بِسْمِ اللَّـهِ الرَّحْمَـٰنِ الرَّحِيمِ
"أنشــــــهد انهــــا سرقت قلـــــب اللــواء بـــغمازاتها"
"لا تنسوا النجمه تقديراً لتعبي⭐️"
فلاش باك اربع سنين لورا...
"يتقدم ابو ليان لعند لمى و ينطق:لمى وش رايك نروح نجيب ليان انا و انتِ و نروح لـ"مطعم"؟
لمى:خلاص تم بلبس عبايتي و اجيك
ابو ليان:احتريك بالسياره
عند ليان،،،
ودعت صديقاتها بحكم انه اخر يوم دراسه و تقدمت من شافت سيارة ابوها و اول ما دخلت نطقت السلام:السلام عليكم
ردوا السلام و بعدها كان الصمت سيد المكان
قطعت الصمت ليان من نطقت:غريبه جايين تاخذوني انتوا الاثنين وين بنروح؟
ام ليان:مفاجأه
ليان:الله زمان عن المفاجأت
و كملوا الطريق ضحك و لعب
و بنص الطريق اخذ ابو ليان علبة المويه بيشرب و طاحت من يده عند رجوله مد يده ياخذها و نزل انظاره لتحت الا ويسمع صراخ لمى و ليان و يرفع انظاره الا ويلقى تريلا كبيره و صدم فيها تقلبت السياره و تجمعوا حولهم الناس
شخص مجهول:اتصلوا علإسعاف
و فعلا اتصلوا و ماهي إلا دقائق قليله و يوصلوا الإسعاف
ركضوا ثلاثة مسعفين عند كل واحد
المسعف الأول عند ابو ليان:مافي نبض مات لا حول ولا قوة الا بالله
المسعف الثاني عند ام ليان:وهنا مافي نبض توفت لا إلاه إلا الله
المسعف الثالث عند ليان:تعالوااا بسرعه في نبض هنا بس ضعيف جدا
نقلوهم المسعفين للمستشفى و بعد ما قدروا يوصلوا ل رقم شخص من قرايبهم اتصل الدكتور على الجد حمد...
عند الجد حمد...
كان قاعد بين احفاده و عياله و مبسوطين و البسمه مرسومه على وجيههم دق تلفون الجد و رد:الو السلام عليكم من معي
الدكتور:معاك الدكتور ناصر انت ابو محمد بن حمد
الجد حمد:وصلت وش العلم
الدكتور:ولدكم صار عليه حادث و معاه زوجته و بنته
جمدت ملامح الجد حمد بصدمه:وش تقولل انتت وين اي مستشفى
الدكتور:مستشفى*****
سكر الجد المكالمه و سألته الجده صالحه:وش العلم يا حمد
كان حمد مصنم ولا قادر ينطق بشي غير:ولدي محمد و زوجته و بنته صار عليهم حادث و هم الحين بالمستشفى
من بعد جملته البيت صار كله صياح و بكاء و توجهوا فورا للمستشفى كلهم و جلسوا يسألوا الدكتور وش صاير وش فيهم
الدكتور:اول شي قولوا لا إلاه إلا الله
نواف الي كان على اعصابه خايف على ليان "للعلم نواف كان يحب ليان من الطفوله نكمل" نطق:وشش فيهم يا دكتوور
الدكتور:عظم الله اجركم ورحم موتاكم الي اسمه محمد بن حمد و زوجته توفوا اما البنت الي كانت معهم الحين بالعمليات
طاح الجد عليهم و اجتمعوا حوله الدكاتره و نقلوه لغرفه و كان قاعد عنده نايف بعد مده قام و استرجع كل شي بعد ما استوعب كان حزيييين و مكسور ولده ولده الي مات و زوجته و حفيدته الحين بالعمليات كيف يتحمل كل هذا
اما عند الاهل،،،
الجده صالحه:اخخ يا وليديي وش بيصبر بنتكك الحيين
حريم اولادها تجمعوا عندها يهدوها
ولكن جُمانه اخوها محمد كييف تصبر كيف تهدي نفسها كانت قاعده عالأرض و تبكي على اخوها و زوجته و بنتهم الي بالعمليات جا عندها زوجها زايد:استهدي بالله يا جمانه هذا قضاء وقدر و كلنا جاينا الدور العنِ الشيطان يا جمانه خلاص لايصيبك شي تكفيين
جُمانه بصراخ:لااا لاا يا زايد هذا اخوييي اخويي ماقدرر كـ كـ كان ا ا اعز واحد بـ بين اخواني لاا و شهقت كملت:زايد تـ تكفى لاا مـ مـ مـ ماابي اقعد هناا خذني للبيت تتكفى ماابي
زايد:خلاص ابشري بس لا تبكين هذا قضاء و قدر شوفي اخوانك كلهم منهارين لازم تقوين نفسك عشانهم عشان تقويهم و توقفون مع بنته متوقعه ايش شعور بنته يوم تعرف اكيد مب حلو و بتنهار اكثر منكم لازم تحسسوها انكم معها وجمبها فا انتي قوي نفسك عشان تقويهم يلا يا حبيبتي قومي نروح القصر ارتاحي هناك احسن و منيره و راكان و ريم خليهم يعرفوا يروحوا راكان معاه سياره
ارتاحت جُمانه من كلام زايد و اتجهت معه للقصر اول ما وصلوا الجناح ارتمت بحضنه تفرغ كل الي بداخلها و تصيح و تشهق و هو يطبطب عليها لحتى ارتاحت و نامت
