القاعدة جيم (مجزرة سبايكر)
بقلم النسـرة☆
ـــــــــــــــــــــــــــــــــــــــــــــــــــــــــــــــــــــــ
༺رحيم༻
_أنطرقت أبواب السيارة بقوة و نداس البريك رجعت بقوة نرطمت بالباب ونفتحت الزناجيل واصواتهم تلعلع علينه، سحبني واحد منهم من تشيرتي وضل يسحل بية وشمرني ع دچة نظرب راسي بيها وبهت حيلي، جسمي يتحرك واني ثابت بمكاني، اسمع اصوات احتكاك جسدهم بالارض ورى دقايق سمعت توسلاتهم وصوت صرااخ عج اذاني عَج...
رجـع واحد بيهم سحبني من شعري بقوة موكفني، رجلية اوف رجلية تاخن من الدوخة، استجمعت قوتي و وكفت احارب بروحي، سحبني ونذبيت بمكان ثاني، نسحبت الوصلة من عيوني، نفسها منصة الأعدام...
حَچـة واحد من عدهم بستهزاء
_: تصلي ونكتل بطلقة لو نعدم كُبل
بلعت ريكي بصعوبة أطالع وجهة الخبيث، ذبيت نفس، وسحلت الكلمة سحل من روحي
رحيم: أصلي
اجة واحد وثبت السلاح عليه والثاني فك ايدي، أشرلي ابو السلاح للنهر، النهر كَلة دم،هيچ اطهر من ما اتوضى بالنهر...
رحيم: كُله دم، اتيَمم بالتراب
رفع حاجبة يباوعلي بنفاذ صبر، دنكت توضيت يالتراب و وكفت اصلي صلاتي الأخيرة، صلاتي الي مافكرت بيوم راح اصليها، ركعتين سويتهن عشر ركع من التأني وهمَ كل شوي يكلولي يلة خلص، رفعت ايدي ادعي واحد بيهم ضحك وكال بحقارة
_: المن تدعي بعد هــوَ انتَ راح تنتهي حياتك
حچيت بصوت مسموع والدمعة تحارب بجفني، أعاندها وما اطيحها كبال العَدو
رحيم:اللهم سَأغدوا شَهيـدٌ، اللهم النَصـࢪ، وأني راضًا مُتلهف لمَصيري المَضمون، اللهم أني مظلوم ومغدور ويتيم ومهجور، وأنتَ ع الظالمين قَدير، اللهم أني استنجد بك اللهم أنقذني...
حرك الرشاشة على كتفي حركتين وكال
_: يلة اتشاهد
نزلت ايدية وسلمت وبديت بالشهادة، سمعت صوتة وهو يسحب بالزناد منتظر اخلص الشهادة وصوت سيارة شخطت يمنه تطبك...
أي رحيم هاي لحظاتك الأخيرة اخذ نفس قووي لأخر مرة تضوك بيها الهوى وارمش بقوة وفتح شوف زين، اخر نظرة الك، رفعت راسي ليفوك وطاحت دمعتي غصب، حجيت بغصة متأمل، كان لي شعور الأمل والنجاة
نطقت و...
رحيم: أشهد ان لا إله إلا الله وأشهد أن
وصلت لشهادة الرسول وسمعت الي بالسيارة نزل وصاح
_: منو رحيم هرام بيهم؟
ابتسمت براحة وزفرت الهوى بقوة، اي هذا هو شعور الامل الي بداخلي...جاوبة ابو السلاح وهو يدفع براسي بالسلاح
أنت تقرأ
كيد مسموم (القاعدة جيم)
Actionطريق مُضاء، يُعتم بسواد قاتم، قَلب عاجِز عن الصَد، مُهيمة بالعدو، نَفور وغَجَر مَقتول. ماذا لو لَم ينتسب؟ ماذا لو لَم يعشقها العدو؟ ماذا لو لَم تُهيم به؟ ماذا لو لَم تكُن هي القاعدة جيم؟ ماذا لو لَم يلتقي العَدو بالعَنيد؟ ماذا لو لَم تكتبها لَ...
