"بِسْمِ اللَّـهِ الرَّحْمَـٰنِ الرَّحِيمِ"
"لا تنسوا النجمه تقديراً لتعبي⭐️"
"المجلس الكبير"{1:30 صباحاً}
مجتمعين كلهم بعد ماروحوا من دواماتهم وكالعاده مبسوطين بين سوالفهم والقليل من هبل نايف ومنيره..
فتحت ليان جوالها ترسل لـ"نواف"
ليان :نواف ابي اكلمك بموضوع
وجه انظاره نواف لجواله يفتحه ويشوف رسالة ليان يكتب :تمام تعالي بالجلسة الي بالحديقه الاماميه
سكر جواله يستأذن ويطلع يمشي بهدوء عشان جرحه واستقامت ليان تتسارع بخطواتها تساعده بعد مُده بسيطه وصلوا للجلسه وجلست ليان امام نواف و نطقت بتوتر :ااا نواف
نواف :ياعروق قلبه،لبيه
ليان :اا ابي اروح قصر جدي سلطان الله يرحمه "ابو امها"
احتدت ملامح نواف من تذكر الي سواه خالها ينطق بنرفزه :وش تبين من هناك
ارتخت ملامحها من عرفت انه عصب من نبرة صوته الحاده تنطق بهمس وهي تميل رأسها :ابي اروح غرفة امي وابوي هناك في أغراض لهم باخذهم كلهم
غمض عيونه نواف يهدي من عصبيته ينطق بهدوء :ابشري
توسعت ابتسامة ليان تتقدم تحضنه وتنطق بضحكه :تدري انه شكلك حلو وانت معصب
ضحك نواف يشد عليها أكثر يقبل خدها ويبتعد ينطق بجديه :متى بتروحين
رفعت حاجبها :قصدك بنروح أنا وأنت سكتت تسترسل حكيها من سكوته :امم على الساعه 3
وجه نظره نواف لجواله يشوف الساعه {2:00} :تمام والحين اقعدي وسولفي لي وانا اتأملك
رفعت حاجبها ليان تنطق :على كيـ.. سكتت يتوسع مبسمها بخبث من داهمتها فكره
عقد حواجبه نواف :كملي
ابتسمت ليان تتقدم عند نواف تترك مسافه بسيطه بينهم تحط منطوقها عند أذنه وتهمس :احبك وتقبل خده وتهرب تدخل للمجلس وهي تلهث من الركض..
"عند نواف"
وسع عيونه وسرعان ما ابتسم من تذكر همسها يتجه للمجلس تجمدت ليان تتخبى ورا عمها عبدالرحمن من شافت نواف داخل ببتسامه وهو يدندن بصوت منخفض مايسمعه الا هو تنطق ليان وهي تأشر على نواف بصوت يسمعه كل الي بالمجلس :عمي خبيني من المتوحش هذا
وسع عيونه نواف من ضحكوا كل الي بالمجلس على كلمة ليان "المتوحش" ينطق بضحكه :ابك الحين انا متوحش
هزت رأسها ليان ببراءه بـ"اي" ابتسم نواف ينطق بهمس سمعته ليان وعمها عبدالرحمن :هيّن
كملوا سوالفهم وبنصها نطق نواف ببتسامه مستفزه من راودته فكره عشان يرد حركة ليان :اي يا جدي ماقلت لك عن الاخبار الجديده
الجد حمد :وش هالأخبار
نواف :حددنا موعد الزواج
وسعت عيونها ليان تنطق بسرعه وهي تمنع جدها من الكلام :مين حدد
ابتسم نواف من حس بنرفزتها :أنا
الجد :ومتى حددت
سكت نواف لـ دقائق يفكر رفع انظاره لجده :بعد شهر
شهقت ليان ترفع يدها لثغرها تنطق :لا لا ياجدي نواف يمزح
غمض عيونه نواف بغيره من شهقت ليان ومن صوتها العالي و اولاد عمها كلهم بالمجلس !
استقام نواف بتكشيره ينطق بجديه :الزواج بعد شهر يتم والحين يلا يا ليان الحقيني نروح قصر جدك وتوجه نواف لسيارته ينتظرها ويحاول بهدي نفسه من غيرته..
