ديالا

الفصل الثاني

يوسف : احنا دلوقتي هنخرج فى مكان هنا قريب
عائشه : طب واى بكره بقا هنروح فين
يوسف : بصى ياعائشه انا عموما بحب اوى المغامرات وانى استكشف وكده فكنت خدت بالى من فتره على مكان معين ف الخريطه ملوش اسم ومتذكرش فى التاريخ او الجغرافيا الفكره ان المكان ده صغير اوى يشبه جزيره صغيره مثلا
عائشه: طب ما اكيد فى هناك ناس
يوسف:  لا انا بحثت كتير اوى ومفيش اى حاجه خالص بتتكلم عن المنطقه دى ف غالباً هيكون مكان مهجور
عائشه : طب وازاى الاستعمار زمان مخدش بالو من منطقه زى دى
يوسف: حقيقي معرفش وعلشان كده حابب اروح واغامر
أحمد :وهو خايف ياخدك علشان احنا مش عارفين هنواجه اي هناك
عائشه:  بس انا عاوزه اجى واى حاجه هتحصل هيبقى قرارى ولازم اتحمل العواقب
يوسف: ممكن نقابل خطر كتير هناك
عائشه: عادى طول ماحنا مع بعض التعاون والاتحاد بيغلب اى حاجه
يوسف: اى حكم اولى ابتدائي دى
عائشه :ههه ملكش دعوه ، المهم المفروض اننا هناخد لبس
يوسف:  ياعم احمد قولتلك البناات حواراتها كتير
أحمد: استنى يايوسف ماتجاوبها هتخسر اى
يوسف: احنا مش هنطول بس لو حابه يعنى هو اخرك طقم احتياطى بس
عائشه:طب والاكل
أحمد: يوسف مظبط حوار الاكل ده بحيث ناخد احتياطى كتير معانا
عائشه :انا متحمسه اوى بجد
يوسف: انتى تعرفى حد هنا ف تركيا
عائشه :مش بالظبط يعنى بس فى واحده اتعرفت عليها اسمها زينب ف الغرفه اللى جمبى تقريبا
يوسف: حلو ده
أحمد: اشمعنا
يوسف: هنحتاجها فى شوية حاجات نعرفها بس علشان نوصل لمركب وكده ونأجرها يعنى
عائشه :هو المكان قريب من تركيا
يوسف:  اه مش بعيد كتير يعنى ممكن ناخد يوم مثلا عقبال مانوصل
عائشه: ياااه يووم كتير اوى
أحمد: يوسف الحق المكان اللى كنا هنروحو النهارده اجازه
يوسف: يوووه يادى النحس
أحمد: طب هنعمل اى دلوقتي
يوسف خلاص تعالو نتغدا سوا بعدين نروح علشان ننام ونجهز للسفر الفجر بإذن الله
عائشه :هنتغدا فين
يوسف: فى مطعم هنا مش فاكر اسمو المهم يعنى بيعمل اكل حلو
أحمد: المهم ناكل وخلاص
يوسف: تعالو بس وانا هطلب على ذوقى
عائشه: افرض حاجه مبنحبهاش
يوسف: هقولك هى بتاعه كده كلتها اول ماجيت هنا عباره عن حاجه مخبوزه طويله كده ومن جوا قطع فراخ وغرقانه جبنه بقى
عائشه :ده اوووف خالص جوعتنى اطلب بسرعه وتعالى
أحمد: وانا هستنى معاها علشان متفضلش لوحدها
يوسف: طب احترم نفسك هااا
أحمد: ياعم ماااشى
عائشه : بما أن يوسف مشى هو انا ينفع اسألك سؤال وتجاوبنى يعنى
أحمد: انتى تؤمرى
عائشه: هو يوسف مرتبط او فى حد ف حياتو يعنى
أحمد: لا يوسف كان مرتبط من سنتين ببنت اسمها حبيبه بس فى واحده منها لله كانت بتكلمو كا اصحاب يعنى راحت عملت شات مزيف وراحت ورتو لحبيبه وف الاول طبعا مصدقتهاش وضربتها وحصل حوار بينهم المهم حبيبه قررت انها تروح تسأل يوسف راحت قالتلو انت تعرفها قالها اه قالتلو وبتكلمها قالها اه هى مستنتش تسمع اكتر من كده
عائشه: وبعد كده اى اللى حصل
أحمد:حبيبه فجأه اختفت محدش فينا بقى عارف يوصلها غيرت كل حاجه حاولنا كتير اوى نعرف نكلمها مثلا بس للاسف معرفناش ومن ساعتها يوسف بقى رافض يتكلم مع اى واحده
عائشه: طب ماهو بيكلمنى عادى اهو
أحمد: انا بصراحه مستغرب وف نفس الوقت مبسوط انو بدء يحاول يجرب تانى
عائشه:  طب وهى حصلها اى
أحمد: من قريب كده كنت قابلت واحده من صحابها وسألتها قالتلى ان كل حاجه اتدمرت وشخصيتها اتغيرت كتير كلامها بقى قليل بعد ماكانت اكتر حد بيرغى مبقتش تضحك غير كل سنه مره حياتها باظت من الاخر يعنى
عائشه: وانت عرفت يوسف حاجه زى كده
أحمد: لا طبعا يوسف لو كان عرف كان هيكتئب اكتر وانا ماصدقت انو بدا يفوق
عائشه:  واضح انو جاى هنا هربان من الدنيا وعاوز يهرب لمكان ابعد بكره ومبقاش فارق معاه هيقابل اى هناك لأن ببساطه مبقتش تفرقلو الحياه
أحمد: لا جدعه وبتفهمي بسرعه وعرفتى تترجمى
عائشه :  ربنا يصبرو ويعرف يتخطى
أحمد: اسكتى بقى علشان جاى علينا
يوسف: اتفضلو الاكل
عائشه:  مالك بتتكلم بقرف ليه
يوسف: علشان انتو قاعدين هنا ترغو وانا متبهدل ف الطابور بقاالى ساعه
أحمد: ماخلااص مكنوش شويه وقفتهم ده انت اوڤر
عائشه: الله طعمو حلو اوى
يوسف: شوف انا قاعد اقول اى ومتنرفز وهى خلصت الأكل
أحمد: كل يابنى لحسن منلاقيش أكلنا احنا كمان
يوسف :عندك حق والله
عائشه: الحمدلله يلا بينا نروح بقا
يوسف:  يلا ياختى
عائشه:  هتعدو عليا امتى بقى
يوسف: الساعه 4 ص ان شاء الله بس متتأخريش وتكونى لابسه حاجه ينفع تتحركى بيها بدل الفستان ده
أحمد: انت مبتفهمش يابنى ماتكلمها عدل بعدين انت مش عاجبك الفستان ده انا هموت واعاكسها من ساعت ما شوفتها
يوسف: انت واحد عينك زايغه انا مالى
عائشه: عموما انا كده كده كنت هعمل حسابى يعنى
يوسف: طيب يلا اطلعى بقى علشان تلحقى تنامى وتجهزى
عائشه: تمام يلا سلام
سلام
..........
_Günaydın "صباح الخير"
ـ Günaydın hayatım."صباح الخير حياتى"
  _Nereden tekne kiralayacağımı bilmek istedim "كنت أريد اعرف مكان لتأجير مركب"
ـDalyan Plajı'na otobüsle gideceksiniz " هتركبى اتوبيس إلى شاطئ داليان"
_  sonrası " ماذا بعد "
ـOrada Farhat'ı soracaksın, o da seni tanıştıracak " هتسألى عن فرحات وهو هيدلك "
_Teşekkür ederim Zainab "شكراً يا ذينب "
.....
عائشه:  صباح الخير ياشباب
_صباح النور
يوسف: سألتى صاحبتك دى هنعمل اى ف موضوع المركب
عائشه : اولا دى مش صاحبتى ولا اعرفها ثانياً اه عرفتلكوو هنأجر مركب منين
يوسف: منين بقا
عائشه : تعالو ورايا
يوسف: ماتعرفينااااا
عائشه : لااااء تعالى ورايا وانت ساكت
أحمد: ياعم يلا مش من اولها هتتخانقو كده
يوسف:  يلاا ياستى اما نشوف اخرتهاا
.....
عائشه: اتفضل روح اتفق مع الراجل
يوسف: مبعرفش اتكلم تركى
عائشه: كلمو انجليزى
أحمد: يارب الصبر
يوسف: ملكش دعوه انت
احمد: ياعم هو انا كلمتك؟!
عائشه:  شششش انتو هتتخانقو روح اتفق معاه وانجز حالك
يوسف: ماااشى
......
عائشه : قدامنا كتير عقبال مانوصل؟
يوسف : لا يعنى حوالى كام ساعه كده
عائشه: طب انت عندك معلومات عن المكان
يوسف: لا للأسف معرفش اى حاجه
عائشه: اومال اللى خلاك تيجى
يوسف : حبيت اكتشف لأنى شفت بقعه ف الخريطه مش عليها اى معلومات ف استغربت قولت اجرب كده كده مش باقى على الدنيا
عائشه: وليه اليأس ده انا مبحبش الانسان المستسلم
"توقف قلب يوسف  فى هذه اللحظه عند سماع اخر ما تحدثت به عائشه كانت دائما حبيبه تنطق بنفس الكلمات عندما تراه يفقد الشغف تجاه الحياه احس ان الدنيا تدور من حوله اغمض عيناه وكأنو يحاول ان يجمع ماتبعثر منه فى هذه اللحظه"
عائشه : يوسف انت كويس؟!!
يوسف:  انتى مالك بيا اصلا
عائشه : انت بتتكلم معايا كده ليه
يوسف : اى اللى جابك معانا انا مكنتش حابب انك تيجى
أحمد: اي ده فى اى بتتخانقو ليه
عائشه : رجعنى تركيا انا مش هكمل الرحله دى
يوسف:  ف ستين داهيه
أحمد: انزل يايوسف بعد اذنك تحت
يوسف : ملكش دعوه بيا انت كمان
أحمد: احكيلى براحه اللى حصل
عائشه :انا انا معلمملتشش حاااجه والله
أحمد: ممكن تهدى وبلاش عياط
عائشه: احنا كنا بنتكلم وهو قالى انو مش باقى على الدنيا وكان بيتكلم عادى بهدوء فانا قولت انا مبحبش الانسان المستسلم راح سكت وفضل يشد على ايدو لحد ما عروقه ظهرت وبعدها اتعصب عليا وفضل يكلمني بطريقه وحشه
أحمد: اممم انا فهمت هو عموما اانتى قولتى جمله فكرتو بالبنت اللى حكتلك عنها
عائشه :طب انا ذنبى اي بقى والموضوع مش مستاهل كل ده
أحمد: معلش انا اسف بس زى مافهمتك هو بيتعب نفسياً لما تحصل حاجه تفكرو عموما انا هنزل اتكلم معاه
.......
أحمد:  طب هى البت مالها ياصاحبى هى متقصدش
_ملكش دعوه
أحمد: تفتكر عائشه تستاهل الكلمتين اللى انت قولتهم ليها دول
_مش عارف بقى انا بجد مش عارف
أحمد: مش عارف اى
_مش عارف اى اللى حصل ومش عارف افكر وتعبت وزهقت انا ماشى ف الطريق ده علشان اهرب منها ولسه برضو مش عارف انسى وحشتنى اوى يأحمد
أحمد: ياصاحبى لو ليك نصيب فيها صدقنى هتتقابلو حتى لو بعد عشر سنين كمان
_خايف معرفش اقابلها تانى خايف انى اشوفها بس وقتها تعاملنى كأنى غريب عنها
أحمد: خير متقلقش متنساش رب الخير لا يأتى إلا بالخير
_ونعم بالله
أحمد: اطلع صالح البت الغلبانه دى بقى
_هى زعلت جامد
أحمد: اه جدا جدا.
_ طب وسع كده
.....
_بصى انا مش بعرف اقول كلام حلو بس كل اللى اقدر اقولو انى بجد اسف وحقيقى كان غصب عنى ومكنتش فى وعيي
عائشه :ولا تتأسف ولا تتكلم انا خلاص قولت لعمو السواق يرجعنى
_ماخلاص بقى قولتلك مكنتش اقصد وبعدين يعنى هو انا لو مش عاوزك تيجى معانا كنت هاخدك ليه ده انتى اللى مونسانا ف الرحله دى أصلا
عائشه: قصدك انك واخدنى علشان اونسكو كنت جبلك شوية لب يعوضوك عنى
_يخربيتكك مش قصدى كده اخرسى بقى ده انتو مابتصدقو تفتحو ف النكد
أحمد: يوسف الحق ف ارض ظهرت
يوسف:  فين
عائشه:اهى انا كمان شيفاها
يوسف: وصلنااا معقووول
.....
احنا وصلنا ياباشا
خلى كل واحد يقف ف مكانو ويستعد ليكون الخواجه جايبنا هنا كمين
حاضر ياباشا....كلو يستعد مكانو وننزل بهدوء وتركزو ولو حسيتو بأى خطر هننسحب واحده واحده
....
احمد: انزلو يلا
عاىشه:  هات ايدك ياعم يوسف خليك چينتل مان
يوسف: انزلى وانتى ساكته بدل ما اوقعك
_Bir saatten fazla geç kalırsanız24 Türkiye'ye döneceğim
عائشه: يابن الغداره
يوسف: بيقول اى الراجل ده
عائشه: بيقول لو قعدنا اكتر من 24 ساعه هيمشى
أحمد: يالهواااااى ويسيبنا هنا نموت ولا اى
عائشه : اه الأتراك معاملتهم زى الغرب تحس معندهمش مشاعر
يوسف: طيب ردى عليه وقوليلو اتفقنا
أحمد:اتفقنااا ايي احنا هنموت كده
يوسف :متقلقش خير ان شاء الله
_Kabul ettik "اتفقنا"
أحمد: يلا بينا
عائشه:  هو المكان فاضى كده ليه انا بدأت اخاف
يوسف: قولتلك يأحمد بنات لا اهى من اولها قالتلك بخاف
عائشه:انا بهزر على فكره وبعدين انت مالك انا بكلم نفسى
أحمد: بعيداً عن الخناق بتاعكو ده بس المكان جامد اوى هبقى اجيب مراتى نصيف هنا
عائشه: الحقوو فى حاجه ف الشجره دى بس فاكهه غريبه معرفهااش
يوسف: استنى اجيب وندوق
أحمد: بتتقشر ازاى دى
عائشه: اهى قشرتها امسك وهات بتاعتك
أحمد: شوفت ياعم يوسف فايده البنات اييي
يوسف: انت اللى خايب
عائشه: طعمها شبه المانجا
يوسف: حاسس ميكس بين الخوخ والمانجا
أحمد: وحط ع الميكس ده برتقال كمان
عائشه :سبحان الله كنت فاكره انى مفيش اى فاكهه تانى غير اللى بشوفهم ف مصر
أحمد: هاتلنا شويه بقى لحسن الاكل اللى معانا يخلص
يوسف: امسك يطماع
......
ـ هنفضل قاعدين ف اليخت لحد ما هما يوصلو ابدأو انزلو
_طب ياباشا هما المفروض هيوصلو امتى
ـ معرفش بس غالبا النهارده بليل
_تمام
.....
أحمد: طب وبعدين الدنيا بدأت تليل علينا ومش لاقين اى حاجه غير شجر الفاكهه الغريبه دى
عائشه: تعالو نقعد نريح شويه رجلى وجعتنى
يوسف: اتفضل ياعم ده ذنب اللى ياخد بنت معاه
عائشه: بقولك اى بقى انا سكتالك من الصبح كل اما انطق تقول نفس الكلام اييي يامجتمع ذكورى متخلف
يوسف: بس يابت
عائشه: هقوم اضربكك ومش هيهمنى وهوريك بقى البت ممكن تعمل فيك اى
يوسف: ده انتى دماغك تعبانه بقى
"ثم يقطع ذلك الصراع العنيف بين القويه جدا عائشه ويوسف الذكورى المتخلف صوت طلق نارى يتدفق مثل الأمطار خلف بعضه البعض لدرجه افزعتهم وجعلت قلبهم يرتعش رعباً"