"بِسْمِ اللَّـهِ الرَّحْمَـٰنِ الرَّحِيمِ"
"لا تنسوا النجمه تقديراً لتعبي⭐️"
مجلس الحريم،،،
مجتمعين كلهم البنات و الحريم و الجده و الضيوف في مجلس الشاليه
سمعت الجده صوت دق الباب وتقدمت تفتح ببتسامه :يالله حيهم تو ما نور الشاليه
وحده من الضيوف :منور بأهله
ابتسمت الجده صالحه وتقدمت تدخلهم
نطقت ريم وهي تصب القهوه :نووووف
نوف :سمي
ريم :بروح اعدل شكلي خذي القهوه صبي بدالي دقايق و اجي
نوف :ابشري بس بسرعه لا تتأخرين
اتجهت ريم مستعجله عشان جدتها ما تفقدها وتعصب انها مش موجوده و بدون ما تنتبه دخلت حمام الرجال "اكرمكم الله" و كان فاضي قعدت تعدل روجها و مكياجها...
عند الرجال،،،
دخل صديق للجد قديم :هلا بـ حمد اخبارك
الجد حمد :يا هلا تو نور المكان حياك يا بندر حياك
دخل بندر و وراه أولاده
"تعريف بسيط عن بندر و عيلته"
بندر :ابو ملهم يبلغ من العمر "75" صديق قديم للجد حمد متزوج و زوجته متوفيه عنده منها ثلاث اولاد و بنت
أولاده..
ملهم ولده البكر يبلغ من العمر "36" دكتور حنون لأبعد درجه ولكنه وقت الجد يكون جدي.
عارف ثاني اولاد بندر يبلغ من العمر "32" صديق لـ حمد بن عبدالرحمن يشتغل ضابط برتبة فريق.
بدر ثالث اولاد بندر يبلغ من العمر "29" دكتور مايحب المشاكل و حاله حال نفسه.
ميار اول بنات بندر و وحيدتهم تبلغ من العمر "26" طيبه والبنات يحبوها ويعتبروها اختهم تدرس اخر سنه طب.
دخل ابو ملهم و وراه أولاده تقدموا يجلسوا و نطق الجد :نايف تعال قهوي الرجال تقدم نايف يقويهم لين وصل لـ تركي و انكب الفنجال عليه بالغلط نايف بهمس ماسمعه غير تركي :احح روح روح غسل
توجه تركي للحمام ولكنه تصنم من لمح بنت رافعه جوالها و تتصور و تتدلع عالكاميرا رفع يده يمسح عيونه مو مصدق الي يشوفه و نزل يده رجع يشوف الملاك الي واقفه بكامل زينتها صد تركي وهو يستغفر و نطق بصوت رجولي :يابنت وش تسوين هنا
شهقت ريم من شافته :ا ا انت وش تسويي هناا
تركي :هذا حمام الرجال
ريم :اااا اسفه ما انتبهت
احتدت ملامح تركي من سمع صوت عارفه متوجه للحمام توجه عند ريم و هو يمسكها من يدها ويدخلها الحمام يسكر الباب ويقفله من برا و يوقف عند المغاسل كأن مافي شي
ريم الي كانت بتفتح الباب ولكن تراجعت من سمعت صوت رجال ثاني
عند تركي الي بعد ما فضى الحمام اتجه يفتح باب الحمام وهو صاد أعطاها شماغه تتغطى فيه وهو يقول :خليك بروح اشوف اذا في احد برا
ريم وهي ترجف :اابشر
توجه تركي و ناظر لـ فراغ لف عليها وهو ينطق :تعالي مافي احد توجهت تمشي وراه وهو قدامها وصلها عند باب الحريم و راح
عند ريم الي دخلت و راحت الغرفه مسرعه الكل استغرب منها و من الشماغ الي على رأسها توجهت ريم تسكر الباب وتهدي نفسها بعدها استوعبت انها لسا حاطه الشماغ على رأسها و نزلته داهمتها ريحة العطر و العود من الشماغ حطت الشماغ تحت بطانيتها و توجهت تطلع تكمل شغل ولا كأن صار شي
