الكبريت الاحمر

البارت الثامن

الكاتبة ضحى ال عامر

صلو على الحبيب محمد

استغفرو

بسم الله الرحمن الرحيم

__________________________________

ليالي : بدون اكل ونوم مرت ايام هوه ميجي للبيت بعد وفتوح تجي الصبح وتقفل واذا اجاوزت عليها تربطني بالكرسي ما اعرف شنو مصيري

فتوح : اكو جبن وصمون بالمطبخ والحجي تريك اكليهن من يجي تقي يفتح الحبل

ليالي : انعل ابوج يا كليه يا بنت الكلب

فتوح : تسلمين بيباي

ليالي : طلعت وسدت الباب بقيت اصيح بحركة دقايق معدودة وشفت الحجي دخل ع الكرسي المتحرك  باوعلي مقلص نظرة باتجاهي

ادريس : كعدي عاقله

ليالي : وكع شالي من راسي وتقرب عليه فتح ايدي ورجلي واشرلي ..

ادريس : كومي اكلي وغسلي

ليالي : عمو ابوس ايدك فهمني اني شوكت اطلع لو هاي نومتي بعد ما اشوف الشمس

ادريس : تقي اذا مينتقم من امج ويدمركم ميعوفج

ليالي : زين امي شعليها

ادريس : امج هيه سبب انتحار اك تقي الدين وبناتي وهيه السبب بدمار عائلتي بالكامل

ليالي : غرغرت عينه بالدموع ورفع ايدة يأشر ع اثاث البيت ويرجف جان وجهه وشفايفة وكفوفة كلها ترجف بهستيريا وحسرة

ادريس : امج الشيطان الوخم على هذا البيت وهجمة حركة جيداء جانت تغار من زوجتي الله يرحمها بكد ما جانت تظهر محبتها الها .. عمو اني عندي بنات من عمرج لا لا اكبر منج بهيه مرة ويمكن مزوجة

ليالي : جحضت عيوني بقهر .. عمو انت متعرف بناتك مزوجات لو لا وشكد عمرهن

ادريس : حتى قبر زوجتي الله يرحمها ما اندله

ليالي : زين ليش انت متطلع او همه ميزورك

ادريس : روحي عمو روحي اكلي وشبعي بطنج تقي يريد يموتج من الجوع

ليالي : ماقبل يحجي شي بعد لفتهمته هذا ابو وامه متوفيه وامي السبب بس ليش ماما صح مادية شوية ومهمله نوعاً ما بس مستحيل تقتل نمله

وكفت على الكاونتر انتبهت ع نفسي اني شكد ضعفانه وجسمي نحيل حتى جوه عيني صاير اسود وفليت شعري وسحبت القراصة جان ملفوف عليها الشعر تساقط هواي خصل خليته ع الكاونتر وبجيت ع نفسي كعدت اكل بدون حيله وما اعرف افكر كملت وغسلت ايدي وكفت بالممر وسمعت الباب انفتح دخل المريض عقلي

تقي الدين : مساء الخير

ليالي : الله لا يمسيك بالخير

تقي الدين : ممنون