الــمالــك🖤🔥.

البـــــــآرت الأول🖤.

للڪـــــــاتبـــــه:  الـــبحــــاࢪيـــــــه🔥🦅.

فلاش بـاك قبل 20 ســنه:

فــي طرابـلس/.

&&: انته امتى بتوقف عن القـتل والتهريب يـَ أدم؟ ماتفڪـرش فروحك يجي يوم ويقتلوك؟
أدم:(بڪل برود):  لا منخافش.
سلوىٰ: باهي ماتفكرش فروحك يَـ سيدي فڪر فياا وفولدك اللي ماسڪرش أربع اسنين حرام عليك لعند امتى حنقعد عـايشه فِـ خوف هڪي؟
أدم:  اني ماجبرتڪش تتزوجيني يَـ سلوىٰ صح اني انحبك ومنرفضلڪش طلب بس برضو مستـحيل انسيب اعمالي اللي وارثـها من بــوي وجـدي.
سلوىٰ: ممڪن اتفهمني انتَ شن ورثت؟ ورثت القتل؟ التهريب؟التجاره فِـ الممنوعات؟ هدا اللي ورثته؟ تعرف أن بسبب اعمالك هـادي حتخسرني اني وولدك ولا؟.
أدم:  خلاص يَـ سلوىٰ انتي تعرفي شغلي من قبل وقلتيلي مستحيل نتدخل فِـ شغلك نسيتي ڪلامك ولا شني؟
سلوىٰ:  منسيتش يَـ أدم بس الوضـع اختلف..توا عندنـا ولد تبيه يتعلم منك القتل والتهريب؟؟ تبيه يطلع زيك انت فِـ المافياا ولا شني؟ تبيني انڪـمل عمري ڪـــله فِـ خوف اني نخســرڪم؟
ادم:  اسمعيني يَـ سلوىٰ ولدي اني نبيه زﯾ......
&&:  بابا اني جيت.
أدم:  اووو حبيب بابا تعال يَـ بطل.... خلاص يَـ سلوىٰ سكري ؏ الموضوع وبري لولدك بدليله حوايجه
سلوىٰ: حاضر... تعال ماما هي

وفجأه رن تليفون أدم...

أدم: شن صار يَـ مجدي؟
مجدي:  البضاعه وصلت ﯾـ بيك.
أدم:  حطهاا فـ المستودع وتأكد منها ڪُلها دقايق ونڪون عندك.
مجدي: حاضر
لبس ادم ومشى لِـ مجدي يشوف فـ البضاعه.

للڪـــــــاتبـــــه:  الـــبحـــــــاࢪيـــــــه🔥🦅.

عند سلوىٰ /.

&&: خيره بابا مايلعبش معاي؟
سلوىٰ: حبيبي بوك مشغول توا بعد يقعد فاضي يلعب معاك باهي؟ هي سلم ولدي برا لـِ مـرضيه تحطلك حاجه تاڪلها باش نلعب معاك اني.

عند أدم/.

أدم:( يعيط ويخبط ؏ صندوق السيـاره): تي هدااا شنييي يَـ مجدييي؟ البضااعه ڪُـلهاا مضروبه اني مش قتلك اشبح البضاعه قبل ماتحطها فِـ المستودع صح ولا؟؟
مجدي:  والله يابيك اني...

وقبل مايڪــمل مجدي ڪلامه بدا الرصااص فوقهم زي المطر.
أدم طبس راسه تحت هواا ومجدي

أدم: تي شن فيه يَـ مجدي منين الرصااص هدا؟
مجدي: مافيش غير اكرم الخـامر

ادم مسك سلاحه ومشى اتجاه اللي يطلقوا وبدون اي سابق انذار انصاب أدم وطاح ؏ الارض.

للڪـــــــاتبـــــه:  الـــبحــــاࢪيــــــه🔥🦅.

فِـ المستشفى/.

فتح أدم عيونه لقى روحه  فِـ المستشفى وجنبه سلوىٰ ومجدي.
مجدي:  ادم بيك شن تحس فروحك توا؟
سلوىٰ:  برا يَـ مجدي للدڪتور خبره باش ايجي.
مجدي: حاضر
سلوىٰ:  شني أتحس فِـ روحك توا انشاءالله احسن؟  خوفتني عليك هلبا.
أدم:  اي متخافيش بسيطه ڪـله من ولد الحرام اڪرم لاكن والله ڪان ماخليتـه يندم منقعدش اني ادم القيصر.
سلوىٰ: أدم بالله عليك انتَ ماتشعفش؟ قريب متت وفقدتك لمن بتخليني اني وولدك بعدين؟  بالله عليك اسحب روحك منها الطريق اهيا وخلينا نبدو حياة جديده ونربوا ولـدنا يـَ أدم.
أدم:  تقدري اتسڪري ؏ الموضوع توا مش وقته؟.
سلوى:  امتى وقته يَـ أدم؟  ڪـل يوم نحكي معاك ؏ الموضوع اتقوللي مش وقته.
أدم:  سلوىٰ خلاص
سلوىٰ: تعـرف يـَ أدم اني معاش نقدر نكمل معاك هكي.
أدم: ڪيـف يعني معاش تقدري اتڪملي؟
سلوىٰ: يعني....
أدم:  يعني؟
سلوىٰ: يعني اني نبيك اطلقني يَـ أدم.
أدم:  شني؟  ماسمعتكش؟ عااودييي؟
سلوىٰ: اي نبي نطلق وناخذ ولدي معاي مستحيل نعيشـو معـاك فِـ هادي الحــــاله مستحيل.
أدم:  تحڪي من جـدك انتي يَـ سلوىٰ ولا تبصري؟.. تي ڪيففف؟؟ اخخخ
سلوىٰ:  ڪـيف ماسمعت نبي نطلق وناخذ ولدي معاي.
أدم: تمام يَـ سلوىٰ ڪيف ماتبي حنطلقك لاڪن ولدي والله مانك واخذتيه يبقى معااي اني بووه.
سلوىٰ:  علاش بتاخذه؟ باش يقعد زيك؟ اتخليه قاتل ڪيفك ولاشني؟
أدم:  توا القاتل هدا مش ؏ أساس اتحبيه وماتقدريش اتعيشي بلاه؟ ولاتوا الوضع اتغير يَـ مــرآتي؟
سلوىٰ: : أني مشـقصديـ......
مجدي:  تفضل يَ دڪتور ماليشي هلبا نايض
سلوىٰ:( وعيونها مليانات دموع) مجدي ڪلملي الشوفير يروح بياا للفيلا.
مجدي:( شافلها بإستغراب): حاضر