الى فهم الذي حَل بي ماذا فَعلت؟! هل هوَ ذنبي! أم عقابٌ على شيءً أرتكتبه مُسبقاً أنا حقاً مُشتت البال، فا أفكاري التي بداخلي أصبحت تُكتب من أصابعي بدون توقف،أريدُ أن أنتشل ما تبقى مني لاكنْ لا أستطيع،لأن الخ...
