ديالا

الفصل الثالث عشر

يوسف : بتصحونيي ليييه
حبيبه : انت مش مكفيك ١٤ ساعه نوم قوم ياحبيبى خلينا نفطر
يوسف : ياسيتى انتى مالك انا عاوزه اناااام
حبيبه : انا مالى عيالك اللى صحوك هو انا جيت جمبك
يوسف : هكمل الحلم ده ازاى دلوقتي
حبيبه : طلاما عاوز تكملو كده يبقى كنت بتخونى
يوسف: اه كنت بخونك
فيروز : انت زعلان انى صحيتكك يعنى مش عاوز تقوم تلعب معايا
يوسف : لا ياروحى انا بزعق لماما لكن انتى تعملى اللى عوزاه
حبيبه : اه هى تعمل اللى عوزاه وروحى وحبيبتى وانا راحت عليا فين ايام ماكنت بتقولى هتفضلى انتى فى قلبى لوحدك محدش هيعرف ياخد مكانك
يوسف : انتى طالبه معاكى نكد على الصبح ده مش معقول كل اجازه كده نقضيها خناق
حبيبه : ولا نكد ولا خناقه انا رايحه اجهز الفطار وملكش دعوه بيا بقى طول اليوم طلاما انا بقيت نكديه
يوسف :خدى بس اقولك
" ذهب خلفها إلى المطبخ كانت تقف تحضر الطعام وتعطى له ظهرها احتضنها ثم همس لها بأنه لم يحب غيرها وانها مازالت تسكن قلبه ثم سكت وتذكر عائشه التى كانت تشبهها تماماً تذكر كل موقف كان بينهم فى حلمه تمنى ان تكون عائشه حقيقه ولكن عقله استوعب ان هى شخصيه لم تكن موجوده وانها من وحى خياله وحتى اذا كانت موجوده هل ستهون حبيبه هل سيتعلق قلبه بتلك الفتاه "
حبيبه : حلمت بأى يايوسف
يوسف : مابلاش
حبيبه : احكيلى متقلقش مش هنكد ده حلم يعنى
يوسف : حلمت انى سافرت وان مكناش لسه اتجوزنا يعنى زى ماتقولى كده ايام ماكنا فى الكليه سوا بس كل حاجه متغيره واحداث كتير " بدأ يحكى لها كل ماحدث حتى وصوله لغرفة الفندق واستغراقه فى النوم وضرب علي وفيروز له حتى يستيقظ "
حبيبه : اى الحلم الطويل ده
يوسف : عرفتى نايم بقالى كتير ليه
حبيبه : امممم وهونت عليك تنسانى بالسهوله دى
يوسف : انتى اللى بعدتى عنى وهى جت حاولت تنسينى منغير ماتاخد بالها
حبيبه : ماشى
يوسف : تعرفى اكتر حاجه مضحكانى اى
حبيبه : اى
يوسف : شمس اللى كانت بتتكلم باللغه العربيه زيهم دى
حبيبه : اه صح اشمعنا شمس يعنى
يوسف : مش عارف بجد طريقتها كده مضحكانى هى واحمد
حبيبه : نخليهم ييجوا عندنا النهارده ونتغدا سوا
يوسف : اتفقنا ياحبيبتى
حبيبه : روح اقعد مع العيال لأحسن فيروز تضرب علي ولا تقتله
يوسف : انتى زعلانه؟!
حبيبه : هزعل من اى بس
يوسف : يعنى علشان حوار عائشه والحلم ده
حبيبه : هزعل من شخصيه عقلك الباطن هو اللى عملها اكيد لا طبعا
يوسف : متأكده
حبيبه : اممم ولا هى مش شخصيه فى عقلك بس
يوسف: بطلى هبل طب بدل ما ارزعك واحده بالدماغ تموتك
حبيبه : طب اطلع بره بقى بدل ما أحلى سكينه هنا هتلاقيها على رقبتك
يوسف : يابنتى بتفضلى تعملى نغسك حلوه وفى الاخر مبتعرفيش تنقذى نفسك من تحت ايدى
فيروز : اعععععععععع
يوسف : فى اييييي
فيروز : علي مسكنى ضربنى وعضنى وزقنى وكان هيموتنى
يوسف : علي؟!
فيروز : اععععععع علي اعععع هو اللى ضربنى وشتمنى كمان
يوسف : ده علي؟!!
حبيبه : ابوكى مين ما لازم تطلعى كدابه زيو البت ورثت منك قلب الترابيزا
يوسف : معروفه البت بتطلع لأمها
حبيبه : خلهالك انا رايحه اشوف ابنى طلاما جت عملت الشويتين دول زمانها رمياه من الشباك
يوسف : تعالى ياقلب بابا وسيبك منها انا هموتهولك من الضرب علشان ميلمسكيش تانى
حبيبه : شاااايف مخربشه الواد فى وشو ازاااااى انا اللى هضربهاااا تعاليلى ده قدكك ده علشان تخربشيه كده يامفتريه انتى
يوسف : سيبى البت متضربيهاش
حبيبه : دلعها اكتر دلعها
يوسف : لما مدلعهاش يعنى هدلع علي ولا اي معروفه الواد مبيدلعش علشان يطلع راجل
حبيبه : انت واعيي انت بتتكلم عن طفل عنده سنه ونص يعنى مش فاهم حاجه اصلا ومحتاج للدلع واللعب والضحك انما هى كبرت خلاص اهى وهتدخل الحضانه بعيداً عن انها مطلقه
يوسف : مطلقه اى ياشيخه حرام عليكى بقى القمر دى مطلقه انتى بس غيرانه علشان احلى منك
حبيبه: ايوا انا غيرااانه... أحيه منك لله انت وعيالك البطاطس كانت هتتحرق
يوسف : احسن
حبيبه : هو انت لسه واقف هنا ليه خد العيال دى واطلع برا بقى لحد ما اجيلكو
يوسف :يلا يابنتى وانت تعالى اشيلك جتها نيله اللى عاوزه خلف
حبيبه : سمعاااك
يوسف : بس بقى بس
......
حبيبه : انت لسه مجبتش فيلم والاكل جهز معتمدش عليك ابداً
يوسف : لا فى هنا فيلم البدله بس اعلانات
حبيبه : يلا يابت تعالى علشان تاكلى
فيروز: مش هقعد جنبك هقعد جنب يوسف حبيبى
حبيبه : هو اى ده هقوم اضربها بجد والله
يوسف : تعالى ياحبيبتى جنبى هنا ، انتى هبله انتى غيرانه من بنتك
حبيبه : من اى حد يقرب منك مش هنختلف
يوسف : لا اله الا الله كلى ياما ربنا يهديكى
حبيبه : اول مانفطر اتصل بأحمد بقى علشان يجيب شمس ونتغدا مع بعض
يوسف : حاضر ياحبيبتى
حبيبه :حبيتها يايوسف
يوسف : كلى بطاطس جميله اوى تسلم ايدك
حبيبه : مش عارف ترد
يوسف : ده حلممم ده حلم اغنهالك
حبيبه : خلاص حقيقتك بانت يأستاذ
يوسف : هو انا غبى يعنى لو اعرف واحده اسمها عائشه فعلا هاجى احكيلك
حبيبه : ليه لا عادى انت غبى وتعملها
يوسف : الحمدلله انا شبعت قايم اكلم احمد
حبيبه: تعالى خلاص كمل اكلك
يوسف : لا مش عاوز
....
يوسف : الو
_ ايي
يوسف: اي ياعم انت لسه نايم
_ اه والله لسه مقومتش
يوسف: طب فوق كده وهات شمس وتعالو اتغدو معانا
_ فى حاجه ولا اى
يوسف : لا عادى بقالنا كتير متقابلناش والنهارده اجازه وحلمت حتت حلم يأحمد موت فقولت احكهولكم لما تيجو بقى
_ اشطا خلاص هنقوم نلبس كده وننزل نجيلكم
يوسف : تيجو بالسلامه ياصاحبى
_ عاملين اكل اى
يوسف : والله ما عرف
_ ملكش لازمه كده فى البيت
يوسف : دى حقيقه
.....
حبيبه : هما اتأخروا ليه
يوسف : هو انتى هتقابليهم كده ولا اي ماتدخلى تغيرى
حبيبه : اكيد هغير يعنى بس كنت بجهز الأكل
يوسف : طب اخلصى
حبيبه : فى اى يايوسف مالك ومالى النهارده
يوسف : مفيش حاجه شوفى رايحه تعملى اى
حبيبه : ماشى
"دخلت حبيبه إلى غرفتها اخرجت من الخزانه فستان بيتى بكم لونه أزرق داكن وعلى رأسها حجاب أبيض ولكن  عقدته إلى الخلف ثم ندهت إلى فيروز وحملت علي إلى غرفتهم واخرجت لهم ملابس ، ارتدت فيروز شورت قصير أسود وتيشرت ابيض به رسومات طفوليه ، أما علي كان يرتدى بنطال قصير قليلا باللون الرمادي وتيشرت اصفر بعد ان انتهت من هذه الضجه وصراخ ذلك وبكاء تلك ..دق جرس البيت أخيراً قد أتى أحمد وشمس"