الكبريت الاحمر

البارت السابع

صلو على الحبيب محمد ..

الكاتبة : ضحى ال عامر

انستا duu_199

اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء بذنبي فاغفر لي فإنه لا يغفر الذنوب إلا أنت,

_________________________________________

ليالي ..

فتوح : تعال هاي تهجمت عليه بحذائها وبالكوه لزمتها جان سوتلنه فضيحة منا اهلها كالبين الدنيا

تقي الدين : دقايق ويمكم طلعي انتِ ما محتاجج

ليالي : ربطتني بالكرسي رغم هيه مو ضخمة بس جنها زلمة .. فتوح اني شسويتلج زين انتو تريدون فلوس من اهلي بس فهميني

ادريس : رجعيني اريد انام

ليالي : عافتني وراحت للغرفة نيمت الحجي ورجعت نزعت حجابها وتمددت على القنفة حاطة ايدها على عينها

فتوح : انتِ دين بركبتي

ليالي : راح ترجعيني !!!!

فتوح : لا جنت مديونه التقي وفكيت ديني بيج

ليالي : هوه مضمد لو هم جذب

فتوح : اي مضمد

ليالي : وانتو من تنطلبون تفكون دينكم بالاوادم زين امي شلونها ابوية اخوتي فتوح ابوس رجلج طلعيني بجيت بألم وهيه بالها مو يمي صافنه بالسكف

فتوح : امج مثل ما هيه ضربتني من رجعت وتهجمت عليه وراحو على اهلي المساكين عاد عرفو اني ما الي علاقة بالصار واخوتج فارغين وابوج مريض

ليالي : بابا شبيييي

فتوح : صعد عندة السكر وضرب عينه ميشوف بيها

ليالي : لاااا لااااا فتوح كوليييي غيرررها ابوووية شبييييي فتووووح رااااح يموت ابوووية راح يموووت وانتو السبب

فتوح : امج السبب لصيحين وتعوين ترا يطلعج وميسويلج شي بس فترة

ليالي : بلعومي تجرح من العياط جريت نفس وحجيت بهدوء زين شتريدون فلوس امي تنطي امي عدها خير وتنطي حتى روحها بس ترجعوني

فتوح : تقي ما محتاج فلوسكم

ليالي : انتِ اخته !

فتوح : لا حبيبتي اني مو اخته شفايتلي اخته اني وحدة اجته بيوم من الايام حامل ومهزومة من الرجال الحبلت منه

ليالي : انتِ مزوجة

فتوح : لا

ليالي : لعد شلون حبلتي

فتوح : يمعودة اني من منطقة تعبانه وفوك هذا كله كاعدين ايجار ابوية ضرير واطرم وامي تخبز وتبيع وعندي 6 خوات جبيرتهن بالاول متوسط