ڪيد مسموم(القاعدة جيم)
للكاتبة نسرة(روتاج العيساوي)
الانستكرام: r.i0.r
ــــــــــــــــــــــــــــــــــــــــــــــــــــــ•
شحجيلك على البيه
چن جوه الجثث خاتل
ويمي أعداي
الجثث حرگوهن عليه
گوه أتشاهدت وصلت
لرجلي النار ،
من دم الجثث طفيت رجليه .
_ـــــــــــــــــــــــــــــــ _
﴿فَــــــرح﴾
مرن يومين ع الفاتحة وماسوينة الثالث التهينة ننظف ونرتب البيت انكلب عبالك شايلين منة الغراض نصهن ضايعة والبيت فرغ بس اني وشيماء ورحيم وهند ونجم وعيسى نغسل بي
شايلة الصوندة نغسل بالبيت ارش ع الحياطين رشيت ع البلك مال الكهرباء بالغلط واسمع طكة صارت فيوز طك دخل رحيم يركض البلك يطلع صوت زززز هيج ورحيم صاح نجم
_: شسويتي يالثولةةة
_: شمدريني هو اكو واحد يحط البلك هنا
_: شلون امردها
طفينة البيت كلة وكعد رحيم يشد بي وعيسى يكلة::أكلك انت تعرف تشد كهرباء لو تتعلم براسنة
_: اعرف اعرف انتَ بس اسكت
يشد بيهن وشد البراغي مال بلك وكلنة ابتعدنة من راح يشغلة، هو شغلة وهو طك الواير بكبرة وطفة البيت والتيل صارت بي جدحة، والجيران طلعوا طلع المطيرجي متخوصر يتأفأف
عمار: يعني هسة وكتة يجدح
رحيم: أي والله شلون حكومة فاشلة
عيسى: دنجب ياحكومة يابة شد البلك غلط وربط الوايرات بكيفة وطك الفيوز حرك المحولة حرك هو وفرح الخايسة
عمار: صدك جذب
عيسى: صدك عمي قابل اجذب عليك
مادة راسي من الباب واتسمعلهم شوية وصعدو يسون التيل والبلك فلتوه وشدو عدل ونشفنة البيت كلشي تم اباوعلة يبرق برق صار
جابو اكل من برة وكعدنه نتغدة، واحد يداهر الثاني بس اني ساكتة، حتى الساني تعب من تنضيف، لهناك اسمع صوت رنين تليفوني اجة عيسى شايلة عاقد حاجبة
_: منو هذا النهايتة 23؟
_: منو؟ شو جيب التليفون.
تجاهلني واخذ التليفون وطلع من البيت كلة، ضليت اللوب كلبي يدك عشرة عشرة، مامسوية شي اني بس متوترة خاف ابو الرسالة متصل؟ بس والله اتذكر حضرتة
أنت تقرأ
كيد مسموم (القاعدة جيم)
Actionطريق مُضاء، يُعتم بسواد قاتم، قَلب عاجِز عن الصَد، مُهيمة بالعدو، نَفور وغَجَر مَقتول. ماذا لو لَم ينتسب؟ ماذا لو لَم يعشقها العدو؟ ماذا لو لَم تُهيم به؟ ماذا لو لَم تكُن هي القاعدة جيم؟ ماذا لو لَم يلتقي العَدو بالعَنيد؟ ماذا لو لَم تكتبها لَ...
