الكبريت الاحمر

البارت العاشر

الكاتبه : ضحى ال عامر

انستا duu_199

صلو على الحبيب محمد

سنصبح أكثر قوة لو جعلنا من الأيام الصعاب سُلمًّا نصعد من خلاله نحو القمّة.

________________________________

ليالي : شبخ برجله عبر الشارع واشرلي براسه امشي غمضت عيني وفتحتها ما مصدكة اني وين بيني وبين باب البيت 50 متر التفتت عليه شفته يمشي بهدوء ومجتف من البرد مشيت بسرعة صارت المسافة قريبه ركضت بكل قوتي لحد ما وصلت الباب البيت الحديد التفتت عليه ودموعي تسابق واكف باب عمارتهم دخلت للبيت دكيت الباب محد فتح رجعت دكيتها وكعت باب البيت

كعدت على رجلي مهدود حيلي سمعت رنت المفتاح

مودة : ولج خاااالة ولك عامررررر اختك اجتيييييي لياليييييي

جيداء : يمة ليالي صدددك تحجين

ليالي : ركضو عليه كلهم شالني ايوب من الكاع ودخلوني للبيت خلاني على القنفة وكلهم يبجون وامي حاضنتني ممصدكة

جيداء : وووين جنتي يمة سوالج شي منو اخذج تعرفي

اسلام : عوفيها اخذج للمستشفى لي لي حبيبتي

ليالي : جانت بس دموعي تنزل حضنت اسلام وبكلبي غصه بجيت بحركة وانوح بصوت عالي .. ااااااخ اشتاقيتلكم تعبت هواي تبهذلت

اسلام : وين جنتي شفتي منو اخذج

ليالي : براسي ما مستعدة احجي هزيت راسي بالرفض اريد غرفتي اريد فراشي اريد بابا

اسلام : ولا تدرين وين جنتي

ليالي : ادري جنت بالبصرة

جيداء : يمة عزا العزاني عزا العزاني بالبصرة شسوين يمة صارلج 34 يوم

مودة : تتونس غير مخطوفة

ليالي : وين بابا اريد اشوفة

جيداء : ابوج ناسم ابقي يمي يمة شلون رجعوج من جابج

ليالي : ما شفت شي كلشي ما اعرف

جيداء : اليوم اليوم اخذو من عندي 200 مليون كون سم وزقنبوت بكلبه وكلب ابو عسى ما ينام الليل عسى بحركته وبحصرته ينصرفن هباء منثورا

ليالي : رديت بصدمة .. 200 مليون

جيداء : يمة المهم رجعتيلي طز بيهن

مودة : شوف هاي يا 200 مليون اندكت الباب طلعلنه صندوك شاله عامر وفتحة طلع مفخخة

ليالي : وشصاررر اكو واحد بيكم صار بي شي

مودة : لا كمنه نصرخ وانهزمنه من البيت ودكينه على الشرطة من اجو طلعت جذبيه ومن رجعو الكامرات طلع طفل جايبها واعتبرو لعبه من جاهل