အစက တော်ဝင်အမဲလိုက်ပွဲကို ဆောင်းဦးတွင်စီစဉ်ထားခဲ့ပေမဲ့ ဆောင်းဦးရာသီအတွင်းမနက်နဲ့ညနေကြားက အပူချိန်ကွာဟချက်ကြီးမားမှုကြောင့် အအေးမိဖို့အလွယ်ဆုံးပင်။ ထို့ပြင် ဧကရာဇ်မင်ရွှမ်သည်အားနည်းချူချာပြီး လေအေးအေးအနည်းငယ်ကိုတောင် ခံနိုင်ရည်မရှိပေ။
ထို့ကြောင့် ရိုးရာဓလေ့ထုံးထမ်းဌာနသည် ဆွေးနွေးတိုင်ပင်ခဲ့ကြပြီး နွေဦးရာသီအမဲလိုက်ပွဲအဖြစ် ပြောင်းလဲရန်ဆုံးဖြတ်ခဲ့ကြသည်။ နွေဦးသည်အရာအားလုံးအတွက် အစပြုရာ,ရာသီဖြစ်ပြီး ဧကရာဇ်ရဲ့စေတနာသဒ္ဒါတရားကိုပြသရန်အတွက် နွေဦးနှောင်းပိုင်း သို့မဟုတ် နွေရာသီအစပိုင်းကိုပြောင်းရွှေ့ခဲ့ကြပြီး အဆုံးသတ်တွင်လက်ရှိအချိန်တွင်အတည်တကျသတ်မှတ်လိုက်သည်။
စူးမီသည်ဒါကိုဖုန့်ပေါင်ဆီကနေ လျှို့လျှို့ဝှက်ဝှက်ကြားသိခဲ့သည်။ အဆင့်ငါးနဲ့ အဲ့ဒီထက်ပိုမြင့်တဲ့အဆင့်ရှိတဲ့အမတ်တွေပါဝင်ကြပြီး သူတို့ရဲ့ဇနီးသည်တွေနဲ့ တရားဝင်သားသမီးတွေကို ခေါ်ဆောင်လာနိုင်သည်ဟုဆိုသည်။ တော်ဝင်အမိန့်တော်ကိုထုတ်ပြန်ခဲ့ပြီး ငါးလပိုင်းကုန်တွင်ရက်သတ်မှတ်လိုက်ကာ စူးမီလည်းသဘာဝအလျောက်ပင်ပါဝင်သည်။
နွေဦးအမဲလိုက်ပွဲအတွက်ရွေးချယ်ထားသည့် အမဲလိုက်ကွင်းသည် လုံဟူတောင်ထောင့်တွင်ဖြစ်သည်။ အကြီးအကဲအိမ်တော်သည်လုံဟူတောင်ကို နောက်ခံပြုထားသော်ငြား တောင်တန်းသည်တောင်နဲ့မြောက်ရှည်လျားကျယ်ပြောပြီး ထိုနေရာသို့ရောက်ရန် မြင်းဆွဲရထားလုံးဖြင့်တစ်နာရီ၊ နှစ်နာရီလောက်သွားရသည်။
" သခင်မလေး ဒီတစ်ခေါက်လည်းကျွန်မကိုခေါ်သွားလို့မရပြန်ဘူး"
ချွမ်းမိန် စိတ်ပျက်လက်ပျက်နဲ့ညည်းညူလိုက်သည်။ ပြီးခဲ့တဲ့အခေါက်က သူမသခင်မလေးထွက်သွားတော့ သူမကိုအကြီးအကဲအိမ်တော်မှာ တစ်ယောက်တည်းချန်ထားရစ်ခဲ့သည်။ အခုတစ်ကြိမ်မှာလည်း သူမသခင်မလေးကို အဖော်လိုက်မပြုပေးနိုင်ပုံပင်။
စူးမီစာအုပ်ဆီမှမျက်စိခွာပြီး သူမကိုမော့ကြည့်ကာ ပြုံးလိုက်သည်။
YOU ARE READING
ကျွန်မယောက်ျားကပျိုတိုင်းကြိုက်တဲ့နှင်းဆီခိုင်
Historical Fictionနှစ်ခါလက်ထပ်ပွဲပျက်ခဲ့ပြီးနောက် စူးမီဟာမက်မွန်ပန်းပွင့်ပုပ်နှစ်ပွင့်နဲ့ကြုံတွေ့ခဲ့ရသည်။ တစ်ယောက်ကသူမအပေါ်လိုချင်မျက်စိကျနေတဲ့ခဲအိုဖြစ်ပြီး နောက်တစ်ယောက်ကရက်စက်ပြီးအကြင်နာကင်းမဲ့တဲ့မိန်းမစိုးတစ်ယောက်။ သေသေချာချာစဉ်းစားဆုံးဖြတ်ပြီးနောက် အနောက်ကတစ်ယောက...