كيد مسموم (القاعدة جيم)

الحلقة 8

القاعدة جيم (مجزرة سبايكر)
للكاتبة نسرة(روتـاج العيساوي)
يوزر انستكرام: r.i0.r
ـــــــــــــــــــــــــــــــــــــــــــــــــــــــــــــ♡.

أنتَ ببالي احسَك وين مَاروح
وإذا ويَاي تمشي شلون تِبعد
شما تلتَفت عيني الگاك مَوجود
يترواليّ وجهَك وين ما صِد
أغمُض والگه ضلك يَمشي بالعَين
بحيث من أرِد أجيك برمشيّ تلبَد 🤎 .
ــــــــــــــــــــــــــــــــــــــــــــــــــــــــــــــــ☆.

✦أمــــان✦

روحي راحت بين احضانـة حلم ربي حلم هذا، اتلمس بوجهة اريـد اصـدك ربـي أريـد عيوني تصـدك، ضامني بصدرة واشهك بقهر وبفرح

_: رحيمم يـا حـبيبي

_: امونتي الدكتورة

لزمت وجهة بين ايدية اتأمله ابوس بعيونة وبجبينة، روحـي روحـي رحيم ياعمري ، نسيت نفسي ونسيت الحواليه التهيت برحيم وبجبر كسري، بعدني من حضنه من طبكت سيارة نجم ونزل يركض، فتح ايدي لرحيم وركضوا لبعض، حسيت واحد دخل لأضلاع الثاني وكعو ع الارض نجم يبجي ورحيم دموعة تنزل بصمت

للحظة أنتبهت اكو شاب وياهم مَلثم واكف ع جهة مورث جكارة وصافن ع نجم ورحيم
رجعت نظراتي لنجم وهو يعاتب بقهر

_: ليش تكسر بخاطري رحيم ليش، ليشش تضوكني المر بوجودك ليش تعيشني كسران الظهر

_: موبيدي والله موبيدي بألف ياالله يلة نجيت لحظة والله لحظة فصلتني عن الموت

معلكين تعلك ما هدوا بعض الا من طلع زمن وأشرلي افوت وهو راح الهم وخالتي طلعت ورى  شافت رحيم وكامت تهلهل وتبجي، زمن حضن رحيم ويسالم بي وخالة حنه بوستة وحضنته، وخرتة من لزمت راسه بين ايديها وتهز بي

_: هذا صماخك اذا يعاند اهلك بعد اكطعة واشمرة للقطيع

يمسح دموعها بشيلتها دنك عليها يبوس راسها، التفتت ع الولد الواكف بره وخلت ايدها ع حنجها متفاجئة

_: يااااه هذا ياهو،  يحبيبة يمة تعال يبووو يافشلتي

الولد ضحك وخلة ايدة ع راسه بمعنى تسلمين وهي جلبت الا تفوتة جوة، ورحيم يندس بيها وهي التفتت تصرخ برحيم

_: وجعه امي كون شبيك شليت ايدي شل خل يفوت المكرود الطريق طويل

سمعت صوتة يرد عليها

_: لا يمة تسلمين

_: لا وروح عز ماتروح هسة تفوت ونسويلك ذاك الغدة بمناسبة ردة العزيز چـا هاي يرادلها زفة يمـة

_: هههه ع راسي ممنون

_: يلة يمة زمن اخذ نجم خل يوافي نذرة

نجم: حجية شبيچ مستعجلة دخل نكلب رحيم ايجوز مو ابنة هذا شبيهة