بِسْمِ اللَّـهِ الرَّحْمَـٰنِ الرَّحِيمِ"
"أنشــــــهد انهــــا سرقت قلـــــب اللــواء بـــغمازاتها"
"لا تنسوا النجمه تقديراً لتعبي⭐️"
التفت العم عبدالرحمن لـ ليان الي حاطه وجهها بحضن عمها عبدالعزيز ونطق :ايه يا بنتي وش رأيك
ليان بصوت مايسمعه غير عمها عبدالعزيز:عمي قول لهم موافقه
ابتسم العم عبدالعزيز و رد على عبدالرحمن:ليان موافقه بس لعلى وعسى خجلها أكلها
ضحكوا الجميع و الجده تقدمت تزغرط و زوجات اولادها بالمثل
زادت ابتسامة نواف و غمرت قلبه الفرحه من نطق عبدالرحمن :اجل خلاص بكرا بيملك نواف على ليان وبنفس الوقت نسوي عزيمه بمسابة جية العنود
نطقت لليان :اذا كذا نواف تعال انتَ و وصلنا للمول نجهز للملكه والعزيمه
أشر نواف على خشمه ببتسامه ونطق :على خشمي
ابتسمت لليان و توجهوا كل البنات يلبسوا عباياتهم و يتجهوا لسيارة نواف ركبت لليان جنب نواف و ليان كانت بالنص اما عن باقي البنات كانوا حوالين لليان و كانت مراية السياره نواف حاطها و مظبطها بحيث تعكس عيون ليان على عيونه ويقدر يشوفها شغل نواف اغنية لراشد الماجد وهو يقول...
"هالعيون شلون أملها
سحر ذوبني بغزلها
بوسه من عندك حبيبي
تسوا عندي الدنيا كلها"
كان يطالع بعيون ليان ولا صد عنها و ليان الي من خجلها حطت وجهها بحضن نوف :وش فييك
ليان بصوت مايسمعه غير نوف :شوفي اخوك اكلني بعيونه
ضحكت نوف وهي تنطق بصوت عالي :نوااف ركز عالطريق
ضحك نواف وهو يجع انظاره للطريق وبين فتره وفتره يرجع يناظر ليان ولكن ليان مارفعت عينها بعينه
بعد مده وصلوا المول وتقدموا كل وحده تشتري فستان مناسب لها...
"الطياره"
كانت العنود نايمه على كتف نوره جت مضيفة الطيران تعطيهم الأكل
نوره :العنود عنوديي قومي يلا جا الاكل
قامت العنود بكسل وهي تاكل مع نوره و بعدها نامت نوره والعنود فتحت ايبادها وقعدت تتفرج على فلم على ما يوصلوا
"المول"{3:20 عصراً}
انتهوا البنات و ما كان باقي على العنود و نوره الا ساعتين فـ توجهوا للشاليه و بدأوا يجهزوا للملكه و للعزيمه بكرا كانت ليان متوتره لدرجه كبيره و نوف تحاول تهديها
عند العيال...بإستثناء راكان الي كان طالع مع واحد من أصحابه،،،
كان نواف كل شوي يبتسم من يتذكر انها بعد يوم بتصير حلاله و يقدر يشوفها وقت ما يبي ومافي ولا احد يقدر يمنعه
اما عن نايف الي اعترف لنفسه انه حب منيره و كان سرحان وافكار تروح و افكار توديه و وقف أفكاره من نطق سعود :من الي ماخذ تفكيرك
نطق نايف وهو سرحان :
ياسعود انا اكثر من يحبه وما يدري
هو غافلً عني وانا والله ميت بهواه
ومقدر اعترفلك لأني مدري عن قَدْري
انا بقلبه ولا مستحيل انا الي يبغاه؟
انا أهواك واحبك اي احبك من بدري
وأنت كل الي ابيه وكل الي اتمناه
كف يوم هالخفوق ينبضلك في صدري
وينطق بأسمك كلما تحركت الشفاه
ضحك ياسر بخفه وهو ينطق :ايوه من الي ميت بهواه
ابتسم نايف من تذكر شكلها و التفت يتأكد ان راكان ما جا ونطق:منيره بنت عمتي جُمانه
نواف بضحكه :عشان كذا ماقلت لنا يوم كان اخوها راكان موجود
نايف ببتسامه :اكيد تبيني انجلد
ضحكوا عليه كلهم و كملوا سوالفهم
