أنتِ محبوبتـي ♥

"أول خطوات الانتقام لـ أبـي "

"الفصـل التاســع"
____________________

" روايـة انتِ محبوبتـي "
____________'___________

" وتأتي الهموم جُموعًا جُموعًا "
" تحاصر قلبي رياح الألم"

" وتبقين أنتِ الملاذ الأخير"
"ولا شيء بعدكِ غير العدم"

- "#فاروق_جويدة"

___________________________________

_ سبب صدمتها انها عرفت ان بباها لسه عايش، مش زي ما كانت عارفة انه مات من 24 سنه.

نظروا الجميع بصدمة شديدة لـ "فاطمة" التي كانت علي حافة الهاوية من الإنفجار في البكاء، وكذلك "جميلة" التي اغمضت عينيها بأسف شديد وشفقة ولم تختلف عنها "سناء" كثيراً التي ربتت علي كتف "فاطمة" تؤازرها، بينما اقتربت منهم "حبيبة" بتروٍ هاتفة بصوتٍ مهزوز:

_ قـ.. قصدك... قصدك ايه يا عمتو؟؟.

حدثتها "جميلة" بصوتٍ مختنق من كثرة البكاء:

_ عمك "عزيز" والد "نور" عايش، دي الحقيقة، هو عايش مماتش.

صُدم الجميع من حديث "جميلة"، بينما" كريم" و"حبيبة" اتسعت حدقتيهما بغير تصديق، فنطق الاول بصوت مهزوز:

_ إزاي؟!..، عايش إزاي؟!..، ولما هو عايش كان فين طول السنين دي؟!

تراجعت "فاطمة" للخلف وكادت ان تسقط من كثرة الاحداث التي عايشتها اليوم، تدخلت كلاً من "جميلة" و"سناء" يردعوا سقوطها ارضاً، فقامت "جميلة" بسحبها للخلف قليلاً حتي تمكنت من جلوسها علي المقعد الخاص بالمشفى بقلة حيلة تمكنت منها ، اعتدلت في وقفتها قبل ان تنظر في جميع الوجوه المستنكرة والمصدومة مما وصل لسمعهم، تنهدت بعمق قبل ان تقول:

_ الوقت ميسمحش اني اشرح اللي حصل، بس كل اللي هقوله ان "عزيز ابو المجد" عايش، وكان مسافر برة كل السنين اللي فاتت دي، ورجع النهارده وكان عايز يشوف "نور"، بس احنا رفضنا عشان مش يحصلها اللي حصل دا، بس الظاهر ان هي شافت وسمعت كل حاجه.

بكت" حبيبة" ومازالت تحت صدمتها ، بينما هتف "كريم" بنبرة جامدة:

_ اومال ليه قولتوا ان هو متوفي؟!، ليه يتمتوها واهلها عايشين؟!، وهو سافر وسابها ليه من الاول؟!، ولا ليه رجع بعد كل السنين دي؟!.

تدخل "إسلام" قائلاً بغموض:

_ اهدي يا "كريم"، لا الوقت ولا المكان مناسب لكلام زي دا،" نور" بس تفوق ونطمن عليها، ووقتها كل حاجة هتتكشف وتتعرف.

تحدث الاخر بإنفعال:

_ اهدي ازاي بس ! ، البنت اللي جوة دي جالها صدمة عصبية ورافضة الواقع وممكن تدخل في غيبوبة منعرفش هتفوق منها ولا لأ.

ثم اشار علي عمته و"جميلة" هاتفاً بنفس الانفعال:

_ وهما باين عليهم كانوا عارفين ان هو عايش من الاول، عايش ازاي بس وشهادة الوفاة بتاعته انا شوفتها بعنيا لما كنت عندهم زيارة في اسكندريه، كنتوا مزورينها زي مزورتوا خبر موته مش كدا؟؟.