"بِسْمِ اللَّـهِ الرَّحْمَـٰنِ الرَّحِيمِ"
"لا تنسوا النجمه تقديراً لتعبي⭐️"
<<تذكير لأحداث البارت الماضي>>
"المستشفى،ليان،نواف"
بعد مُده ابتعد يدفن وجه بنحرها يقبلها بخفه وينطق وسط تقبيله :بسم الله على قلبك يا عيون نواف ابتسمت ليان ترفع يدها تخلخل اناملها بشعره ابتعد عنها نواف يغمض عيونه بألم من حس بألم جرحه ولكنه حاول مايبين لـ ليان عشان ماتخاف وبالفعل نجح وما لاحظت ليان..
"القصر"{4:00مساءً}
وصلوا العائله للقصر تاركين ليان عند نواف يدخلوا ويتوزعوا كل واحد بطريق..
"غرفة نايف ونواف"
دخل نايف ينزل ثوبه ويجلس على سريره سرعان ما ابتسم من حول انظاره لجواله من نورت الشاشه بإسم"M❤️" <<منيره>>
ورد عليها..
"غرفة منيره"
اتسع مبسمها من رد عليها تنطق بخفوت
:نايف
نايف :لبيه
منيره بتوتر :ابي اكلمك بموضوع اجيك ولا تجيني
نايف ببتسامه :تعالي عندي أفضل الغرفه مافيها احد قسم العيال كله فاضي لأنهم بالمجلس تحت
تنهدت منيره :ابشر
قفلت تلبس عبايتها وحجابها ونقابها تتجه لقسم العيال وتدق باب غرفة نايف
توسعت ابتسامتها من سمح لها بالدخول ودخلت تقفل الباب وراها وقف نايف يتقرب منها ولكن بينهم مسافه بعيده شوي ينطق :تعالي اجلسي
وبالفعل جلست منيره عالكنبه بتوتر وخوف من ردة فعله من الي بتقوله لاحظ نايف رجفة يدها ينطق بهدوء :منيره وش فيك
اخذت نفس منيره تنطق وهي تشتت نظرها عكس نايف الي كانت انظاره متركزه على عيونها بتأمل وهذا الي وترها :نايف انت قلت رح تخطبني بعد زواج ليان ونواف صح
نايف بهدوء :اي
منيره :ابي اطلب منك طلب واتمنى ماترفض
نايف :عيوني لك اطلبي
منيره : انت تدري انك ماتحل لي الحين فا ما ابي اكلمك أو اقابلك لحالنا الا برضا الله والي يصير بينا مايرضي الله اذا صرت حلالك سوي الي تبيه
ابتسم نايف برضى ينطق بحنيه :ابشري باللي تبينه بيصير سكت شوي يميل راسه :طيب ليه متوتره تخافين مني؟
ضحكت منيره تنطق :تخسي ،بس ما كنت متوقعه ردة فعلك كذا
نايف :وش توقعتي
سكتت منيره تستقيم للباب ونطقت بهبل وهي تحاول تغير الموضوع بتجاهل لسؤاله :يلا انا برووح ترا مابتشوفني الا يوم ملكتنا
ضحك نايف وهو يشوفها طالعه ونطق بصوت عالي عشان تسمعه :احبككك
ابتسمت منيره وهي تحس بفراشات ببطنها
تتجه ركض لغرفتها
"غرفة تركي"
طلع من المجلس وهو يحس بصداع يدخل غرفته بتعب يدخل الحمام "اكرمكم الله" يتروش ويطلع يلبس بنطلون اسود وتيشيرت بُني يرفع جواله يتصل على ريم يتوسع مبسمه من سمع صوتها ينطق بصوت تعبان :ريم وينك فيه
عقدت حواجبها ريم من صوته الي باين عليه التعب :بغرفتي،تُركي وش فيك
تنهد تركي :اخخ تعباان
فزت ريم تنطق باستعجال :وش رايك اجي عندك
ابتسم تركي :تتوقعين أرفض
قفلت ريم تتجه تتغطى وتطلع لقسم العيال تدق باب غرفة تركي وتوسعت ابتسامتها من سمح لها بالدخول تدخل وتسكر الباب وتقفله والتفتت على تركي وسرعان ما اختفت ابتسامتها تتوجه نحوه بخوف من شافت ملامح وجه الي تبين تعبه تتحسس وجه وسعت عيونها من حرارته المرتفعه نطقت بخوف :تُركي حرارتك مرتفعه ،في شي يوجعك
غمض تركي عيونه بألم وهو يرفع يده ويمسك راسه يشد عليه ينطق بألم :ايي صداع
استقامت ريم :اصبر بجيب قماشه وصحن "ماء" اسوي لك كمادات وبجيب فيفادول واتجهت ماتسمح له بالرد تطلع باستعجال تجيب الأدويه..
"غرفة جُمانه وزايد"
كانت جُمانه واقفه أمام المرايه تمشط شعرها عشان بتنزل عند الجده الصالحه تجلس عندها وأما عن زايد فكان متمدد على السرير بتعب دق باب غرفتهم وسمحت له بالدخول من عرفت انه راكان الي دخل ونطق ببتسامه :يمه ، يبه
رفعوا انظارهم زايد وجُمانه ينتظرونه يتكلم
اخذ نفس راكان يهدي من توتره :قررت بما اني عندي وظيفه وراتب وعندي بيت ابوي القديم اني اكمل نص ديني واتزوج وابيك يا أمي تخطبيلي من بنات عمي
توسعت ابتسامة زايد وجُمانه الي تقدمت تحضنه وهي تنطق بضحكه :واخيرا ياولدي بشوفك عريس ابشر من عيوني
ضحك راكان يبتعد عنها وهو عاقد حواجبه :ليش اخيرا اعترفي تبين تخلصين مني
توسعت عيون جُمانه بضحكه :لاا ياحبيبي اقول واخيرا بشوفك عريييس
ابتسم زايد ينطق :خلاص بعد مايطلع نواف نخطبلك
طلع راكان ببتسامه وهو يفكر بحياته الجديده واتجه لغرفته يلبس ثوبه ويطلع يتجه لبيت ابوه القديم الي أصبح الأن بيته وبأسمه عشان يجيب شركة تنظيف وتنظفه "مبدئياً"..
"غرفة تركي"
فز من انفتح الباب بطريقه ارعبته تنهد من شاف ريم ينطق بتعب وخوف :فجعتيني
ريم :بسم الله عليك نزلت ريم عبايتها و تقدمت عنده تجلس على سريره وتعطيه "ماء" وحبة فيفادول بعد ماشربهم حطت راسه على فخذها تجيب القماشه وتنزلها بالماء وترجع تطلعها وتحطها على جبينه غمض عيونه تركي ينطق ببتسامه و بهمس :بارد
ابتسمت ريم تخلخل اناملها بشعره :اكيد عشان تنزل حرارتك..
"مجلس العيال"
مجتمعين بعض من العيال بالمجلس سعود و ياسر ونايف وحمد ومطلق دخل عليهم راكان ببتسامه وقاطع سوالفهم وهو ينطق :السلام عليكم
ردوا عليه السلام يتقدم راكان يجلس بجانب سعود يحاوط اكتافه ببتسامه :ماعرفتوا
التفتوا كلهم له ينتظرونه يتكلم مطلق :وش جديدك اشوف الابتسامه شاقه وجهك
راكان :بس يطلع نواف امي بتخطبلي
توسعت ابتسامتهم واختلفت الردود من
"الله يتمملك على خير / مبروك / وغيرها من الردود"..
<<بعد مرور خمس ايام بدون أحداث مهمه>>
"المستشفى"{10 صباحاً}
التفت نواف لـ ليان الي كانت تضب أغراضه تنهدت بتعب من خلصت واستقامت تتغطى وتتجه عند نواف تساعده ويطلعوا من المستشفى بعد ماسجل الدكتور خروج لـ نواف اتجه نواف لسيارة ياسر الي تنتظره ووجه انظاره لـ ياسر الي نزل يسلم عليه ويتحمد له بالسلامه ركب نواف وليان ورا متجهين للقصر ،بعد مُده وصلوا للقصر يدخلوا وياسر ساند نواف وليان اتجهت تسلم على جدها وجدتها <<القصر كان فاضي لأن كلهم بدواماتهم>> وتوجه ياسر ونواف يسلموا على جدهم وجدتهم ويجلسون معها يسولفون ..
انتهى..
اعتذر البارت قصير بس عشان المدرسه بتبدأ وانشغلت قاعده اجهز رح يتغير النظام ورح انزل لكم كل جُمعه بسبب الدراسه بس اوعدكم البارتات بتكون طويله والبارت الجاي فيه أحداث كثيره وحلوه🤍.
{كُتبت بِقلم الكاتبه"جود بنت محمد"}
"لا تنسوا النجمه تقديراً لتعبي⭐️"
