القاعدة جيم) |
بقلم: روتاج العيساوي (النسرة) |
ـــــــــــــــــــــــــــــــــــــــــــــــــــــــــ★
«أمان»
يوم جديد يبدأ بصوت المنبه بس هل مرة الحماس مختفي، كعدت كالعادة ولبست خُفي الزهري رتبت چرباية وتوجهت للحمام حتى اكمل روتيني المُعتاد، استقبلت يومي بروتين مُريح وبالصلاة حتى يكون ايجابي ويوم جيد
بديت صلاتي بعد أرتداء ازار الصلاة ونهيت صلاتي بسورة الفاتحة ع روح والدتي، وثاني مرة احس بصعوبة بالتنفس وألم عند السجود
أرتابني شعور غير مُريح ابدًا شعور القلب المكبوت، صبرت نفسي ع ما اراجع الطبيبة وغيرت ملابسي وبلشت مكياجي اليومي ع
ميز المراية، مكياجي عبارة عن مسكارة وبلاش وبمصطلح قبل احمر خدود، شوي حمرة سحرية ومسك وياها لفة الشال الي احبها
جانت أم البوز الي هي نخلي دبوس بمقدمة الشال المُثلثلة، ابتعدت خطوتين للوراء أتأمل شكلي، دزيت قُبلة بالهواء للمراية وقريت سورة
الفلق وهاي السورة والدتي معلمتني اقراها كل ما اشوف نفسي بالمراية، احم الوالدة الله يرحمها چانت تبالغ بجمالي.
فتحت باب الغرفة ونزلت وحسب ما اتذكر ضوة الغرفة تركتة مَفتوح، متوسط الصالة رحيم بملابس البيت أستغربت بروده
رحيم: صباح الخير فيثاغورس
أمان: شنو
رحيم: صباح الخير
أمان: صباح النور وفيثاغورس هذا قانون بالرياضيات مو شخصية
رحيم: أي وهو لان انتِ مو شخصية صحتلج بهذا الأسم
أمان: غثيت
سويتلة حركة بكتفي بمعنى مامهتمة، ودخلت للمطبخ سويت قهوتي الوسط وطلعت الية كيكة بيت مسوينها قبل يومين قبل ولادة ودق
بس باقية قطعتين، صبيت القهوة بالفنجان واخذت الصينية للصالة خليتها ع الميز وصعدت اجيب تليفوني، أستغربت من شفت كلوب الغرفة مسدود من جوة الباب مبين انعكاس الظلام
معقولة طفيتة؟ تجاهلت الموضوع وماخليت بالي لان مستعجلة دخلت اخذت التليفون سريع وطلعت قفلت الباب وتركت الضوة مسدود لان ما أمن بوريق او ودق، نزلت
بسرعة لكيت الماعون فارغ والفنجان مشروب نصه، زفرت بنفوذ صبر، اوف اوف رحيم خراب العامر، باوعت للساعة متأخرة حيل، طلعت
بدون لا اتريك اركض فتحت باب الحديقة
وسديتة شفت رحيم يخابر، شافني وركض للمرجوحة لازم الكوشة بأصابعة
رحيم: وامير المؤمنين اذا تدنين اشمرها بالجيحة مال المَي
أمان: أستغفرالله بسيطةة يا خبيث بسيطة من ارجع وشوف شسوي
أنت تقرأ
كيد مسموم (القاعدة جيم)
Actionطريق مُضاء، يُعتم بسواد قاتم، قَلب عاجِز عن الصَد، مُهيمة بالعدو، نَفور وغَجَر مَقتول. ماذا لو لَم ينتسب؟ ماذا لو لَم يعشقها العدو؟ ماذا لو لَم تُهيم به؟ ماذا لو لَم تكُن هي القاعدة جيم؟ ماذا لو لَم يلتقي العَدو بالعَنيد؟ ماذا لو لَم تكتبها لَ...
