الكبريت الاحمر

البارت السادس

الكاتبة : ضحى ال عامر

صلو ع الحبيب محمد

صوتو للبارت

البارت القادم انزللكم اشباه الابطال

والتنزيل راح يكون بين يوم ويوم 🌚🌚🌚

____________________________

ارصيت بمكاني من شفته واكف ورا رجال جان رافع راسه شافني ودنك بصدمة

تقي : طلعي

ليالي : طلعت من الحمام لمحت المراية وجهي مطكع احمر وعيوني دم شكلي مو هوه وملابسي مبلله من الرطوبة

أنس : روحي خوية للغرفة كعدي وانت تعال

تقي : كعدي بالمطبخ

ليالي : راح اطلعوني من البيت والله اني ممسوية شي باوع جسمي ارجف اني ما متعلمة ابات بغير بيت

تقي : امشي لج

أنس : تعال تعال اريدك

ليالي : رحت للمطبخ حسيت اجاني الفرج مبين صديقة ما قابل وراح يطلعوني .. وكفت اتلمس بالكهرباء شغلت كلوب المطبخ معتم والحايط اسود بي اثار حرق بي كاونتر وثلاجة طالع الزنجار مالتها كعدت على كرسي نايلون مكسور بقيت استغفر لان الاستغفار مفتاح الفرج وما اعرف غيرة

أنس : طلع البنية راح تلزم انت وياها والحجي واصير القضية ثنين انت مخاطر بروحك وبروح خواتك لك فكر زين امك الله يرحمها عمرك محد يعوضة

تقي : تريد بعد هذا السويته كله اطلعها وارجع كلشي بمكانه هوة عمر واحد لو اعيش بي واخلي امي بكبرها مرتاحة لو اموت احسلي

أنس : اني لدخلني ومو وياك وابني من اليوم انسى يشتغل وياك لو تاخذة بمكان ابقى هنا تقي موت وموت ناس بريئة وياك

ليالي : سمعت صوت الباب انركع طلعت وكفت باب الهول بجيت وكلتله بصوت خافت .. راح ترجعني مو ما احجي شي اكول جنت يم صديقتي .. وجهه ميكصة الطبر بيدة تلفونه فجأة ركعة بالكاع وصار عشر قطع باوعلي وعض شفته وزمخ بصوت رج الشقة

تقي الدين : تعااااي

ليالي : ارتكب جسمي الخوف و هزيت راسي بالرفض اجه باتجاهي وكلبي يريد يطلع من صدري سحلني من ايدي وشمرني بالكاع طلع من الصالة دقايق ورجع بيدة دفتر احمر كعد على القنفة مدنك وفاتحة انتبهت على دمعة وكعت من عينه ع الدفتر سحب صورة وشمرها عليه اخذتها عاقدة حاجبي بلعت ريكي ولزمتها اتمعن بيها هاي منو !

تقي : امي

ليالي : رجعت اباوع بالصورة بنيه شابه لابسة فستان بصلي بي كتافيات وشعرها تسريحة عاليه ومبتسمة عيونها تشبه عيون المضمد بالضبط

انت تحب امك وتذكرها زين ليش حرمتني من امي وتعرف كلب الام هسه شحالهم بدوني رجعني والله اخوتي ميخلوك بحالك واني كبالهم تلزم تلزم