القاعدة جيم (مجزرة سبايكر)
بقلم، النسرة
ــــــــــــــــــــــــــــــــــــــــــــــــــــ.
༺رحيم༻
صراخهم وكأنهم يستنجدون بينة، الكل يُعدم العاقل والمجنون، القوي والضعيف، الطيب والخبيث، جُثث تُدفن واحياء تُقتل...
الساعة ال9:00م...
فزيت ع صوت طلق رصاص، رفعت راسي ونزلتة بين رجلَي ، كعدت لام رجلي لصدري، رجعت رفعت راسي استوعب.. أني مو وحدي! ضلت عيوني تحسب بيهم 12 شخص! وكلهم مُنتسبين...
أسأل لو اسكت؟ ديلة خل اسأل شخسران..
_: آحم ماكو شيء جديد
محد جاوب،رجعت عدت بصوت اعلى وهم محد جاوب
_: شنو خرسان خوية
ولاعبالك احجي وياهم عبالك احجي ويا روحي
هي هاي تاليتي ويا المخابيل خلوني، انوب كلها مصدومة، رجعت غمضت بلكت انام ويا ماغفيت نفتح الباب، رفعت راسي فات واحد بيهم يأشر ويهمس
_: باجر يجي والي تكريت يحجي وياكم وراها ترجعون لأهلكم
طلع بسرعة وسد الباب وراه قبل لا احد يسأله، رجعت خليت راسي بين رجلية، اتلمس بأصابيعي، اتأمل وجودي بهاي الحياة، ثانية هي ثانية فصلتني عن الموت، لو ثانية بس متأخر جان شهيد صرت!
عيشتي بالدنيا اعتبرها خيانة لعُدي، اني كتلة كتلةة اخذها خليها بجيبك هو ماقبل هو عاند، مرت ثواني واني متصنم، شكو لحظة عشتها ويا عُدي رجعتلي، حسيت شي حار مشة ع خدي، شهكت بقوة غصب شهكاتي تنسمع
خليت ايدي ع حلكي اكتم صوتي غمضت بقوة اريد اسكت ماريد ابجي ماريد، غمضت غصبًا عليه واحاول انوم نفسي، ميخالف حتى لو بنص الموت المهم بين نفسك طبيعي وماخايف، انت بمكان يموت بي الضعيف...
بس ياعين تاخذ نوم؟ حساب يجيبني وحساب يوديني...
بنص الهدوء الصار، اذا تذب ابرة تسمعها الكل ساكت، حتى برى الغرف بس اصوات رجليهم تتحرك
ورى شوية نفتح الباب واحد بيهم مد راسة ورجع طلع، فاتت ثواني ونفتح الباب مرة لخ فوت جدر وخبز حطة قريب ع الباب وطلع...
الي فز رجع نام والي صافن جان رجع يصفن، الجدر محد حركة، منو اله نفس اصلًا ومنو عنده ثقة بيهم؟
رجع الباب نفتح ودخل نفس الشخص باوع للجدر ورجع باوع النه، حجة بصوت عالي يهدد
_: اذا ارجع ونلكة الكدر محد ماكل منه اعدامكم يصير بالغرفة
رجع طلع وطبك الباب، انتظرهم يتدنون ع الجدر محد تدنه، كمت اني يم الجدر، هو الما مات بطلقة يموت من الاكل؟
ويا مافتحت الجدر كفختني ريحة زفر،مي احمر، همس واحد بصفي
_: هاي شنو
أنت تقرأ
كيد مسموم (القاعدة جيم)
Actionطريق مُضاء، يُعتم بسواد قاتم، قَلب عاجِز عن الصَد، مُهيمة بالعدو، نَفور وغَجَر مَقتول. ماذا لو لَم ينتسب؟ ماذا لو لَم يعشقها العدو؟ ماذا لو لَم تُهيم به؟ ماذا لو لَم تكُن هي القاعدة جيم؟ ماذا لو لَم يلتقي العَدو بالعَنيد؟ ماذا لو لَم تكتبها لَ...
