الكبريت الاحمر

البارت الاول

الكاتبة : ضحى ال عامر ..

صوتو للبارت بنجمة وعلقو بين الفقرات ..

بسم الله الذي لا يضر مع اسمه شيء في الأرض ولا في السماء وهو السميع العليم

التوفيق الحقيقي أن تتوكل على الله بكل جوارحك، وتؤمن بقدرة الله الكاملة على تصريف أمورك وفق رحمته ولطفه ومعيّته اللهم ارزقنا حسن التوكل

يحدث في بغداد الكرادة .. 2001

___________________________________

_ راح اطلع الباب متفتحيها مفهوم ؟

_ يا يوم فاتحة الباب صارلنه 15 سنه مزوجين يوميه توكف بالباب توصيني .. كرص خدي

_ احبج

_ طلع وصوت بسطال رجله يقرع بالعمارة نزل بالدرج وسمعت همسات وصوت كعب يقترب من الشقة

_ بس لو اعرف رجلج ليش يكرهني يخوزرني مخازر اكوله صباح الخير عيوني مسيت العافية .. ميجاوب

_ تلفتتت بخوف هاا شافج صاعدة يمي

تخافين منه ارجع ؟

لا لا حبيبه هلا بيج .. دخلتها وسديت الباب رحت بوجهي للمطبخ احمي الجاي وطلعت طاوة نضيفة اروح وارجع ابتسم بوجها حطت رجل على رجل ولزمت سيت النوم الستن على القنفه رفعته وشمت ريحته

حقه ادريس متعلق بيج هلكد بس شنو هذا اللون يلعب النفس ازرك ؟ ايع

ليش حلووو الروب دانتيل شوفي بصفج ع القنفه ناسيته

مو حلو انتِ ما شفتي المديلات الجايبتها الخياطة شلحات يجيبن التايه

_ عضيت شفتي مضايقة من تدخلها اكتفيت بالرد .. ادريس يحبهن

_ يهل ادريس ياريت يحبج عبدة عندة انتِ نجيبه نامي نجيبه كعدي نجيبه سويلنه عشه نجيبه مطلعين

_ ابو الجهال يمون رجلج قدوري مو ميخليج اطلعين بس بالعمارة

_ بس اطلع من يروح للدوام ههههاي

_ ضحكت وحطيت الصينية كبالها كعدت تاكل وتحجي على جارتنه ام براق

_ واشوفلجياها رافعة التنورة لزرورها ورجعلي الاغبر فك حلكة

_ راح تغصين عوفي العالم ..

بهية : ماما حلمت حلم موزين

_ فتحت ايدي اشرها تجي ركضت حضنتني بوستها ومسحت على شعرها .. احجي بالحمام حتى ميتحقق

بهية : عوووو جبيرررر

جيداء : هذا ابوج

بهية : لتحجين على بابا يركعج بسطالة

نجيبه : عيب انجبي ..

جيداء : هيه هاي تربية ابوج المهم ما ازعل زعطوطة